_أمشى يا فرح أمشى
=أنا بكل خوف و صدمة،أننننت أنت تعرفنى
الولد أغمي ليه و أخدناه المستشفى أنا و سلمى
(فى الطريق)
_فرح هو ايه اللى بيحصل أنا مبقتش فاهمه حاجة مين الناس دى و يعرفوكى منين
=أنا منهاره من العياط و بصوت يرتجف من الخوف قولتلها:أنا كمان مبقتش فاهمه حاجه مين الناس دى و عاوزين منى أيه و ليه أنا بالذات.
أسأله كتير جوايا مش لقيالها جواب و عقلي بقا عاجز عن التفكير،وصلنا المستشفى و شلت الولد و دخلناه و كان مفيش غير الاستقبال لأن الوقت متأخر بس المشكله مكنتش هنا، الصدمة فأن الولد كان مجروح في دماغه و مغمي عليه شويه و خرجت ممرضه من الأوضه بتاعته و وشها باين عليه الخوف و عماله تبص حوليها و بصوت كله خوف بتقولي :
_ميييي مين فيكم فرح
أنا و سلمى بصينا لبعض و احنا خايفين جدًا عرفت منين أن في واحده مننا أسمها فرح و احنا مسجلناش لسه البيانات و جمعت نفسي و قولتلها :
= أنا.. أنا فرح
_بصتلى و هي مرعوبه و جسمها بيترعش و قالتلى:الولد سليم
انا فرحت طبعًا الولد سليم و كويس قولتلها و أنا البسمه علي وشى و مبسوطه
=بجد؟! اخيرًا خبر كويس في اليوم ده
قاطعتني في الكلام و هي خايفه و بتهز راسها و تقول لأ لأ
=هو أيه اللي لأ حضرتك و بعدين هو انتي خايفه اوي ليه كده مش انتي بتقولي أنو بقا كويس
راحت مصرخه بصوت عالي و تقول
_مهي دي المشكله الولد كويس، الولد اللي دخلته بأيدي و هو غرقان في دمه و روحت أجيب الأدوات عشان أنضف الجرح علي ما جيت لقيت مفيش جرح و الولد سليم
أنا و سلمى بصينا لبعض و احنا مصدومين ازاي اللي هي بتقوله ده
سلمى: أنتي بتخرفي تقولي أيه، أحنا لسه شايفينه ازاي حصل كده
أنا :أهدي يا سلمي
الممرضه بخوف :تقدرو تشوفوه بنفسكم
روحنا أحنا التلاته و فعلًا لقينا الولد مفهوش خدش أنا و سلمى بنبص لبعض بزهول ومش فاهمين ايه اللي بيحصل ده.
الممرضه خرجت و فجأه الولد فتح عينه و بصلي و قالي:
_فرح
بصتله و انا خايفه و قولتله أنت مين عرفتني ازاي و بعدين لقيت وشه بقا مشحوب و مصفر و خايف قولتله رد عليا ايه اللي حصلك ده
الولد بصوت خايف:جبتيه معاكي ليه يا فرح
سلمي:هو مين اللي هي جابته معاها محدش جه معاها غيرى
الولد:لأ و هو كمان جه... أمشي أمشييييي
أنا بصيت مكان مهو بيبص و كانت هنا المفاجأة لقيت الشخص ده قدامي و شكله المرعب
_أننن أنت تاني
رد عليا بسخريه:قولتلك لازم تتعودي علي وجودي و بدأ صوت ضحكته المرعبه يملي المكان و الولد عمال يردد نفس الكلمه أهربي أهربي مسكت أيد سلمي و جرينا و هو ماشي ورانا مش هتعرفي تهربي مني يا فرح، جرينا علي العربيه و ركبنا بسرعه و مشينا و منهارين من العياط و الخوف متملك منا
_فرح أيه اللي بيحصل ده مين اللي انتو بتشوفوه ده
=أنا كمان مش عارفه بس الغريبه ليه أنا و الست العجوزه و الولد بس اللي شوفناه و أنتي لأ
_فرح! قصدك أيه
=لأ مش قصدي أنا بفكر بصوت عالي
(أنا من جوايا بدأت أشك فيها ليه هي معايا في كل ده و مش بتشوفه لكن الست العجوزه لما ظهر شافته و الولد نفس الحوار لأ الموضوع فيه حاجه غلط)
_بتفكري في أيه يا فرح
=مفيش،أنا هوصلك و أمشي
_توصلينى فين أنا مش هسيبك كده لوحدك أنا هاجي معاكي و همشي أصبح و أنتي نازله الشغل
=ونبي ما تفكريني ده كان شغل ايه ده اللي يجيب المصايب دي كلها أكيد ده وش الحيوان اللي اسمه ياسر
_يا ستي حرام عليكي ده شكله عسل ده أنا هموت و أتعرف علي الشخص اللي قدر يهزقك ده هههههه أما نكته بصحيح
=ونبي يا سلمي أسكتي بدل ما أنزلك في نص الشارع و أمشي الحوار مش ناقص مش شايفه الرعب اللي احنا فيه و يا عالم أيه اللي مستنينا تاني في اليوم ده
وصلنا البيت
ماما:أيه يا بنتي اللي مبهدلك كده و برن عليكي مغلق الساعه بقت 2 ولا أنتي مش واخده بالك
أنا :معلش يا ماما أنا أسفه بس بجد مش قادره أتكلم دلوقتي
سلمي: حقك عليا أنا يا طنط سبيها دلوقتي و الصبح هنحكيلك كل حاجه
دخلنا الأوضه و غيرنا علشان ننام
و يارتني ما نمت
_فرح
صرخت بصوت عالي أنت جيت هنا أزاي
بدأ يبصلي و يبتسم و يقرب مني و أنا جسمي مش راضي يتحرك شكله مرعب
_ليه بتأذيه
=هو مييين انا مأذتش حد
_زعق بصوت عالي أنا قولت أذتيه، و هو جبنى أنتقم
=هو مين و انا هعتذرله صدقني
_هو مش عاوزك تعتذري و صوت ضحكه ملىٰ المكان هاهاهاها وبنبره منخفضه و مخيفه هو عاوزك تموتي و خنقني لأااااااااااااا
لو عجبتك الروايه متنساش لايك و كومنت برأيك و فولو ليا علشان يوصلك كل جديد أنتظروا البارت الرابع
ق/بسنت احمد
#روايه_العالم_الاخر
