شحلاتكَ من تحبنَي ، بدوُن ما كلكَ !💖
..................................................................
وديان . من اجيت بيت ابويه ومرت ابويه مدري شبيهه راح تطلكين وشمسويه مكسوره خلتني اشك بروحي وكاعد تكلب بأبويه عليه وكرار من بارحه مسئل عليه ورجعت نفس الروتين طبخ ونفخ وهيه مرتاحه وكاعده اووف يربي لو ادري مجايه لهاذه القهر
كرار. التهيت ادور واراقب كل شخص يمر من يمي اريد اعرف منو هاذه الي كاعد يهدد وديان متصلت عليهه اخاف تكول يذوني واكل بروحي وماكدر اجيبهه اهنا خطر والبنات هم لا طلعه ولا طبه هم اخاف عليهن وهديل شويه صارت احسن وطبعا مناسي شغله حمزه بس اريد يصفى بالي وامير هم صار زين تحسن الحمدالله
وديان . كاعده بغرفتي العب بجهاز جان وكت عصريه اجه ابويه وهوه عصبي وفاير حيل دفع الباب وبقوه وكال
ابو وديان. صدك الحجي السمعته
وديان . خير يابه
ابو وديان . لج انتي يجي منج الخير لج كل المصايب منج
وديان . بس فهمني شكو .. وجان تجي مرت ابويه وكالت
ام احمد . بله جذب وتسون روحج فقيره تريدني طلاك موو
وديان. من حجت هيج تفائت شنو طلاك شنو هاذه الحجي ... يا طلاك انتي شكاعد تحجين
ام احمد . سمعتج بأذني تكولين لكرار عجل بسالفه الطلاك
وديان . من كالت هيج ماعرف شصار تخبلت ... شنو هل جذب ليش تكذبين
ام احمد . اسمع ابو احمد بتك شتكول اني جذابه خوش تربيه
ابو احمد . لج اني معرفت اربيج
وديان . يابه .. قبل ما اكمل كلامي لزمني موتني كتتل كطعني تكطع ويكول
ابو احمد . لج ادورين طلاك لج شنو انتي تريدني يكلولي بتك مطلقه لج بس تفكرين اقتلج بدم بارد بدون مايرفلي جفت ياحقيره
وديان . موتني كتل عدمي العافيه تمنيت لو مجايه لو باقيه يم كرار جان هسه شلوني مرتاحه عود الاب سند وبس طلع الاب اكبر عدو اليه خلاني اتمنه المووت وينك كرار وراها عافني وطلع وضليت ابجي على حضي وجهازي اخذه وغلقه حتى لا اخابر كرار واكله يطلكني شلون تفكير
كرار. العصريه رحت لحسام وطلعنه للكوفي ردت احاجي بموضوع حمزه كاعدين جان الكوفي هوسه ولد جماعتنه مو راهمه احجي بي اهنا كتله
كرار. حسام كوم للشط اريدك بموضوع
حسام . احجي اهنا
كرار. لا المكان مو مناسب
حسام . يلا للشط
كرار. يلا ....طلعنه للشط وكعدنه كتله .... حسام شوف بدون لف ودوران راح ادخل بصلب الموضوع
