روحت و أنا دماغي عماله تودي و تجيب و مش فاهمه أي اللي بيحصل غيرت هدومي و قولت انام و من هنا حياتي اتشقلبت
(الحلم)
فوقت و لقيت شخص غريب قدامي منظره مُخيف طويل وشه تقريبًا مُشوه بيبصلي و بيضحك ضحكه مرعبه و بيقولي: " لقد وقعتي في الفخ"
_ فخ اي أنا مش فاهمه حاجه أنت مين و أزاي دخلت أوضتي
=لأ اهدي كده علشان لازم تتعودي علي وجودي هتشوفيني كتير أوي يا فرح
_أنا بصوت بيرتجف من الرعب أننننت أنت مين و عايز مني أي و بدأت أعيط من كتر الخوف و هو بدأ يقرب مني و نظراته كلها شر و مرعبه
جسمي كله بقي متلج و حاسه اني متكتفه و حاولت أصوت إن حد يلحقني بس للأسف مش طالعلي صوت
أبعد عني أبعد عني
، و صحيت من النوم علي صوت ماما
_أصحي يا فرح
=ماما! ده كان حلم ؟! حلم أي ده كابوس الحمد لله أنه مكنش حقيقة
_مالك يا بنتي؟
=مفيش يا ماما أنا هقوم ألبس عشان خارجه مع سلمي هناكل برا
_ أنتي متأكدة أنك كويسه
=أيوا يا ماما في أي
_ طب ليه معوره نفسك كده في دراعك
=في دراعي! أي ده؟! أنا مبقتش فاهمه حاجه معلش أنا لازم أخرج
قومت لبست و كلمت سلمي و أتقابلنا في كافيه كانت تقريبا الساعة 9 بليل
_ايه يا فرح اللي معورك كده
=ونبي يا سلمي أفتكري حاجه كويسه
_مالك يا بنتي مش علي بعضك كده
=مش عارفه أقولك ايه بس بصي.... و بدأت أحكيلها اللي حصل
_فرح ده بجد! ده أكيد جن يا بنتي
=جن أي بس يا سلمي أنتي بتصدقي الحاجات دي
_أنا قولتلك وجهة نظري يا فرح و أنتي حره بقا
و خلصنا كلام و خارجين من الكافيه و ركبت العربية بتاعتي و لسه بشغلها لقيت حد بيخبط علي الشباك أتخضيت الدنيا كانت تقريبا ضلمه.
نزلت الشباك و كانت هنا الصدمه لقيت الست العجوزه
_هو أنتي..و لسه مكملتش الجمله لقيتها بتقاطع كلامي و بتتكلم بسرعه و خوف و بتبص حوليها
=فرررح أمشي أمشي من هنا بسرعه هتتأذي
أنا أترعبت و بصوت خايف و مهزوز
_هو مين اللي هيأذيني، أنا حياتي أتشقلبت من وقت ما شوفتك.
قطعت كلامي تاني و بصوت عالي بيخوف
=بقولك أمشي من هنا بسرعه
و فجأه لقيتها أختفت نزلت بسرعة أدور عليها عاوزه أفهم أي اللي بيحصل معايا بس ملقتهاش،و ملهاش آثر في الشارع و الساعه داخله علي 12 نص الليل و الدنيا هادية
_فرح أركبي أنا خايفه يالا نمشي
=ركبت بسرعه العربية و شغلتها و مشينا و فجأه ظهر قدامي الشخص اللي شوفته في الحلم و أتفاديته و بخضه بقول لسلمي
_أنتي شوفتيه؟! كان مرعب
سلمي بتبصلي و علي وشها تعجب من اللي بتسمعه
=شوفت أي يا فرح!
_شوفتي الشخص اللي حكتلك عنه كان لسه واقف
=لأ يا فرح مكنش في حد الشارع فاضي يا بنتي
أنا اتصدمت، ازاي مشفتهوش أنا هتجنن ببص في المرايه لقيته بيضحك بشكل مخيف
صرخت بصوت عالي أهو يا سلمي أهو بصي في المرايه
=مفيش حاجة يا فرح أهدي كده و ببص علي الطريق لقيت طفل جاي يجري نحيتي بسرعة حاولت مخبطهوش لكن هو كان أسرع من أني أتفاداه
صوت صريخ سلمي كان عالي
نزلنا نشوف الطفل غرقان في دمه
_هنعمل أي يا فرح هنعمل اي و بدات تعيط
و أنا مُشتته و خايفه و إذ بالشخص ده قدامي بيضحك ضحكة مرعبة في نص الشارع
أنا طبعا مرعوبة و ببص للطفل لقيته هو بيبصلي و بيقولي أمشي يا فرح أمشي
و كانت هنا الصدمة الأكبر بالنسبالي
طبعا كلكم بتسألو مين الطفل ده كمان و يعرف فرح منين، و اي اللي بيحصل مع فرح ده أعملو فولو ليا علشان لما أنزل البارت التالت يوصلكم
ق/بسنت احمد
#اسكريبت
#روايه_العالم_الاخر
