دخيله بنت الشيوخ

بارت 2

#دخيله_بنت_الشيوخ بارت 2
بقلمي لبوه
الشيخ تمار
انه الشيخ تمار .. ؏ـمـࢪيـۃ 37 سنۿ .. من البصره متزوج اثنين وحده بنت عمي ووحده بنت شيخ .. ومخلف منهم ..
جنت جاي من طريق طويل ومريه صارت كدام
سيارتي مبينه فاهيه وكفت السياره بـس هي شويه طخت بيها ..
نزلت اشوفها باوعتلها بـس سواده .. ما مبين منها شي ظلت تخربط ولا تعرف اهلها وين ولا تندل كلت اخذها للمستشفئ هم ما قبلت .. كلت اوديها للبيت وبعدين نشوف الهه صرفۿ ..
هاله: شاف الدم ؏ راسي كال جاي تنزفين سكتت خلاني بالسياره .. بـس اشمئزيت من نفسي شلون رجال غريب شالني ..

كعدت بالسياره انتجيت ؏ المقعد وروحي بايده والالم بكل مكان بجسمي والخوف متملكني من مصير مجهول وهم طبوا .. وهو يسوق والرجال يمه اسمعه يكول نوديها للمستشفئ .. فزيت كتلهم نزلوني هنا ماروح للمستشفئ
اندار عليه الشيخ تمار وكال :
ليشہَ ما ترحين من شنو خايفه؟
هاله: مااحب المستشفيات اهلي كلهم ماتو بيها
حرك السياره بدون ما يحجي .. انطلقت بيه وانه حالتي حاله احس راسي ثكل رطوبه براسي يمكن دم

مسافه الطريق وصلنا فتح الي الباب كفخ الهوى وي ريحه عطره عليه وكال بيج تنزلين؟

هاله: هزيت راسي ايي .. اريد انزل لزم ايدي .. ونزلني مالي خلك ڪلش تعبانه .. يمشون وامشي وراهم بالم وبثقل وبطئ .. ومصير مجهول ينتظرني .. بـس امشي ونظري ليكدام .. حديقه وزرع بيت فخم وصلناله طلعوا منه ناس تلكوا الشيخ مااكدرت اميزهم من شده اعيائي وتعبي ..

الشيخ تمار اشر للنسوان اخذوني نسوان ثنين ومتعجبات مني طببوني بغرفه بيها مريه جبيره نايمه ؏ الجربايه

اكو جان مندر بالكاع كالوا كعدي هنا
كعدت كوه ؏ ؏ـمـࢪيـۃ .. وتالمت اجن يمي انتي منو ولج؟وخطمت من وجهي الخمار كالت بـس ﻼ‏ زوجت الشيخ الجديده .. ماكدرت اردها تعبانه حيل واالا انتم بعدكم ما تعرفون انه بلوه جبيره انه قنبله نوويه .. انه بنت شيوخ انه خليت راس شيوخ وزلم بالوحل بدون ما يرفلي جفن بـس الوكت صوبني بسهام الموت والغدر والاذى ..
انه هاله بنت الشيخ بندر .. من العماره انه بت عز ودلال ابوي جان مخليني الكل بالكل جان يسميني
شيخه المزاييين جان يكلي ملكه جوهره زمرده اكبر
واحد من اخوتي مايردني اذا حجيت ابوي بظهري
وساند الي رباني ؏ ايده ..
ذنبي انه عشكت ﻣمـا اجرمت
بـس بنظرهم جرمم
الحبيته ابو جان مطلوب ثار ومسوي مكسوره
وبقانون العشاير عاقبو بكل مكان يبقى عشر ايام
بـس وينطرد وبهالعشر ايام عشكته انه وماادراك ماانه
ونوب عشكت اخخخخ يادنيا تصعد ناس وتنزل ناس
وتجيكم السالفه ..
كتلها لاع وخرري منا انه مو مرت الشيخ
: لعد منو ولج انتي ؟
هاله: ان دخيله هنا
: وشبيج هيج تنترين وجهج جنه خريطه
بدخله الشيخ تمار .. صاح بصوت يهز البيت هز صفيه
بدل ﻼ‏ تداوينها فاتحه وياها محضر تحقيق يلا
عالجيها