عدي اسبوع وعائشه راحت الجلسه بس المره دي كانت غير اي مره
عائشه:مش قادره تعبانه اوي
نور :طب اعمل ايه اجيب الدوا لا بصي تعالي نرجع للدكتوره انتي اول مره تبقي كده
يارا:بسرعه بس اهدي ياعائش خمس دقائق ونوصل
عائشه :تعبانه اوي
نور : طب ايه اللي وجعك اواوصفي تعبك
عائشه:صداع رهيب ووجع ف جسمي كله
نور :طب خلاص يا حبيبتي وصلنا اهدي اسندي علينا ايوه براحه
وراحوا للدكتوره
يارا :دكتورعائشه تعبانه اوي
الدكتوره:حاسه ايه يا عائشه
عائشه:صداع رهيب ووجع ف جسمي كله
الدكتوره:بصوا يا بنات ده طبيعي جدا وخصوصا ف حاله عائشه النهارده احنا زودنا ف الجرعه وبالتالي التعب حيبدا يزيد وحتتعبي اكتر فحتكوني عايزه ترتاحي
نور:طب هوا ايه اللي حيحصللها
الدكتوره:صداع وممكن التعب يوصل للاغماء وغثيان وحتحسي انك طول الوقت عايزه تنامي ف لازم الكل يعرف يا عائش لو معرفوش منك حيعرفوا من الاعراض
عائشه:لا محدش حيعرف
نور : بس عائشه الدكتوره بتقول ان الاعراض دي حتيجي يعني حتيجي يعني اكيد حيعرفوا
عائشه:خلاص حوقف العلاج انا تعبت وانتوا مش حاسين العلاج ده بيتعبني قد ايه
يارا:يعني حتستسلمي يا عائشه
عائشه: مفيش ف ايدي حاجه حستني اليوم اللي حروح لربنا
يارا :متقوليش كده ياعائشه انتي قويه واحنا ف نص الطريق
ف الوقت ده نادر دخل علشان يطمن علي عائشه من الدكتوره
نادر :دكتوراخبا
نادر(بتفاجا):انتوا بتعملوا ايه هنا في حاجه ولا ايه
يارا : عائشه عايزه توقف العلاج
نادر : ايه ليه
يارا: تعبت النهارده اوي علشان الجرعه زادت والدكتوره قالت ان لازم الناس تعرف لان الاعراض حتبدا تزيد
نادر: طب عائشه ما تقولي لباباكي بس
عائشه :لا مش حقول لحد وبعد اذن حضرتك متددخلش ويلا يابنات انا بققيت كويسه
بعد ما مشيوا
نادر : ايه الخطوه الجايه
الدكتوره : لام تتابع مع دكتور نفسي علشان يساعدها عائشه وصلت لمرحله انها ياست والاستجابه للعلاج حتبقي قليله
نادر : تمام يا دكتور وانا حتابع مع حضرتك بردو
تاني يوم ف المدرسه
نور : نادر عيزاك
نادر : نعم يا نوري
نور : بطل الكلمه دي مبحبهاش
نادر : حاضر يا نوري ها كنتي عايزه ايه
نور : كنت بتعمل ايه امبارح عند الدكتوره
نادر:كنت بعمل حاجه هناك ف المستشفي لواحد صاحبي
نور : نادر انت بتكذب علي فكره ومتقولش لا لاني اختك وعرفاك
نادر :اوف طب خلاص حاجي بليل واقولك علي كل حاجه
نور : اشطا حستناك بس ابقي هات شوكولاته معاك
نادر: حاضر يا اخره صبري
عدي اليوم ونور راحت تطمن علي عائشه ورجعت البيت وبعد كام ساعه نادر جه
نادر :ادخل ولا امشي
نور : ادخل ادخل انت من امتي بتستاذن اصلا
نادر: طول عمري علي فكره
نور : يا شيخ اتنيل اقعد
نادر : ماشي
نور (بصوت عالي شويه ):استنييييي
نادر : ايه فيه ايه
نور : فين الشوكولاته يا باشا
نادر :انا لو رميتك من الشباك دلوقتي حتستريحي
نور : متقدرشي ها قول
نادر :اقول ايه
نور :ولا قول كل حاجه بقالك كام شهر وانت متغير وخصوصا من اخر رحله فيه ايه
نادر :مش عارف اقولك ايه بصراحه مش عارف ابدا منين
نور (وهي باكل الشوكولاته ومش مركزه معاه اصلا ):قول من اي حته قصدي ابدا وخلاص
نادر : من الاخر يعني عائشه حتبقي مرات اخوكي
نور (وهي بردو مركزه فاللشوكولاته): اخويا مين وعائشه مين
نادر:نور ركزي عائشه صاحبتك واخوكي انا في ايه
نور (اخيرا استوعبت وبصتله):اانت بتهزر ولا بتتكلم بجد
نادر:والله بجد وكمان عندي ليكي مفاجاه حتعجبك
نور :قول يا عم مستني ايه
نادر : انا بدات احفظ قران وكمان بصلي كل الصلوات
نور : احلف
نادر :والله
نور:هيههههههه انت مش متخيل فرحتي
نادر :متخيلها اذا كنت انا ومبسوط بنفسي ما بالك انتي
نور : الله الله عائشه مغيرتناش احنا بس
نادر : يلا حمشي انا بقا عايزه حاجه
نور : لا شكرا ربنا ما يحرمني منك
نادر: ولا منك يا حبيبتي باي
عدت سبع شهور وعائشه ممتنعه عن العلاج والكل بيحاول معاها وتعبت اكتر من مره بس كانت بتقول برد وكانت خايفه جدا من الامتحانات انها متجبش مجموع اللي هي عيزاه بسبب تعبها وجت فتره الامتحانات
نكمل البارت الجاي
