دخيله بنت الشيوخ

بارت 7

#دخيله_بنت_الشيوخ
باࢪت 7
بقلمي لبوه للڪاتبۿ " نوࢪه ناصࢪ "

طول الطريق ابجي شكد كرهته انه قريبه ؏ـليـۿ كلش اتمنيت اخذ سجينته ادخلها بكلبه واموته واخلص منه ڪلبي وروحي انترست غيض وكره ؏ـلي

وصلنه بـ؏ــد مسافه ماجانت كلش طويله نزلني سحل من السياره جان اكو طوفه من طين وباب جينكو دفره وطببني مزرعه جبيره كلش مليانه نخل وزرع مشينه مشينه مسافه .. وانه احاجي وهو مايجاوب اكله وين موديني بس يكلي اشش اسكتي وبخزر ونتر وصلنه لغرفه من بلوك .. شمرني بالكاع بعد ماجان لازمني من ايدي وفتح الباب مقفول .. جان كال كومي طبي انه كاعده ؏ الكاع وابجي واعضض بـ اصابيعي .. مدري ندم مدري قهر بس شعور بالذله هذا الشعور الوحيد .. مسيطر ؏ـليـۿ
طبيت من ﻼ‏ جاره .. بس خايفه منه خفت لا يطب وياي بس الحمدلله هالشي ماصار لان بعد ماطبيت طلع وسد الباب وقفله .. كعدت بالكاع ابجي
هنا راح انسجن الظاهر وهي زنزانتي ..
شسويتي بيه يادنيا انتِ مو بس جريتي اذني لا
وكصيتيها بعد اخ ايلول يمه وليدي اريده ليش
يحرمني منه كمت ادك ؏ الباب واصيح انطيني ابني حرام ؏ـݪيڪ ياظالم حرام ؏ـݪيڪ
بجيت وكعدت بالكاع انكطع نفسي اختنكت
بعد ساعات بجي كضيتها اعض اصابعي ندم ولو
اكلهن كلهن مايفيدني بشي فقدت رغبتي بالحياة
تمنيت الموت بلحظه وحده وينتهي كل شي .. المي دموعي خوفي ندمي اخطائي פَـياتـ‏ʊ̤ كلها بقيت ساعه اكوم افتر ساعه اكعد وابجي ساعه انام من الالم والقهر
واليوم بده يخلص .. وانه ؏ هالحال وصلت
الـمرحله خلصت كلشي حتى دموعي ماالها رغبه
تنزل يمكن ملت مني مدري انه ايست واستسلمت للوضع الجديد الي لحد هسه مااعرف تفاصيله ..
باوعت للغرفه .. ملبوخه من جوه ومصبوغه بـ ابيض بس مو كلش عدل صبغ خفيف ويبين جواته .. اللبخ مال الاسمنت بيها ضوه اصفر ورف خشبي مدكوك بالحايط وعلي فانوس .. ويمه شخاطه .. مفروشه بحصران وبيها مندر واحد وبنكه .. شفت باب صغير داخل الغرفه رحت فتحته شفته حمام ..
طلعت للغرفه مره ثانيه شفت
بعد اكو شباج .. وعلي برده فتحتها شفت كبالي بيت طين وحبل علي هدوم مشرورات
يعني انه مو وحدي هنا بهالمزرعه .. اكو عالم غيري بس اكيد مو مثل حظي .. وغبائي بينما
انه كاعده والدنيا بلشت تصير ليل اندك
الشباج ترددت افتحه لو لا .. تالي سمعت صوت مره تصيح خيه فتحي
من بين كل ياسي والمي فتحت لكيت مره سمره عدها رصعات .. وجها مبين تعبان بس شافتني ضحكت وبينت رصعاتها .. عبرتلي مبين حدايد الشباج صحن صغير بي جم وصله بيذنجان وطماطه نيه مكصصه .. وخبزه
كالت الشيخ وصاني اجيبلج اكل بس انه سليمه نسيت .. هزيت راسي وخذيت منها الصحن ..
راحت وسديت الشباج وراها ..

كترته ؏ صفحه .. وكعدت وافكر بـ ايلول هسه جاي يسوي هم يبجي ؏ـليـۿ هم يريدني ياربي شسوي شيفيد البجي ولاشي .. وينها كوتج هاله ومعقوله هي قوه لا هذا ضعف لان انه مااكدر اخلص نفسي من مشاكلي معناها ضعف .. لو موافقه ؏ـلي ومرمرته جان هسه انه ماانحرمت من وليدي رفعت راسي ليفوك وابجي
اخخ سامحني سجاد سامحني ماكدرت احتفظ
بابنك ياتره هم يسامحني سجاد .. خليته وراي
يموت وانه نهبت .. ليش هسه انه عايشه اصلاً
بس جسد باقي روحي ماتت من زمان ..