رامز:بقولك ايه انا حروح الشركه اشوف فيه ايه وايه اللي اقدر اعمله
ادم:تمام عايزه حاجه مني اجي معاك
رامز:لا لا انا اصلا مش حتاخر وبعدها حروح لنادر
ادم:تمام وانا حسبقك علي هناك
رامز:تمام
ادم:احنا حنعمل ايه ف حوار الخطوبه ده
رامز:مش عارف انا مش عارف رد فعل نادر حيكون عامل ازاي
ادم:احنا مش حنقوله اصلا
رامز:يفوق هوا الاول بس
اددم:ان شاء الله حيفوق بس لما يفوق مش هنقوله ده ممكن يدخل ف انتكاسه احنا اكيد مش حنبقي عايزين كده
رامز:هوا يفوق وبعدها نبقي نشوف يلا سلام
ادم:سلام
عند البنات
يارا :نور هي عائشه فين مش بترد عليا من اممبارح ومختفيه فيه حاجه ولا ايه
نور :اه ما انتي ولا علي بالك
يارا :فيه ايه
نور :مش عاجبها خالص العريس ورافضه رفض تام وعمو غصبها وحطها اودام الامر الواقع وقالها اخر الاسبوع الجاي حيروحوا يشتروا الشبكه
يارا :يعني عمو غصب علي عائشه العريس ده اشمعنا المره دي
نور :معرفش
يارا:لا لا اكيد فيه حاجه عمو علي ميعملش كده
نور:الله اعلم ده اللي باين
يارا :طب وهي حتوقولوا علي تعبها
نور:تصدقي انا كنت ناسيه اصلا ومسالتهاش
يارا:طب احنا قعدين بنعمل يلا نروحلها اكيد يا حبيبتي منهاره
نور :ماشي يلا
عند عائشه
نعيمه :طب يا حبيبتي كلي حتي
عائشه :ياداده مش عايزه اكل مش جعانه
نعيمه :طب افتحي خلينا نكلم
عائشه (بتعب )ياداده لو سمحتي سبيني لوحدي
نعيمه :حاضر يا بنتي انا تحت لو عوزتي حاجه اندهي
عائشه :يارب خليك معايا يارب
بعد شويه
نور :داده عامله ايه يا حبيبتي
نعيمه :"الحمد الله مبروك يا حبيبتي ويثبتك يارب ويهديكوا
نور :يارب يا داده ها عائش فين
نعيمه :فوق من ساعه ما مشيتي وقفلت علي نفسها تاني ومش راضيه تفتح لحد
نور :اوعدك حنفرفشها ونطلعها من اللي فيه
نعيمه :يارب
نور :يلا يا يارا اودامي يلا ورانا مهمه( وشمرت اكمامها و)استعنا علي الشقا بالله
وطلعوا علي فوق
نور :عائشه
عائشه :نور مش حفتح
نور (ببكاء مزيف ):الحقي يا عائشه يارا عملت حادثه وهي ف غيبوبه دلوقتي ومش عارفه اعمل ايه
عائشه :ايه انتي بتقولي ايه
وقتحت الباب
يارا:مكنتش اعرف ان غلاوتي كبيره كده
عائشه :انتوا بايخين اوي ودخلت
نور :لا يا حبيبتي مفيش دخول واكتئاب والكلام من ده يلا تعالي
عائشه :م
نور :بس هص خالص يلا يا ماما ورانا شغل
وسحبتها وراها
نور :يلا ياداده ارتاحي انتي النهارده واحنا حنقلب الفيلا دي كلها علي بعضها
نعيمه :لا يابنتي حتتعبوا
نور :ولا يهمك يا قمر يلا
عائشه :انا حطلع فوق
نور :بقولك ايه بقا خلاص فين اللي قادره علي التحدي ولا مش موجوده يلا
وفعلا قلبوا الدنيا وشقلبوها (زي توضيبه العيد كده )ونور مسكتتش علي كده وبس
نور :يلا علشان لسه الحيطان والجنينه (فكرتيني بماما )
عائشه :نور فيه ايه انا تعبت
نور:يلا ياعائش يلا
يارا :اه ياني نور انتي داخله علي الحامي ليه احنا قولنا نيجيي نفرفشها متفقناش علي كده
نور :يلا يلا
وخلتهم يعملوا الفيلا كلها وطلعوا علي الجنينه وقعدوا يرشوا علي بعض وفعلا عائشه اندمجت ونسيت وهزروا ولعبوا
نور :اخيرا لولوللوولولوولولولوي ايوه بقا دي عائش يلا ناخد شاور ونخرج شويه زهجت
عائشه :ممممممم
يارا :لا بلا اممممم بلا ايييييي حننزل يلا
عائشه :خلاص ياسيد متزعقش يلا ننزل
ونزلوا وخرجوا وده كله خلي عائشه تهدي وتعرف تفكر وكل واحد روح بيته متفقين انهم حينزلوا بكره
عند الشباب
ادم:ها عملت ايه
رامز:بصيت علي الملفات وكده والدنيا ماشيه مظبوط يعني
ادم:طب كويس
رامز:مفيش اي جديد
ادم:لا
رامز:اوف يارب
ادم:انا مش فاهم فيه ايه كل حاجه تمام
رامز:انا مبقتش فاهم اي حاجه
ادم:ربنا حيعديها ده اختبار لينا وليه وحتعدي متقلقش يلا احنا
رامز:لا انا عايز اقعد معاه شويه كمان روح انت وانا حبقي اجي
ادم:ماشي
عدي اسبوع ونادر لسه ف الغيبوبه وعائشه اقتنعت بكلام نور وجه اليوم اللي حينزلوا فيه
علي :يلا ياعائش خلصتي
عائشه :اه يابابا
علي :طب يلا ياحبيبتي
عائشه :حاضر
ونزلوا وقابلوا الاستاذ عتريس
سليم :ازيك
عائشه :الحمد الله
وركبوا كلهم وبعد ساعه كانوا وصلوا
سليم :اختاري اللي انتي عوزاه
عائشه :حاضر
سليم :بصي ده حلو اوي
(كان عباره عن خاتم سلوتير ومنقوش عليه
عائشه :اه حلو اوي
سليم :خلاص حناخد ده
واشتروا وخلصوا وقالوا حيتغدوا بره بعد ما وصلوا
عائشه :بابا ممكن اكلم انا وسليم لوحدنا حنبقي قريبين منكوا
علي :ماشي يا حبيبتي
بعد ما مشيوا
سليم :ها يا حبيبتي كنتي عيزاني ف ايه
عائشه:بص بقا انا ف الخطوبه حنلتزم بضوابط الخطوبه
سليم :مش فاهم
عائشه:يعني ف الخطوبه مفيش مسك ايد والكلام ده ولا حبيبتي اللي انت لسه قايلها من شويه مفيش خروجات ولا الكلام ده عايز تكلمني حتتصل بفون بابا لانك مش حتاخد رقميويوم الخطوبه مامتك او بابا اللي حيلبسني الخاتم مش انت وكل ده
سليم:هي مش الخطوبه دي للتعارف بردو
عائشه :اه
سليم :حتعرف عليكي امتي بقا
عائشه :تعالي البيت واقعد بس الداده حتبقي معانا او بابا قاعد معانا
سليم :طب انا عيزك من اول الخطوبه تغيري لبسك
عائشه :يعني البس ايه
سليم :زي ما بقيت البنات بتلبس مش سليم الانصاري اللي مارته او حتي خطيبته تلبس اللبس البيئه ده
عائشه :انا مش حتغير لو حتغير يبقي للاحسن لو مش عاجبك ممكن ترجع الللي جبناه وتنهيها خالص
سليم :ده انتي بايعه الحكايه خالص
عائشه :مش حكايه بايعه حكايه اني محدش حيرجعني عن اللي تعب علشانه
سليم :ماشي ياعائشه انا كنت بحاول ابقي لطيف معاكي بس من دلوقتي حتشوفي مني وش تاني وانا من النوع اللي عمله ما بيدخل تحدي واخسره وانتي من دلوقتي بالنسبه ليا تحدي
ومشي
قعدوا كلوا وخلصوا وسليم كل شويه يبرقلها وجه يوم الخطوبه
عند الشباب
ادم:الو رامز تعالي بسرعه حصل حاجه غريبه اوي
بقلم مريم محمد
