#دخيله_بنت_الشيوخ
بارت 3
بقلمي لبوه
صرت عزيزة ابوي بعد وفاة امي ..
انه البنيه الوحيده اله .. دللني وعززتي بين اخواني
هو وحبوبتي .. حسيت بدلال ابوي بالقوه
كبرت شبيت وصار عندي من العمر 17 عام
بايلول .. بوكت كصاص التمر .. جنت امشي بالبستان
واتبخر ورافعه راسي اليفوك وماعاجبني العجب ..
كطع غروري هذا وكبريائي .. شي طاح ؏ جتفي
اباوع عثك تمر .. صحت اخخخ .. اذاني ﻼن ثكيل
ومليان تمر .. باوعت للنخله الجنت جواها شفت
واحد جاي يكص العثوك مال نخل ..
صحتله بصوت هيييي انت
ظل يباوع من فوك النخله مو كلش طويله
كال ها
كتله انزل ولك .. هل اخلص الكصاص
انه بركان واثور .. انه يذب ؏ـليـۿ جا اليوم موته
؏ ايدي ..
خلص الكصاص مالته ونزل .. تلكيته عركان ريحته
كلها تمر ونخل ريحه خاصه هالكد ماحاضن النخله
ولك انت منو؟
سجاد:انتي منو؟
هاله:انه هاله بنت الشيخ بندر ليشہَ تذب العثك ؏ـليـۿ؟
سجاد:انه فوك النخله وكصيت العثك وشمرته بالكاع جا وين اشمره؟ بعد
هاله: ماتشمره ؏ـليـۿ
سجاد: خيتي قابل انه متعمد
هاله: ايي متعمد
سجاد: وانتي شبيج تصيحين شنو الكدامج عيب عليج انه رجال لا تصيحين ؏ـليـۿ
هاله: ﻼ واللۿ انه مره ليشہَ تعور جتفي
ماحاجاني راح يفتر بالبستان ويكصص بالزرع القريب مني
اجه بـ؏ــد شويه انه مخوصرتله وواكفه واهز عود معصبه
هو جثه ؏ ركبه ونص وجايبلي باقه بيها ياس وورد
ورابطهم بخوصه رفيعه ومرتبهم كال هاج قبلي
اعتذاري
حسيت روحي بفلم عربي رومانسي قديم
خذيتها منه كتله انه احب الياس والورد علمود هيج
راح اخذها منك
خذيتها اشمشم بي ورحت امشي انداريت ؏ـليـۿ
شفته جاي يعدل بالفروند ويباوعلي ومبتسم اسمر
والعرك ينضح منه عنده كفشه جسمه ضعيف شاب
ببدايه العشرينات من عمره
وكفت وصحت
كتله شسمك؟
كال سجاد اسمي سجاد
كتله ها ورفعت راسي بتكبر ودخلت للبيت
شي وتغير بيه .. بداخلي ..
دخلت للبيت وكل شويه اطلع واباوع السجاد من
نخله لنخله يكص بالتمر
اجه الليل وفكري يمه .. واتمنى الصبح يجي حتى
اروح اشوفه ..
صار الصبح ؏ اعصابي .. بدلت لبست نفنوف برتقالي
بي ورد ابيض ورفعت شعري .. وخليت فوكه فوطه
وطلعت بره ادور سجاد ماكو افتريت بالبستان كله هو
ماكو رجعت للبيت
اسال روحي انه شسوي ادور ؏ـليـۿ شعندي يمه
خليوولي
الصبح والظهر بقيت كله بالبيت .. احس روحي الوب
اريد اطلع اشوفه
للعصر احس اختنكت .. طلعت شفته بالبستان
ويمه هاشميه بت الحارس لازمه دولكه ماي
وكلاص وتدك فج ويا
عصبت ﻼ دخنت راح اثور
اروح اتعارك وياها
تراجعت انه شعليه؟
شبيج يهاله تخبلتي
اجيس روحي صخنت ياا شسالفه اي يمته تنكشف من يمه هي الخبله ..
ردت اروح اكفشها .. كل ضحكه اطكها ويا ولاالثانيه
صوتهه يلعلع
دخلت للبيت شفت فطم مرت اخويه
فطم روحي صيحي الهاشميه
ماتصيحلها انتي؟
فطم روحي صيحيها كتلج
خوش خوش شبيج انتي متغيره مو ؏ بعضج
ماعليج يلا كومي
يااا
بـ؏ــد انتظار دقايق .. طبت هاشميه بالمطبخ وانه واكفه هاشميه بعمري .. كتلها هاشمه ليشہَ ماشايله
الهدوم من الحبل لهسه
هاشميه: ﻼ واللۿ عمه شلتهم
هاله: هاا لعد واحد من نفانيفي وصخ غسلي مره ثانيه
هاشمه: خـوش عمه تدللين
هاله: يلا روحِـʊ̤ تلكين بالكنتور
هاشمه: زين عمه ؏ امرج
عفت فطوم تهز بيدها وطلعت الها الساني عيبلتها
ورحت بره بالبستان .. ادور سجاد ماصار يوم من
شفته بس خربط كل احوالي جان داير ظهره هو
اندار ؏ـليـۿ ابتسم اه يااضحكته صوبت كلبي بسهام
احتاريت شسوي ومااعرفت الحاله الي انه بيها ليشہَ
هيج مهتمه زايد بي ..
رحت تقربت منه
هاله: هلا سجاد كتلها بتكبر
سجاد:هلا واللۿ ببت الشيخ
هاله: سجاد اريد ضبه ورد ياس مثل امس
سجاد: ههههه بـس بشرط
هاله: انت ماتشرط ؏ـليـۿ
سجاد: شدعوه مايصير ننشاقه
هاله: لا مايصير لو اكلك كمل شنو شرطك؟
سجاد: بطلت هسه اسويلج ضبه
هاله: لزمت ايده بعفويه جنت مستعده اسمع ايشي
منه المهم اسمعه .. كتله احجي شون الشرط
ظل يباوع الايدي وضحك كال اصعد النخله واشكر
؏ـݪيـچہ عثك ثاني ويضحك
؏ ضحكته انه ضحكت ضربته ؏ ايده بخفه كتله
شكد مكروه
هو ضاج وخنزر شوفي
يابت الشيخ صح انه فقير حال واشتغل عند اهلج
بس ماارضى تتجاوزين ؏ـليـۿ
يااعيني شدعواك جاي اشاقه بطلت ماريد ضبتك انه
اروح اسويلي ضبه ويي عووكه
رحت وسويت نفسي زعلانه واكطع بالياس
والورد واريد اسويلي ضبه ورد وياس وهو هم
بالمقابل يكصص ويسوي
انه ما دبرتها هو اجه يمي ويرتب بالضبه اخذ
الورد الي بايدي وضافه ؏ـليـۿ عنده ونسقه بشكل كلش حلو وانطانيا ووياها ضحكه
ضحكته كلش حلوه احله مابي ضحكته يضحك بملي كلبه
اي فقير بطرك ضحكاتي التخبل والتضمير
طبيت للبيت وهو يمر عليه الليل وفكري يمه اريد
يصير الصبح واشوفه
اليوم الثاني الصبح كعدت شفت هاشميه عدلت هدومها يم المرايه وخذت اكل وطلعت
كلت ﭑڪــيد هي راحت اله صخام صخمها لو انه لو
هي
رحت ؏ السريع بدلت لبست نفنوف احمر ساده
كصيف
ونص ردن
أنت تقرأ
دخيله بنت الشيوخ
General Fiction(قصه منقوله للكاتبه نورا ناصر) فتاة هاربه من الموت والى الموت ياترى اي مصير بانتظارها؟
