✿ وعلي العكس تماما : لو اتكلمنا عن الحجاب الكامل .. الحجاب الصح .. عداد حسنات مفتوح ..
المليارات اللي احنا عديناها وانتي متبرجه هتاخديها حسنات .. يا بختك من قربك من الله .. يا بختك !!
"فأي الفريقين أحق بالأمن إن كنتم تعلمون"
الموضوع مش محتاج تفكير ...
خدي القرار حالا ..
ده مصيرك .. يا جنة يا نار ؟؟
✿ طيب ماما وبابا مش موافقين .. ؟؟!
يا اختي دي شطارتك بقي .. زي لما بتبقي عايزة فلوس أو حاجه معينه وبتعملي كل الطرق علشان يجيبوهالك .. تقدري تقنعيهم بإذن الله بالحجاب الشرعي السليم ..
✿ هيقولولي انتي كده ضيعتي شبابك .. انتي كده بتدفني نفسك .. !!
خدي بالك .. لو صخرة متينه وعمالين نحدفها بالطوب مش هيأثر فيها .. أوعي تسمعي لأي كلمه من اي حد !
انتي اللي علي حق .. ولازم تثبتي ..
✿ طب ده زمايىي وأصحاب كلهم هيسبوني ..؟؟
زمايلك واصحابك ولا ربنا ؟؟! .. مفيش وجه اختيار اصلا يا أختي !! اختاري ربك وعمره ما هيضيعك ..
✿ طيب ده انا كده هعنس ومش هتجوز ..؟؟!
مين قال كده ؟! ده المنتقبات والمختمرات اكثر ناس بيتجوزا دلوقتي .. اغلب الشباب بيبص للبنت المتبرجه علي انها تنفع للفرجه والمصاحبه وبس .. إنما عند الجواز ليختار المحجبة حجاب صح ..
✿ طيب ده الناس هتتريق عليا وعلي لبسي ..؟؟!
لازم تستحملي .. وتعرفي أن هيجي اليوم اللي هتتريقي انتي عليهم وانتي في الجنة ..
✿ واي شبهة الشيطان هيجبهالك علشان تتأخري في التوبة لازم تشيليها من نفسك تماما ..
مفيش وقت للتسويق .. أوعي تستني ..!
» نيجي لأهم نقطة في الموضوع .. وهي :
صفات الحجاب الشرعي السليم
لبس المرأة بينقسم الي الحجاب والجلباب :
✿ الحجاب : بمفهومنا هو الحاجة اللي بتأكيد الرأس
✿ والجلباب : يعني اللبس اللي بيبقي تحت الحجاب او اللي هو العباية بمفهومنا ..
يعني مينفعش ابقي لابسة حجاب صح وجلباب مخالف والعكس .. لازم نظبط الاتنين ..
✿ اولا : الحجاب : حجاب فضفاض .. سواء ايشارب كبير او طرحه كبيره او خمار .. اهم شيء يكون :
✓ الحجم : مغطي نصف جسمك اللي فوق كله .. كله !
✓ الشكل : مش مثقوب ولا شفاف ولا مطرز ..
✓ اللون : الوان مش ملفته ، مينفعش يبقي 80لون في بعض ولا الوان الطيف مع بعض ولا الكلام ده كله !
✿ ثانيا : العباية : عارفة إسدال الصلاة اللي بتلبسيه ؟!
زيه كده بالظبط ؛ اصلك واقفه بين ايدين الله في الصلاة .. وفي نفس الوقت انتي بردو بين ايدين الله في الشارع وفي كل مكان .. يعني ممكن عباية أو إسدال ..
