وديان
رجعت للبيت وجنت حيل خايفه من مرت ابويه اول ما دخلت سئلتني
علياء . هاولج وين جنتي
وديان . بل مستشفى
علياء . يلا البيت ينتضرج الله يستر من مصايبج روحي نضفي
وديان رحت على البيت نضفت ورتبت وطبخت الغده وغسلت ملابس ومسحت ورحت صليت وارتاح بغرفتي وره شويه صاحتي اصب غده
علياء . هييي انتي تعالي صبي غده
وديان رحت صبيت غده وكعدنه كلنه دناكل من كعدت كالت
علياء .مكان الخدم بل مطبخ
وديان ضجت وكمت من السفره رحت لغرفتي شبعت بجي وراها طلعت جبوس ونساتل وككوات اكلت لحد ما شبعت ضليت على هل حال لحد ما اجه ابويه مرت الايام واجه وجان حال كل الامور والبضاعه مستلمهه
وره كم يوم طلع بابا للشغل واجه احمد جان وجه اصفر ويرجف ويصيح
احمد. ولج يمه مات مات
اجت مرت ابويه
علياء. ولك يمه منو المات
احمد . دعمته يمه دعمته مات
مرت ابويه كمات ادك وتلطلم وتبجي وتصيح
علياء . يمه عزه العزاني ابني راح يروح مني خل اخابر ابوك
اجه ابويه وحجتله وارتفح ضغطه وكام يحجي ويصيح وراح يضربه بس مخلته وكال حروح للجماعه اتفاهم وياهم راح وضلينه احنه بتوتر وقلقق وخايفين ورجع ابويه كال طونه عطوه ٣ ايام والولد عايش يشوفون شيصير بي منا لل٣ ابام وبل كعده نتفاهم
كرار. وره ماراحت البنيه كملنه الايام كليه وبيت واكل ونوم ودراسه وره ايام خابرني ابويه وكالي
وليد الاب . ها بويه شلونك
كرار. حمدالله بخير بويه انتو شلونكم اخباركم الحجيه شلونهه
الاب . بخير يابه اكلك حمز اجاك ومن الصبح ماوصلك
كرار .اي بويه خابرني شويه ويجي يوصل الكليه
الاب. دير بالك عليه كلبي ممرتاح
كرار. لتخاف يابه ماكو شي
الاب . يلا معا سلامه انتبهو لنفسكم
كرار . الله ويالك يابه
كرار . مرت نص ساعه دنطلع اني وحسام من الكليه شفت هوه وناس مجمعين كلبي لجمني حيل رحنه دنشوف وجان اشوف حمزه مدد ودمه بطوله اني تخبلت نصدمت معرف شسوي حسام كبل اتصل بسياره اسعاف اجت اخذنا للمستشفى دخلو عمليات وحسام خابر عمار اخويه وكله وراح يجون وره ساعتين ونص من القلق والخوف طلع الدكتور ورحت عليه بسرعه
كرار. طمني دكتور
دكتور . حمدالله وكف النزيف الدماغ بس
