ف المطار
رامز:خلاص حتمشي يعني
نادر :يابني ما خلاص بقا انت مدليق من ساعه ما عرفت وبعدين انا مش حقعد علطول
رامز:خلي بالك من نفسك
نادر :حاضر يا خالتي وحاكل وحشرب الللبن قبل ما انام حاجه تاني
رامز:اتريق اتريق
نادر :خلاص اهم حاجه خلي بالك من عائشه ونور حطمن عليهم منك
رامز:حاضر انت بس ركز وارجع بسرعه بقا عايزين نفرح بيكوا
نادر :يارب يا رامز يارب
رامز:ياعم خلاص بقا حتبقي من نصيبك باذن الله بس انت متلعبش بديلك هناك
نادر :عيب عليك ده انا نادر
رامز:انت حتقولي نادر الدبش
نادر كانت عارف انا حروح هناك علشان الشركه والكليه وبس
رامز:يلا يلا الحق طيارتك
نادر :يلا سلام
مشي رامز ونادر ركب الطياره (يابختك ياعم )ورامز ارح لادم
ادم:ياعم فك بقا كده
رامز:انا كويس اهو
ادم:انت من ساعه ما جيت مكلمتش حتي العصير مشربتش
رامز:مدايق من حوار السفر ده وبعدين انا ونادر مع بعض من زمان اوي
ادم:انا مش فاهم ايه اللي حصل
رامز:ولا انا فاهم حاجه
ادم:ادم لسه ف اولي كليه هل هوا حيعرف يدير شركه
رامز:لو علي نادر ف اه انما باباه اكيد بيفكر بطريقه تانيه
ادم :مش عارف هوا وصل ولا لسه اصلا
رامز:لسه بقولك ايه انا حممشي بقا
ادم:ليه يابني ما تبات هنا النهارده
رامز:ل لا حروح سلام
بعد كام يوم كده
عند البنات
عائشه :انتي مش معانا خالص في ايه يا نور مالك
يارا :انا لاحظت كده بردو
نور :ايه يا بنات مفيش حاجه عادي
يارا :بذمتك يا نور احنا بقالنا ساعه بنتكلم وانتي ولا هنا
نور :عادي سرحت
يارا :لا والله
عائشه:خلاص يا يارا سبيها براحتها احنا حنعمل ايه ف محاضره الدكتور بتاع بكره رغاي اوي بصراحه
يارا :انا مش عارفه ايه اللي دخلني هندسه انا كان كفايه عليا اثانوي واتجوز واخلص
عائشه :نعيمه ما صدقت اني دخلت جامعه ومسكاني بقا عايزه تجوزني
نور :ايوه يلا اعمليها يا عائش عايزين نفرح
عائشه :لا استحاله اعمليها انتي وبردو حنفرح كلنا
نور:انتي عارفه اللي حيتجوزني ده مش عارفه عمل ايه ف حياته
يارا :اكيد عمل بلوه او كارثه
نور :لا طبعا اكيد عمل حاجه حلوه اوي ف ربنا بيكرمه بيا
يارا :انتي حتقوليلي
عائشه :بقولكوا ايه احنا كده حنقعد لصبح والوقت اتاخر ولا حنعرف نصحي للقيام ولا للكليه يلا انا حمشي
يارا :خديني ف سكتك
نور :ما تخليكوا قاعدين او باتوا
عائشه :لا لا يلا سلام
عند الشباب بقا
ادم:اي ياعم ولا بتسال ونسيتنا خالص
نادر :والله يابني مش قادر اخد نفسي حتي شغل كتير وجامعه بقا ويعتبر مش بنام كمان
رامز:انت بتعايرنا ولا ايه
نادر :تعالي خد مكاني
رامز:شكرا انا بحب بلدي ياعم
نادر:ياراجل يا وطني انت
ادم:من ساعه ما سافرت وهو مكتئب
نادر :المهم نور وعائشه عامله ايه
رامز :كويسين الحمد الله
نادر :خلي بالك منهم يا رامز
رامز:ياعم حعملهم ايه يعني حمشي وراهم
نادر :انت بتتريق
ادم:خلاص بس
نادر :انا لازم اقفل ورايا شغل سلام
بعد ما قفل
ادم :انا ورايا كليه بكره وانت
رامز:وريا محاضره واحده وبعدها حروح لابويا
ادم:ليه
رامز:حبدا شغل بقا وبعدين انا عايز خبره بردو
ادم:امم ربنا معاك
رامز:ومعانا كلنا
ادم :سلام
عدي اليوم وفيه ناس مش عارفه تنام وجه يوم جديد
عند رامز
رامز:استر يارب
رامز:ايوه يا نور عامله ايه
نور :نادر فين يا رامز
رامز:نادر معرفش
نور :رامز نادر فين بتصل بيه بقالي خمس ايام راح فين اختفي
رامز:بصراحه كده هوا سافر
نور:سافر فين
رامز:المانيا وراح يدرس هناك ويمسك فرع الشركه
نور :ليه عمل كده
رامز:هوا معملش ده قرار
نور :قرار من مين يا رامز ما تقول مره واحده
رامز:قرار من بابااه
نور :ليه يعمل كده
رامز:مش عارف بس انا خمنت انه عمل كده علشان يبعد نادر عن عائشه
نور :هوا عمو يعرف
رامز:اه قبل ما نادر يسافر عمو جابه وساله ونادر قاله
نور :تمام يا رامز سلام
رامز:نور متزعليش منه ده كل يوم بيسال عليكوا
نور :انا حبعتله واكلمه يا رامز
رامز:ماشي سلام
عدي تلت شهور والبنات بداؤا امتحانات ونادر كل يوم بيكلم رامز يطمن عل عائشه ورامز اشتغل فشركه باباه واظهر قد ايه هوا موهوب والشركه من ساعه ما اشتغل فيها وهي ف تقدم (اخيرا طلع بيعرف يعمل حاجه ) ونور بتكلم نادر وبتطمن عليه و
ف مكتب ابو نادر
:انت عارف يا بهجت ان من الاول اني بعته علشان ابعده عن البنت دي ويرجع زي ما كان انت متعرفش اولاد اصحابي عاملين ازاي ونادر كان زيهم بس مش عارف ايه اللي حصله
بهجت :يا باشا البنت دي بنت حد كبير ف البلد يعني مشض حيحصل حاجه لو اتجوزها غير انك حتكون قريب حد كبير ف البيلد وده حيخلي الصفقات اكتر
:بهجت اللي بقوله يتنفذ انا عايز اخلص من البنت دي وابعدها عن ابني انت فاهم
بهجت :حاضر ياباشا
:بقلم مريم محمد
