الماسة طريق من نار🔥الجزء الأول🔥بقلم: ولاء علي💢قيد التعديل💢

👏الفصل التاسع عشر👏

اللهم ارزقني السكينه وراحه البال.
اللهم اغفرلي وتب عليا.
اللهم رتب لساني ذكرك وشكرك.
🤲🤲🤲🤲🤲🤲🤲
مبدأيا كده  يا حبايبي البارت الا فات
جيه كومنتات بمعناهاان الأحداث
طويله قوي وهنبتدي نمل، والبارت
قصير وبيخلص على موقف واحد
وشغف الروايه هيقل، ولازم حور
تقابل أدهم.
طيب تمام ليكم كل الاحترام برأيكم
واسفه ليكم لو كان البارت مش قد
الشغف الا عايزينه، بس انا يا بنات
ليا وجهه نظر، عارفه ان الروايه
احداثها طويله لحد اللحظه دي
انتو عارفين الشخص الا  بيبني أساس
لبيته عشان بعد كده يكمل عليه
حجات بسيطه لان الأساس الا بناه
دا ريحه قدام، هو دا الا انا بعمله
ببني اساس للروايه للأبطال الحالين
عشان بعد كده كل حاجه تكون
مفهومه ولما الغموض ينفك وحده
وحده تكونو فاهمين، بس دي وجهه
نظري ممكن تختلفوا معايا، بس
انشاء الله هتلاقو حاجه تعجبكم
بإذن الله، ويارب البارت انهارده
يكون مختلف ومشوق ليكم
ومتحسوش بملل وزهق وانتو بتقرو
ومستنيه كومنتاتكم ورايكم بالتفصيل
وتتناقشوا معايا في الأحداث والتوقعات
بس كفايه رغي الكتير دا وياله
نبتدي📖🤗
      ☑️☑️☑️☑️☑️☑️

في شركه الماسه
كانت ما زالت تتحدث مع عمار
الماسه :اسمعني يا عمار انت دلوقتي
ما ينفعشي ترجع المكان الا كنت عايش
فيه لان العوضي مش هيسيبك،
عشان كده كلمت صاحب العماره إلا
ساكنين فيها وطلبت منه شقه ايجار
وهو ما اتأخرش الحقيقه، وأحمد
جهز العقد وما فضلش غير امضتك
عليه.

عمار:بتفاجئ) الشقه عشاني أنا، بس
انتي مش مضطره تعملي كدا، وأنا
كنت هغير المكان عادي، كدا كتير
وانا مش هقبل ان حد يدفعلي
ويصرف عليا.

الماسه:بابتسامة) انا لا دفعتلك ولا
صرفت عليك يا عمار دا دين هتدفعه
اول ما نخلص شغلنا وحالتك تتحسن
وبعدين دا مقدم و٣شهور إيجار بس
والباقي عليك بقى حابب تغير العقد
وتخليه ميلك الا انت حبه اعمله،
وبعدين فين حق الأخت على اخوها
انها تساعده لما الدنيا تتحسن معاه
وبصراحه هكون مطمنه وانا مسافره
الفتره الجايه الصعيد عشان اشوف
الدنيا نظامها ايه هناك لحد ما نسافر
ان فيه اخ واثقه فيه انه جنب ماما
واخواتي وخصوصا ان احمد بعيد
ومشغول دايمآ.

عمار:بامتنان) مش عارف اشكرك
إزاي، انتي فعلاً ماسه نادره الوجود
، شكرا على ثقتك فيا وربنا يقدرني
واكون قد الثقه دي.

أحمد :بغيره) لا بقولك ايه يا عم أنت
مش هتيجي تأخد مكاني، توتا اختي
انا قبلك عشان نكون متفقين من الاول