. . . . .
“Aaahhh!”
“M-masakit ba boss?” bakas ang pag-aalala sa garagal na boses ni Gus.
“O-ok lang ako… ituloy mo lang.” napahinga ako ng malalim.
“Sigurado ka ba?”
“Oo… gumalaw ka na Gus. Diinan mo ng konti.”
“S-sige, heto na ako…”
“Aaah! Wait, there! M-masarap dun…” napaigtad ako nang tamaan ni Gus ang lugar na iyon.
“Dito ba boss?” idinagan nya ang buong bigat sa aking likuran.
“S-shit, yes! Dyan nga… aaahhh, wag mong itigil Gus…” halos magsumamo ako dahil sa sarap na natatamo.
“Lalakasan ko ng konti boss ah? Tiis lang…”
“Wag mo akong alalahanin. Aaahh, ganyan nga! Do me harder, Gus!” hindi ko mapigilan ang mapaungol dahil sa ginagawa nya.
“B-boss, baka pwede namang pakihinaan ng konti ang boses mo. Mamaya may makarinig satin eh.”
“Mmmhh, ‘di ko mapigilan eh. Sobrang sarap naman kasi… bakit ba?”
“Baka kasi kung ano ang isipin nila, nakakahiya.” reklamo nya.
“Nagsasabi lang naman ako ng totoo ah. May masama ba dun?”
“B-basta! Itigil mo na lang kasi.”
Mula sa pagkakasubsob sa unan, iniangat ko ang aking ulo para tingnan ang lalaking nakapatong sa aking likuran. Nakakunot ang noo nya, bakas ng pagko-concentrate.
Tagaktak rin ang pawis nya; ramdam ko ang pagpatak niyon sa hubad kong likuran. Litaw ang mga ugat sa noo at braso habang ginagamit ang lakas upang masarapan ako.
“Itigil mo rin kasi yang pagrereklamo mo at magconcentrate sa pagmamasahe sakin.” patutsada ko sa kanya bago sinubsob ulit ang mukha ko sa unan.
Kasalukuyan akong nakadapa sa kama ni Gus. Nakapwesto naman sya ng paupo sa aking balakang at minamasahe ang balikat at likod ko.
Dahil sa tagal ng hindi ko page-exercise, naisipan kong magshadow box kahapon. Lamang, hindi ako nagwarm-up kaya muscle pains ang inabot ko.
Since tapos naman din kaming magreview para sa exams bukas, naisip kong magpamasahe kay Gus, tutal naghihintay na lang naman kaming tawagin ni auntie sa ibaba.
Who knew na magaling pala syang magmasahe! O baka nagsa-side line sya bilang albularyo? Hmmm..
Wala na akong mahihiling pa, except na sana ay palitan nya ng massage oil ang ginagamit nyang Pau de Arco. Pangit ang amoy eh. Otherwise, all is well.
“Eh bakit kasi may kasamang ungol? Ambastos tuloy pakinggan.”
“Hey, it’s not as perverted as it sounds! Ikaw lang itong malisyoso noh. Aaahh, diinan mo pa dyan! Wala ka bang lakas?”
“Nilalakasan na nga. Eto naman! Andami mong reklamo samantalang nakahilata ka lang jan at nagpapasarap sa ilalim ko.” nayayamot nyang tugon.
Natigilan ako sa tinuran nya. Sa ikalawang pagkakataon ay inangat ko ang ulo at binalingan ko sya ng tingin.
“Ano, may reklamo ka na naman ba?” nagtataka nyang tanong.
Hindi ko mapigilang mapahalakhak. Hindi ko alam kung inosente ba talaga sya o natural sa pagbitiw ng dirty talk.
“A-anong nakakatawa?”
“Haha, may talent ka palang mag talk dirty? What the fuck!” natatawa kong tukso.
