كرار . كعدت وديان بعدهه بحضني نايمه نومتهه عدل وبست راسهه وكمت غطيتهه ونزلت حتى اروح بيت عمي جانو بصاله
كرار. ها يابه نتوكل
ابو كرار. اي يابه يلا شباب امشونهه
كرار.. فدوه هديل عينكم على وديان نايمه بس خاف تحتاج شي
هديل . ماشي خويه ليضل بالك
كرار . كمنه طلعنه وصلنه بيت عمي كعدنه مرت عمي جابت جاي وكهوهه وجان ابويه يكول
ابو كرار. يبو سجاد كهوتكم مانشربهه اذا ماتردولنه حكنه وتربي بتك
ابو سجاد. افا عليك خويه شصاير
ابوكرار. يعني ماعرفت شصاير
ابو سجاد. لا والله يخويه
ابوكرار. صيح زينه
ابو سجاد. وهي شدخلهه
ابو كرار. بس صيحلهه
ابو سجاد. حاضر وصاح على زينه واجت
ابوسجاد . عمج يريدج
زينه . هاعمي
ابو كرار. بعد الي سويتي تكولين عمي ليش هيج سويتي شبدر من عمتج وديان
ابو سجاد . غير تفهموني شمسويه
ابو كرار. حجه كلشي لبو سجاد وتخبل كام ديضربهه بس مخلا ابو كرار وكال
ابو كرار. هنه كلمتين عدي غيرهن ماريد من ماكو احد من الولد كرار لو عمار لو امير زينه متوصل بيتي وتعيرج لحمزه تره دنيا دواره ويجوز يصير بيج مثله
ابو سجاد . خلص خويه لتريده يصير
زينه . كل هاذه لخاطر وحده من شارع
كرار. مااسمحلج وديان مرتي
ابو سجاد . لج شكد عينج كويه فوك كل هاذه تحجي كومي ولي واحسابج من يروحون كوومي ماعرفت اربي
ابو سجاد. عمي كرار ونته خويه اسفه على الي سوته اطلب منكم السموحه
ابو كرار. مسامح يخوي يلا شباب
ابو سجاد . تغدو وروحو
ابو كرار. لا والله منتضرينه بل بيت
ابو سجاد. مو خوش جيه والله
ابو كرار. على جايات يلا نترخص
ابو سجاد. مرخوص خويه
كرار. ضجت لان ابوي مخلانه نحجي ومخله عمي يضربهه وبل سياره كتله
كرار. يابه ليش مخليته يدبهه
ابو كرار. يابه مو كلشي بل ضرب تروح تعاند اكثر وتذيهه لمرتك
مرتضى . والله كلام عمي صحيح
علي . اي والله واذا لا سامح الله كررتهه حسابهه يختلف
