دخيله بنت الشيوخ

بارت 6

الذبول هذا ..
انه هيج مرتاحه مايحتاج
بس انه مامرتاح واذا ماخذيته بالرضا اخذه بالغصب شنو هو
ايشي انه اريده وانتِ واحد من هالشي الاريده

انه ماافيدك لاروح ولاجسد روحي الـ سجاد وجسدي هم وخلصني ابني وسجلته بـ اسمك وصار يصيحلك بابا ومقتنع هو ابو انتَ وهذا رد الجميلك وياي ماعندي بعد ايشي انطيكيا ..

ميخالف هاله انه وانتِ والزمن طويل ..
عفته وطبيت خذيت ابني الـ حضني ماادري محتاره واهس الدنيا كلها طلع مني تعبت مليت اريد اعرف نهايتي شنو .. تمر الايام والاشهر وتتبدل الاحوال اله حالي انه ماراح يتبدل ولايتغير بيوم .. ماادري يتغير

يمر اليوم بين الشغل والـ ࢪكض وره ايلول ﻼ‏ن وكح ويحب يطب منا ويطلع منا والبيت جبير ..
حمديه لازمه الطبخ .. وصفيه اغلب وكتها يالازمه الديرم وتفرك اسنانها ياتلطش بهالحنه براسها واديها ورجليها واذا فرغت من روحها تسوي حلاوه شعريه محلبي ومن هالشغلات
باقي الشغل علينه انه والبنات التنضيف وغسل المواعين والهدوم
الي بالبيت هم نسوان الشيخ وبناتهم
واخوانه اثنين .. متزوجين ونسوانهم بعدها كلمن عزل وحده من ماتت الحجيه بقيت بس انه ويا نسوان الشيخ

جابتلي حمديه هدوم مثل كل مره كالت وصاني الـشيخ اجيبلج كتلها خليها يمج
انه جنت البس كلابيه طويله .. ورداناتها طويله وبيها لاستيك بالردن من اشتغل اشكلها اغلب هدومي هيج هي حمديه تجيبلي قماشات ؏ ذوقها انه اكللها اريدهم سود .. وتاخذهم تخيطهم
نومت ايلول .. ورحت فتحت العلاكه وطلعتهم وشفت الوان مو سود ..
خذيتهم ورحت ادور حمديه .. شفتها بالمطبخ
كتلها حمديه هذول الوان وانه ماالبس الوان

ياخيه ياام ايلول انه شعليه هو الشيخ اشتراهم
صخام وهو مايستحي يشتريلي شنو انه اله حتى يشتريلي ..
انتِ تدرين بي يريدج وتره الشيخ تمار اذا خلاج اباله مايفك بعد انه اڪلجّ تـࢪه
واحنه جاي نحجي طبت صفيه ..
شنو شنو ولج واللۿ وهو الله ماتعرفيني ديري بالج بعدها مامكمله حجيها سكتت كتلها هيي انطمري ولا تكملين وشمرت عليها القماشات .. اخذيهن الج وها تـࢪه رجلج مااريده ولو عندي مكان ثاني اروح اولي بس ماكو ماعندي لايروح بالج بعيد ومو انه الي تهدديني .. وخليت ورحت .. صار الليل .. اندكت ؏ـليـۿ الباب .. انه اقفلها كمت وكفت يم الباب وصحت منو

فتحيها انه الشيخ تمار
شيخ احجي انه اكدر اسمعك منا
خـوش هاله يعني ماتفتحينها وتعاندين ࢪ࣪ين انه اراويج منو الشيخ تمار
امري لله لبست فوطتي وفتحت الباب شفته واكف ومخنزر عيونه ولابس كلبيته وبيده علاكه
كتله خيرك شيخ تـࢪه انه حرمه غريبه ميصير جايلي بنص الليل .. شمر ؏ـليـۿ العلاكه
هسه بـ 9 ونص بالليل وهذول مالاتج شيسون يم صفيه
مااريدهم شيخ انه لبسي الاسود
اتقرب مني ورفع اصبعه يهدد سمعي هاله للجمعه
حدج راح اجيب سيد يعقد النه انه وياج وغصباً ؏ـݪيـچہ توافقين افتهمتي
ماتكدر تجبرني انه بت شيوخ
ضحكتيني وينهم الشيوخ هسه بعدهم شيوخ لو
راسهم بالطين من وراج
المهم حذرتج الجمعه انتِ الي مفهوم
راح وانه دخلت للغرفه .. لو تطلع براسك نخله
مااقبل بيك خاب ولي .. خليت راسي ؏ المخده
وافكر بي شيسوي بلا ..
اليوم الثاني الصبح كعدت والتمينا بالمطبخ .. طبت صفيه اخر وحده وصفحه خدها حمره كالت صباح الخير وتخزر بيه ..كملنه الريوك ودته حمديه وكعدنا نتريك .. الشيخ يكعد باول السفره .. اول ما طبيت
انه وايلول لازمته من ايده وامشي كال تمار تعال
ايلول اكعد يمي ويباوعلي .. ترك ايدي ايلول وراح
كعد يمه .. صفيه خانسه .. ماتحجي اكلتلها لكمتين وكامت .. تريد تطلع من الهول صاح عليها الشيخ كللها كعدي صفيه كلتله شبعت شيخ
كللها كعدي كملي اكل .. كعدت تنبش بالاكل ..
علما اكلنا وخلصنه جنها صفيه زعلانه .. كامت
ركض طلعت من الهول ماشالت ولا ماعون ظلينه
انه والبنات نلملم السفره حمديه راحت للمطبخ
بقه اخر ماعون اريد اشيله كال انطي لرقيه(بنته)
وتعاي كعدي يم ايلول عرفت راح يحجي حجيه
الماصخ مثل كل مره تحسرت حسره جبيره مسموعه وكعدت .. صار ايلول بيناتنه .. سحبني من ايدي صرت وره ايلول وهو يباوعلي .. كلي تتحسرين مو ولج انه سويتلج قيمه انتِ عار وخليتج ابين اهلي وياهو اليحجي اكله كرايب امي من بعيد ومالها احد اتعارك ويه اخواني من وراج يكلولي ليش خال حرمه غريبه ابيتك وطلعتهم حتى لحد يباوعلج بعد مارجعوا من الجبهه وخلصت الحرب ابنج تبنيته .. وسجلته بـ اسمي وكدام الكل هو ابن الشيخ تمار .. ترفضيني هيه يا هاله انتِ اعلمج حدج للجمعه وبعد اربع ايام .. وانتِ كيفج بعد
خمطت ايلول بسرعه من يمه عصبت
هو كام ولزمني من ركبتي من وره كال ؏
كيفج ويا مخنزر ؏ـليـۿ
كتله وخر عني انتَ ماملكتني ولا ملكت ابني
ماكو وحده كبلج حاجتني هيج انه اعلمج مو كتلج
سهله ويهز براسه
فلتت روحي منه وايلول صافن علينه وطلعت
كل لشتي ترجف واحضن ايلول بقه هو يصرخ
عورته .. انه قافله وهو قافل متخبل وانه اكثر خبال منه
علنا هدأت رحت خليت ايلول يم البنات وكمت ؏ الشغل .. رحت يم حمديه جاي تحمس الشيخ يريد الغده وكت الماعين تارسات المطبخ
بلشت اغسلهن .. تدنت يمي حمديه تهمس بـ اذاني
اڪلجّ كتلها ها كالن اليوم ماكو عرموط حلاوه
شعريه محلبيه
كتلها شتقصدين
صفيه ماكلتلها كتله البارحه
يوو لييش
الشيخ شايف عدها قماشاتج وكاتلها
منو كلج هي كلتلي توها وكالت مالها خلك راح
تسوي روحها مريضه لحد ما يراضيها الشيخ
ويراضيها مو
منين هي تروح تدحس روحها بي لو تظل سنۿ
مايقلدها
هاا
كمل اليوم والايام الوراه واجه يوم الخميس بالليل
هم اجه حاجاني بعدج قافله
بعدك ماتعرفني
شلون
من اقفل اقفل
باجر عندي الج مفاجاة .. ويفرك بيديه وراح
يوم الجمعه الصبح الوكت جان حار بـ شهر الـ 5 ..
الساعه بـ الـ 6 الصبح كعدت ؏ دكت الباب فتحتها
الـشيخ
ها ماتغيرين رأيج
انتَ شبيك جاي اكلك مااريدك هي ڪوه بعلو صوتي جرجرني من ايدي بقوه وصعدني بالسياره وره وصعد وياي .. وانه اصيح وين اموديني انطيني ابني طلع سجينه وخلاها ؏ ركبتي حركت السياره وكال ها جنتي خايفه من اهلج ﻼ‏ يذبحوج .. اكليها هسه متت خوف بساعتها .. فكري يم ابني ووين موديني السياره تمشي والطريق ريفي كصيف وانه مو للمره ومو للاولى بدرب المجهول وماادري وين مبعدني عن ابني .. وشناوي يسوي بيه ؟ ..

؏ـمـࢪيـۃ اسفۿ ؏ التاخير بـس واللۿ مريضه  وهسه صرت احسن وكتبت البارت شنو حتتوقعون الـشيخ شحيسوي بهاله؟
مشاهدۿ ممتعۿ 🌝💔