.: في مدرسه للثانوية
المدرس :دي عائشه حتبقي معاكوا من النهارده
عائشه بنت مختمره عنيها خضرا وبشرتها بيضا 🤤
رامز: ايه ست الشيخه دي
لينا(هي دي حتبقي معانا يع)
المستر : بلاش كلام ملوش اي لزمه وكله على مكانه
رامز : نادر يا عم روحت فين
نادر :هه معاك معاك
رامز :معاك ايه بس ده انت ف عالم تاني
نادر :لا عالم تاني ولا حاجه سرحت شويه
رامز:ماشي شوفت الشيخه دي
نادر: اه هي عامله ف نفسها كده ليه دي ناقص تلبس شوال بعد شويه حتقولك حرام حرام 😏
رامز: عليك رائك مش عارف ايه الأشكال دي وبعدين.دي مش اي مدرسه مش اي حد يدخلها
دخل المدرس والكل بيكلم على البنت الجديده الغريبه
في البريك
نور :هاي ازيك
عائشه :الحمد الله
نور:ممكن نبقى صحاب
عائشه :اكيد
نور :أشطا انا مش النهاردة صاحبتك
عائشه(بضحك) :أشطا اوي 😂😂
نور (بأستغراب) :هوا انتوا زينا بتقولوا أشطا والكلام ده
عائشه،:انتوا مين
نور :انتوا اللي بيبقوا لابسين واسع ومعقدين الدنيا كده
عائشه(بأبتسامه) :احنا مش معقدين. ولا حاجه كل ما ف الموضوع اني بعمل الواجب اللي عليا وبس علشان اخد الجايزه اللي ف الاخر يا قمري😊
نور: جايزه ايه وواجب ايه مش فاهمه حاجه
عائشه(بنفس الابتسامه) :الواجب اللي هوا الحجاب والجائزة اللي هي الجنه بس كده
نور :بس اقولك على حاجه
عائشه :قولي حجات مش حاجة واحده وانا معاكي للصبح
نور:انتي قموره وعنيك خضرا وشغل اجانب ايه اللي يخليكي تكبري نفسك وتلبسي الحجاب يعني ما تلبسيه لما تكبري وعيشي حياتك وارتبطي والدنيا حتمشي
عائشه : انتي بتعاكسيني خلي بالك 😂😂😂وبعدين هوا انتي لو باباكي قالك اعملي حاجه مش حتعمليها
نور :اه طبعا
عائشه : ما بالك بقا أن ربنا اللي خلقك طلب منك حاجه وبعدين. إنا ملزمة اني البس الحجاب ده فرض وبعدين ما انا مرتبطه مين اللي قالك اني مش مرتبطه
نور(بذهول) :مرتبطه. بجد
عائشه :مرتبطه بديني. بسأله
نور : بس
عائشه: نكمل كلامنا بعد ما نخلص مدرسه
نور :تمام. يلا
خلصوا المدرسه هما طالعين عائشه كل المدرسه بيتكلموا عليها
نور :عائشه
عائشه :يلا ولا ايه
نور :اه يلا عائش اوعي تضايقي من كلامهم
عائشه :لا خالص مش بدايق لاني اتعودت
نور: طب يلا كملي الموضوع بتاع البريك
عائشه(بأبتسامه) :حاضر انتي عايزه تكلمي ف ايه
نور :مش عارفه بس اول مره اشوف حد زيك دا انتي سبتي الحصه علشان تصلي
عائشه :ربنا بيندهه عليا وانا اقوله استنى. علشان عندي حصه لا طبعا
نور:انتي عارفه قالوا عليكي ايه
عائشه :مش مهم مش عايزه اعرف
نور : انتي بتفجأيني كل مره اكتر 😂😂
عائشه:طب ياستي هاتي رقمك علشان عمو محمد زمانه جه
نور: مين عمو محمد ده
عائشه : اللي بيوصلني
نور :اه السواق يعني ما تقولي السواق
عائشه:اه بس مش بحب اقول كده عادي يعني
نور:واللهي انتي طيبه يا عائشة يلا هاتي رقمك
عائشه:ماشي خدي عندي *********010
نور:تمام حبعتلك رساله علطول باي
عائشه:باي
عائشه وصلت البيت بتاعها
عائشه: داده نعيمة يادادا
نعيمه:يا عائش انا ف المطبخ تعالى
عائشه: عامله ايه يا قلبي
نعيمه: الحمد الله يا حبيبتي انتي عملتي ايه النهارده
عائشه:كله تمام لا تقلقي بابا رجع ولا لسه
نعيمه: رجع من شويه وهوا ف مكتبه
عائشه:طب اما اروح اغلس شوية عليه واغير واجيلك هوا
نعيمه:مش حتتهدي ابدا😂😂روحي ربنا يهديكي
