تعريف شخصات .
وديان
مرحبا اني وديان عمري ١٧ يتيمه الام من ولدتني توفت وعشت ويه ابويه ومرته بس مراه جانت ضالمتني حيل وتفرح بيني وبين اخواني دائما تحرك ابويه عليه وتخلي يضربني ويصيح عليه ويرزلني غرفتي جانت مو زينه عباره عن مخرن جوه درج
اعرفكم على اهلي
بابا اسمه علي عمره ٥٤
خالتي علياء مرت بابا ٤٥
اخويه احمد عمره ١٦
واختي هدى عمره ١٠
ومحمد اخويه عمره ٧
اخواني من ابويه
احمد دائما يجيب مشاكل لو متعارك لو يطالب ويه جماعته احمد امه دللته هواي وخربت اخلاقه ومن يسوي مشاكل امه تظمهن عن بابا اطته عين زايده وفسد كلش فلوس وطلعات ويدخن طبعا كلهن بدون علم بابا
هدى كلش حبابه وطيوبه ماله حس بل ببيت هادئه ومسالمه عكس امهه واخوهه
محمد بعده زصغير بس يحبني كلش لان دائما تعوف يمي وتطلع ويه بابا او تطلع سوك تعوفه يمي
بابا رجال على كد حاله وعدنه اسواق مالته يشتغل بيهه وحالتنه زينه الحمد الله
وعايشين ابغداد
وهسه نتعرف على البطل وعائلته
كررار
اسمي كرار من البصره بس جامعتي ابغداد ادرس طب عام مرحله رابعه والدي شيخ عشيره جبير معروف بل بصره وعدنه هواي املاك مزارع بيوت محلات حضاير حيونات
امي هيه حب عمري وعافيتي عدي ٦ اخوان واني ٧ احنه ٣ بنات و٤ ولد
عمار الجبير ٣٥مزوج وحده من القريه بس حبابه كلبهه طيب وعده ٣ اطفال
هبه مرت عمار بنيه مسالمه وكلنه انحبهه عمره ٢٦
وامير عمره ٣٠ هاذه قافل على شي اسمه زواج عايش حياته مكمل اداره واقتصاد
وراه اني كرار عمري ٢٤
وحمزه عمره ٢٠ بس مشاغب وشالع كلبنه وابو بنات بس محبوب واحبه هواي هوه صديقي واخويه
حنين عمره ٢٥ ومزوجه ابن عمي
رنين عمرهه ٢٢ مخطوبه لبن عمي الثاني
وهديل عمره ١٦ هاي المدلله محد يكدر يحاجيهه 🤭
واخر واحد رفيق دربي وعمري صديقي حسام ٢٤
وهم يدرس طب وياي بيتهم بل قريه ناس على كد حالهم عايش هوه وامه واخته وابو
نبدي بل قصه 💙
وديان هيي انتي كومي حضري الغده راح يجي ابوج
وديان . حاضر خاله كمت
كمت نضفت وحضرت الغده ومسحت البيت وكنست وحت لغرفتي جان وكت صلاه توضيت وصليت اجه بابا جنت اصلي كملت ورحت لبابا جان معصب وضايج كتله الله يساعدك يابه جان يضربني كالي ليش هيج هيج ويه امج مامساعدهه بل شغل هاا
كتله بابا
كالي اشش ما اسمع صوتج امشي صبي زقنبوت بسرعه رحت للمطبخ نزلت دموعي ونقهرت بس مطلعت صوت كدام بابا تمثل هيه طيبه وحبابه واني ماحبهه والشريره ومااسمع كلمه وما اساعدهه بل بيت بس طبعا العكس صحيح
كرار جان بل كليه جانت شته وبارده وموسم مدراس جان كرار كاعد صافن اجا من وره حسام وضربه بل كتاب
كاله وين صافن زمالنه
صاح بي كرار هيي شبيك اثول شوكت تبطل سوالفك
كاله من تكلي وين صافن
كاله مصافن بس مشتاق لاهلي صار سبوعين مشايفهم اشتاقيت الامي
كاله كوم جنك وحده مطلقه
ضحكو ثنينهم
حسام . كرار كوم للكافتريه جوعان
راحو للكافتريه
وديان . كملنه غده وكمت غسلت اماعين وكملت ورحت لغرفتي وغفيت وكعت العصر غسلت ملابس ورشيت الزرع وغسلت طرمه صار المغرب وصلينه وكمت اسوي عشه وتعشينه وغسلت اماعين وكمت اسوي جاي والمي جان حاار واجت مرت ابويه جنت واكفه بصف الطباخ جان تجي تدفع المي كله وكعته عليه شاغت روحي وعيطتت حييل لان تذيت راحت مرت ابويه وبابا سئلهه شكو شبيهه
كالت والله مادري شبيهه هاي الايام وكعت مي شويه عليهه نجوت
راد يجيني بابا كالته وين رتاح مابيهه شيي
وديان . كمت الغرفتي وحطيت ثلج وبجيت حد ماتعبت ونمت مادري بروحي
كرار . جنت كاعد بصاله واجه حسام كام يصيح جووعااان جوووعااان جووووعاان جان اصيح بيي
كتله وسم اكو اكل بثلاجه وروح اتزقنب
حسام .انتضر مرتي كرورتي تسويلي اكل
باعت عليه
كرار . ايا حيوان كووم انته
ضحك عليه وراح 😂
..............................................
لهنا ويكمل البارت ان شاء الله يعجبكم ❤
اكو صدفه راح تجمع كرار وديان قبل متروح فصليه😍 !
متابعه ممتعه🌹
تحياتي دينا اسامه
