🌷🤲اللهم أعني على ذكرك و شكرك وحسن عبادتك.
🌷 اللهم أدخلني مدخل صدق واخرجني
مخرج صدق._ __________ Walaa Ali ___________
.... في شركة الماسة
نجدها جالسة على كرسيها في مكتبها..
تدقق في الأوراق التي أمامها بتركيز..
فيقطع عليها تركيزها دخول ملك وهي تردف
بتلهف لمعرفة ما حدث:- أدي النسكافية اهو جبتهولك بنفسي..
وأحمد بيقولك اعتبريه حصل والمعلومات عندك.. ممكن تحكي بقى وتفهميني مليكة مالها؟
وإيه إلا جاب سيرة المجرم إلا اسمه
العوضى دا دلوقتي؟!فتنهدت الماسة بقوة.. ثم قالت:
- تمام.. هقولك.
[فسردت لها الماسة جميع ما حدث].فانفجرت ملك في البكاء.. وتمتمت بحزن من
وسط شهقاتها :
- يا حبيبتي يا مليكة.. كل دا يحصلها...
هو الحيـ وان دا ورانا هو وابنه..
مش هنخلص من شره بقى.. السلالة المقرفة
دي مش هتخلص.. أه يا ناري لو ايدي تطولهم..
كنت ٱكلتهم بسناني.الماسة بهدوء مريب وتوعد:
ما تقلقيش.. ابنه أخد جزائه.. أما هو بقى فلسه
ماشفشي حاجة.. التقيل لسه جاي..
وأنا وراه لحد ما جيبه الأرض.. وادفعه التمن
غالي قوي.ملك بعدما هدأت وازالت عبراتها بظهر يدها:
- شكلك ناوية على حاجة كبيرة.. مش
مطمئنة ليكي.. وبعدين مليكة عامله إيه
دلوقتي؟
فرمقتها بنظرة تفحصية: وبعدين مالك
روقتي من بعد ما خرجت ورجعت..
كأنك اتبدلتي.فقهقت الماسة.. وقالت:
- هههههه أنتي مشكلة يا ملك.. بلاش جنان يا حبيبتي.فنظرت لها ملك بدقة.. وقالت:
- مش مستريحه ليكي وهدؤك دا.. ناويه
علي إيه يا ماسة.الماسة بجدية وثقة:
- هاخد حق أختي يا ملك.. وبعدين نخلص
القديم واحدة واحدة على مهلنا..
وبالنسبة لمليكة فروحنا القسم عشان نخلص المحضر.. وللأسف كانت منهارة جدًا..
فتواصلت مع طبيبتها وفهمتها إلا حصل..
فقالتلي على حقنة مهدئة تاخدها.. وهتفضل
نايمة لبكرة الصبح.ملك بضيق:
- الموقف صعب عليها..، وكمان كشف
حقيقة إلا كانت مفكراها صاحبتها دي
أذمها أكتر.. وبعدين استنى انتي سيبتي
البت دي عادي كده من غير أي عقاب ليها!
ما تركزي معايا يا حور... وسيبك من الورق
إلا مبحلقة فيه دا.الماسة بهدوء:
- الورق دا شغلنا يا ملك.. أنا كنت بقولك
إيه قبل ما أمشي.. مافيش راحة الفترة دي
خالص.. سيبيني من فضلك أخلص شغلي
وروحي أعملي شغلك انتي كمان.. لازم ننجز
يا ملك.. احنا بنحارب الوقت.. ويا ريت تأكدي
على الموظفين إنهم يركزوا في الشغل..
قولليهم مش هسمح بغلطة واحدة.. احنا
معندناش وقت نصلح أخطاء.ملك بتفهم:
- اطمني أنا اتكلمت معاهم..، وهما بصراحة
متفهمين ضغط الشغل الفترة دي.. بس أنا
لازم أفهم انتي عايز معلومات عن الصفقة
دي ليه؟
فأكملت باستغراب..
وصحيح إزاي جبتي الفديو بتاع مليكة؟!
أنت تقرأ
الماسة طريق من نار🔥الجزء الأول🔥بقلم: ولاء علي💢قيد التعديل💢
General Fictionما بين الثأر والماضي الأليم غموض.. ووجع، فكيف ينسى المرء بسهوله من دمر حياته! وجعله يخسر بسمته... ويسرق أمانه وراحة باله، فمن أهم من أب وأم وأخوة وحياة.. لندافع عنهم ونتوجع من أجلهم، بدايه الصراع علي الثأر فدعونا نغوص مع بطلتنا تلك الجميله الشرس...