#دخيله _بنت_الشيوخ بارت 1
بقلم نوره ناصر
جنت منسدحۿ بغرفه بالسطح والدمايه تخر مني من كل صوب مال الكتل الاكتله ..من اهلي .. طبت عليه بنت عمي وبنفس الوقت مرت اخوي مخروعه وتكعد بيه جنت بين النايمه وبين الكاعده .. او بالاصح بين الميته وبين العدله ..
ولج كعدي هاله كعدي يا معزايه يا مصخمه سجاد لكو وراح يدبحوكم انتي ويا
كمت كوه عليه ونتجيت على عكسي اباوعلها واكللها هلا بالموت هلا خلي يموتني تعبت والموت الي راحه..
مرت اخوي: ولج اشردي ولج تنكتلون اثنينكم كومي مدام عدج فرصه تشردين بيها وتنجين بروحج
هاله: ولج وين اولي خلي يذبحوني اني ما اصلح للحياة بنضرهم وحتى بنظري
مرت اخوي: يا صدك تحجين هيج الروح رخيصه عندج كومي ولج همه عايفين الباب مفتوح منشدهين كومي محد راح يحس عليج كلها فازعه يمه جوه بالديوان
هاله : كومتني كعدت وتذوقت طعم الدم بحلكي كتلها شلون راح اشرد ولج مابيه حيل
مرت اخوي: راح اجيبلج عبايه وخمار لفي روحج بي زين وطلعي من باب الترك محد ومحد ينتبه يلا ولج ولج مايهون عليه اشوف دمج بطولج يلا كومي تقوي يلا
هاله: تحجي وتمسح بدموعها صديقي هي خيتي من الصغر جايه تنقذني مايهون عليها اموت وماتدري الموت ارحم الي كوه كمت كعدت ومدده رجليه وكل شبر بيه يوجع ومجروح والاكثر جرح روحي والي راح يسوو بسجاد شي مجهول الي ..
كالت كومي
طلعت ڪبالي
هاله: كمت اتجه ؏ الحايط وامشي اجت مره ثانيه انطتني العبايه وجزدان بي فلوس واشرتلي محد اكو نزلي كلهم نايمين هي فرصه اجتج
ڪبل ﻼ انزل ڪتلها فطوم ديري بالج ؏ عمرج ردت انزل رجعت الها وديري بالج ؏ ﺣحـبوبتي
فاطمه : دخيلج روحِـʊ̤ انتي هسه ﺣحـيري بعمرج وتركي ڪلشي وراج روحِـʊ̤ روحِـʊ̤ روحيييي وتاشر بجف ايدها انزل واعرج واباوعلها ودموعي تكت وهي تاشرلي ودموعها مطر ؏ ارض صحرى راح نتفارك مره ثانيه
وصلت نهايه الدرج وافتريت ؏ اليسرى من باب الترك فتحته وطلعت طخ البرد بجسمي فزز ڪل جرح بيه جروحي كلها مفتوحه وتصب دم والجرح الاكبر جرح الروح شيطيبه ..
مشيت بالبستان بين الشوك والزرع والدنيا كمره خفت ﻼ انشاف
بـس تالي ڪويت ڪلبي وكلت الموت اولها وتاليها منين اخاف؟
وفعلتي بنظر العشاير شنيعه
مو بـس العشاير بنظر المجتمع ڪله
طلعت من بستان ابوي وصرت امشي بالشارع رغم ڪلي جروح بـس ماادري منين جتني القوه .. وصرت امشي سريع وما اخاف من الظلام الدامس المحيط بيه ﻼن פَـياتـʊ̤ اظلم ومتاكده الجاي اظلم واحلك بـ؏ــد
مشيت ومشيت وابتعدت هوايـۿ كعدت شويه ارتاحيت اباوع منا ومنا ظلمه ڪمت امشي اشوف خرابه ودخلت بيها ودكعدت وكلت هنا اظل لا يشوفني احد بهالليل وجريب الفجر اطلع اخذ سياره واروح للبصره بمكان ما رحنه اني وسجاد
كعدت بهالمكان بارد ثلج خليت راسي ؏ الطوفه
(حايط نص مهدم ونص مبني او باقي جزء منه)
ڪل شويه تريد تخفي عيني..
واستسلم للنوم .. الي جم يوم ما نايمه بس يغمى عليه من الكتل ..
كعدت اناجي الرب
ربي مالي غيرك انه اذنبت انت تغفر بس الوادم ما تغفر ايشي بي اصلاح الي وكلتلك ؏ـليـۿ انت
حسبي الله ونعم الوكيل نجيني يارب اريد النجاه واذا انه ما استاهل اعيش انت بكيفك بعد انه قابله بكل شي منك
غفيت وانه اناجي ربي وماادري شراح يصير الي كعدت ؏ صوت الاذان هم ࢪ࣪ين اكو جامع قريب
وسمعت صوته .. كمت تيمتت ماكو ماي
تعلمت من حبوبتي التيمم وصليت والالم بيه وابجي حلو القرب منك يارب
خلصت ومشيت بدرب المجهول شكد طويل؟
ساعات الانتظار صعبه ومريره باي لحظه احس راح يلكوني وياخذوني
مران انتظار البلاء اصعب من البلاء نفسه
مشيت والصبح بـ؏ــد ﻣمـا طلع .. حاولت امشي سريع
واصلت المشي .. وصلت للشارع العام .. ادور سياره فكرت بروحي انه شجابرني اشرد ليشہَ مااروح الحك سجاد بـس اخوي حاكم كلي لازم اكتلكم ثنينكم سوه اشر وانه فكري خابط .. الشارع قليل سيارات .. ﻼن فجر مو وكت טּــاس تطلع هسه اله القليل .. اشرت وكفتلي سياره رجال جبير يسوقهه .. تقربت منه ومعلكه الجزدان بيدي .. ومجتفته جفوفي واعصر بيهم
وما طالع مني شي مغطيه وجهي ڪله وبس غشا ؏ عيوني يخليني اشوف ..
ڪتله عمي توصلني للبصره؟
هاا .. انتي ابحدج؟
هاله: اي ابحدي وديني عمي والكروه التامر بيها انطيكياها
الرجال : ࢪ࣪ين صعدي بويه
هاله: صعدت ويا واحس براحه بلكي ﻣمـا يلزموني
ياربي بقت يمك بـ؏ـد ..
غفيت شويه واسمع السايق يكلي وصلنا للبصره وين تنزلين؟
احتاريت وين انزل .. ولا اندل مكان بيها ظليت ساكته .. طريق خارحي وصحراء تخوف
الى ان وصلنا لمكان بي بيوت ومدينه .. كتله عمي نزلني هنا ..
وكف السياره .. انطيته الفلوس .. ونزلت امشي واتلفلت ميته خوف ..
شسويتي بحالج يهاله هاي تاليتج؟ اوف اوف
شفت بسطيات يبعون مخضر وانه كاتلني الجوع فنحت الجزدان واندعي لفطم ربي يرزقها بطفل هي امنيتها بالحياة
طلعت فلوس وشتريت تفاح ردت ايشي اكله بس وين اغسله؟
شفت مريه تبيع اجبان وروبه وكيمر عرب رحت كتله خاله
ماكو ماي هنا اغسل؟ .. كالت اي اكو تعاي يمها سطلعه ماليتها مي واخذت بطل ترسته ونطتنيا
اخذته وتشكرت منها ..
كعدت ؏ صفحه غسلت التفاحه وظليت اوخر شويه البركع واعض بالتفاحه الى ان خلصتها والشمس صارت بنص السما اذا اجه الليل انه وين اروح؟ ..
صرت ڪل شويه امشي وارتاح وبالي ما يخلى من
التفكير انه شنو مصيري؟ .. وين اروح؟ .. وين اولي ؟ .. شسويت بعمري؟ ..
امشي بطريق مجهول ما منه رجعه .. ولا يسمح الي اوكف ولا اعرف انه رايحه وين ..
احس روحي خشبه ومسيسه بالبحر تجيبها الامواج المتلاطمه وتوديها .. وماتدري يمته راح ترسو ؏ الشط وتنجو ..
هذا ڪله ما ينفعلج يهويله وجماله اسمي هاله
اخذتني صفنه رجعتني لطفولتي .. ممره جنت كاعده بحضن ابوي .. عمري 9 او 10 ما اتذكر بس جنت طفله بريئه ما عليه ذنوب مو مثل هسه ..
سالته ليش سمتني هاله؟
كلي .. معنى الهاله دائره ضوه حول القمر او الشمس وانتي الضوه الحياتي واريدج عزوتي ..
اخخخخ بويه .. صحيت ؏ ضربه قويه ..
طيحتني بالكاع واطشر التفاح .. تعورت حييل ..
باوعت اثاريها سياره الي دعمتني .. نزلو منها رياجيل
وانه متوجعه كتلهم هيي ما تشوفون شبيكم؟
اخخخخ تقربو مني خفت واتذكرت انه بغربه وتذكرت حجايه ابويه يا غريب كن اديب خلي استر ؏ ؏ـمـࢪيـۃ واكض الساني وانلصم .. بقيت مخليه ايدي ؏ خماري واون من الالم ..واحد كعد يمي بالكاع شكله رجال خمسيني ڪال ها خويه بيج شي؟
انه حسيت بدوخه وشي وطاح ؏ وجهي
اتددت ؏ الكاع بضعف .. اثرت بيه الضربه متاخره
الرجال الخمسيني ظل يكعد بيه .. ويحجي وانه ما اجاوبه محتاره بوني والمي
اتقرب من الرجال الثاني .. ما انتبهت الشكله بس
صوته شاب رجولي .. لابس غتره ودشداشه يعني زي عربي ..
كال بخشونه وتكبر ناخذج للمستشفئ؟ انتي شتسوين تفرفين بالمغرب وحدج ؏ـفيۿ نسوان تايهه .. ابو غانم ختكوم نوديها للمستشفئ ..
يبوو هي يمنه صار المغرب انه كضيتها صفنات
اليكول ابو صابر .. يااصخام يا مستشفئ نوب خاف
سين وجيم واحد يتعرف ؏ـليـۿ .. ڪتله ﻼ ﻼ مابيه شي مااروح للمستشفئ انه بـس اريد مكان ارتاح بي شويه متاذيه ..
ڪال لعد اهلج وينهم؟ ..
انه هنا ضليت امتمت .. سويت روحي فاقده الذاكره
يااهل ليشہَ انه منو؟ انتو منو؟شصارلي وشجرا الي؟
شسويتولي؟
اڪلجّ لتاخرينه نوديج للمستشفئ وفضيها واي
تعويض احنه حاظرين ..
ﻼ ﻼ مااروح مستشفئ مااروح ..
: شيخ تمار خلي ناخذها للييت النسوان تشوف شبيها
وبعدين ينحل ڪل شي
اي هذا الي اريده انه بيت الليله ابات بي وهذول شكلهم شيوخ ومرتبين يعني يحافضون ؏ـليـۿ
(حجيت بكلبي)
الشيخ تمار: ها شكلتي؟ بتكبر
اي ياريت راح اموت ولا اندل احد وماادري شبيه متمدده ؏ الرصيف .. وعيوني ؏ السمه وما طالع مني شي ابد ﻼ رجل ولا ايد ولا شعر ولا ڪلشي جواريب وجفوف وبركع زين ما اختنكت .. وهو واكف
ويحاجيني وصورته مو واضحه كدامي
يلا لعد كومي ناخذج للسياره وراح للسياره
اريد اكوم مابيه الححي يريد يكومني هم مابي
صاح صوت من بعيد وين صرتو اليوم ماراح تفض؟
مابيها تكوم شيخ ابو محمد كال ..
اجه مره ثانيه الي وشالني بسرعه البرق مثل الطفله ومشه بيه للسياره .. حسيت بدوار خليت راسي ؏ ڪتفه لثواني تذكرت سجاد .. وخرت راسي بقه واكف بيه وباوع المكان راسي وشاف دم ؏ دشداشته ڪال جاي تنزفين .. باوعت لوجهه شنو من وجه
رموشه شويه ويوصلون الي ..هلكد ما طوال
لحيته شلون مرتبه وجهه حنطاوي ووصافي وعيونه سود كحليه وكلها رجوله .. وعطره يفح بلا هذا شيخ وجويسم ابن عمي الي ڪتل روحه ؏ـليـۿ يريد يتزوجتي وخلاني اسوي علمتني السوده ويا سجاد شيخ .. من خرب بحظج يهويله ..
يتبع ..
ۿـَلاو شلونكم اني هايۿ اول مره اكتب روايه وطبعا الروايه منقوله واسفه اذا اڪو اخطاء لان اول مره اكتب وان شاء الله تعجبكم اتمنى من تقرون القصه تصوتون وطبعا القصه حقيقه مشاهده ممتعه 🌚💔
أنت تقرأ
دخيله بنت الشيوخ
General Fiction(قصه منقوله للكاتبه نورا ناصر) فتاة هاربه من الموت والى الموت ياترى اي مصير بانتظارها؟
