السلام عليكم ورحمة الله وبركاته 💕
قبل البدء لا تنسي الصلاة علي سيدنا محمد صل الله عليه وسلم ✨
أنا هكلمك دلوقتي .. ولو شديت عليكي متزعليش ؛ لاني خايف عليكي .. أنا ممكن اضحك عليكي بكلمتين زي اي حد مش خايف عليكي ومش خسران حاجه ..
انه يجاملك ويقولك انك كده كويسة واحسن من غيرك اللي كاشفه شعرها واللي لابسه نص كم واللي نسيت تلبس اصلا !!!
ده الرسول صل الله عليه وسلم نفسه خايف عليكي وقال : " يا معشر النساء تصدقن واكثرن الاستغفار فاني رأيتكن أكثر أهل النار "
مستنية ايه علشان تلبسي حجاب صح ؟؟؟؟
مستنية ايه ؟؟
مستنية موت الفجأة ياخدك وتقابلي ربنا كده ؟!!
💫 هو الموضوع خطير للدرجة دي يعني ؟؟
_ ما كل البنات والستات لابسين كده ؟!
معني كده انهم كلهم هيتعذبوا في النار يعني ؟!
** ما أنا لسه قايلك أن النبي صل الله عليه وسلم قال إن النساء أكثر أهل النار !!
تعالي نشوف لبسك ده ممكن هيوديكي فين ؟؟
"انتي عارفه يا اختي ..
* انك لو نزلتي الشارع و100 واحد بس نظر ليكي
ب 100 سيئة .. مفيش مشكلة !
* لو نزلتي الجامعه وألف واحد بس من الألوف اللي موجدين في الجامعة نظر ليكي .. كل واحد نظر ليكي 100هيطلع بس 100000سيئة !!
* لو واقفة بقي مع شلة في الجامعة ساعة ولا اتنين كل واحد فيهم نظر ليكي 100 نظرة في المدة دي ..
* لو شاب من اياهم اللي عينيهم هيئة ارصاد جابك من فوق لتحت ربع ساعة يعني كمان 1000 نظرة ..
* لو نزلتي تتفسحي بالليل وكل واحد من شباب الليل اللي ميتوصوش ، هنقول نظر 10 مرات بس !
بعد ده كله هترجعي البت بكام سيئة ؟؟؟؟!
» ده كله ولا حاجه !! ده انتي لسه قبل ما تنزلي وقفتي قدام المرايا ساعة ولا اتنين تتظلي الطرحة وتلفيها فوق وتحت وتحطي عشر طرح فوق بعض .. وتحطي حبة مكياج خفيفة علي حبة روايح وكله بحسابه !!
وبعدين .. نزلتي الشارع ..
» بنت صغيرة في اعدادي شافتك .. قالو أنا هطلع زيك .. في ميزان سيئاتك ..!
» شاب ملتزم شافك انتكس .. في ميزان سيئاتك !
» شاب شافك شهوته ثارت راح عمل عادة سيئة .. في ميزان سيئاتك !!
» واحد تاني لما شافك راح اتجوز عرفي .. في ميزان سيئاتك !
» واحدة ملتزمة لما شافتك التونا بنظر الناس ليكي .. قلدتك في لبسك .. في ميزان سيئاتك !!
» بنتك لما تكبر وأشوف صورك وتقول أنا هطلع زيك يا ماما .. في ميزان سيئاتك !!
» أعداء الاسلام لما يشوفوكي انتي وبنات المسلمين بالمنظر ده ويفرحوا ؛ يبقي انتي شمتي أعداء الإسلام في الاسلام .. في ميزان سيئاتك !!
