احببت مراهقه الجزء الأول - الجزء الثانى"قيد التعديل"

#البارت السادس

نغم :- الووو ي احمد بتتصل عليا ف وقت زى ده كده ليه
احمد :- البقاء لله
نغم بقلق :- ف مين
احمد بحزن :- ف محمد
نغم :- انت بتهزر صح ..... قول انك بتهزر
احمد :- والله مبهزر .... و بعدين ههزر ف حاجه زى دى لي .... انا حبيت ابلغك لان ابوكى ناشر فالشارع ان انتى هربتى ومحمد الله يرحمه قالى على موضوع شغلك ده فانا بلغتك
نغم بصدمه :- اااااايه ....طب اقفل
احمد بشفقه :- ربنا يصبرك ... باى
بعد مقفلت معاه فضلت اعيط و اصرخ و اقول
:- لى يمحمد لى هو انا كل حاجه حلوه فحياتى بتختفى ده انت السند الوحيد ليا شوفت بابا عمل فيا ايه قال ان انا هربت منكم لي ي حبيبى لي لى مختش من عمرى ي رب و اديتلو لى فضلت الطم على وشى و اصوت و اقول "لي ي محمد لي"
لحد م لقيت كل الفيلا اتجمعت فأوضتى قرب منى استاذ سالم وقال
سالم :- ف اى ي نغم مالك قولت بعياط
نغم بعياط :- اخ .... اخويا مات مات و سبنى مات فالدنيا دى لوحدى قربت منى ميساء هانم و حضنتى و عيطت معايا و بتقولى
ميساء بعياط :- متعيطيش احنا كلنا معاكى ي حبيبتى اهدى بقى
حضنتها و دفنت نفسى اكتر و عيطت لحد م اغمى عليا ميساء هانم شلتنى من حضنها لقتنى مغمى عليا قالت بفزع
ميساء بفزع :- اطلب الدكتور بسرعه ي سالم
طبعا هتقولولى اسد فين صح؟؟!! اسد كان كل ده واقف بصمت و باصص بحزن لنغم لحد لما لقى امه بتقول اطلب الدكتور قرب بسرعه منها و شلها و حطها على السرير مامته و باباه و كل ال اتجمعوا استغربوا و عمال يمسد على شعرها لحد م الدكتور جه و كشف عليها قعد نص ساعه فاوضه ميساء لحد م خرج اخيرا (طبعا الخدم اللى اتجمعت اسد مشاهم) استاذ سالم و ميساء و اسد قربوا منه و قالوا بقلق
سالم :- مالها ي دكتور
الدكتور :- عندها انهيار عصبى حاد انا ادتلها مهدئ
سالم :- تمام شكرا ي دكتور مش عارف اقولك اى
الدكتور :- لا شكر على واجب ي سالم بيه
سالم :- مدام ناديه ي مدام ناديه
ناديه :- ايوه ي فندم
سالم :- وصلى الدكتور لبره
ناديه :- حاضر ي فندم
مشى الدكتور
و دخلت ميساء و سالم كان مستنى ميساء لقى اسد هيدخل منعه و قاله
سالم :- مينفعش ي اسد
اسد :- لي
سالم بتوضيح :- عشان دى بنت محجبه و لو صحيت ولقيتك هتزعل اللى احنا دخلناك احنا مش هنقولها ان انت شيلتها و حطيتها ع السرير مينفعش دى مش زى البنات اللى تعرفها نغم من اسبوعين عرفتها اد اى ادب و اخلاق و دين مش بتاعه احضان و بوس من حد غريب فاطلع ي بنى قاله بمضض
اسد بمضض :- طيب ماشى وطلع اسد و انتظر سالم مراته قدام اوضه نغم لحد م طلعت
سالم :- ها اخبارها اى
ميساء بشفقه و حزن :- لما دخلت لقيتها فاقت ولكن مبتعملش حاجه و تقول "لى ي محمد لى" والله البنت قطعت قلبى
سالم :- ربنا يصبرها ي حبيبتى
ميساء :- ي رب
سالم :- يالا نطلع الاوضه بقى
ميساء :- يالا يحبيبى
تانى يوم قومت اتوضيت وصليت و قريت الورد روحت مكتب استاذ سالم اللى فالفيلا خبطت الاول لقيت استاذ سالم بيقول
سالم :- ادخل
دخلت وانا متردده و قالى
سالم :- اتفضلى اقعدى ي نغم
نغم :- كنت عايزه اطلب من حضرتك طلب
سالم :- اتفضلى
نغم بتوتر :- كنت عايزه اخد اجازه انهارد و اخد من المرتب 1000 جنيه
سالم :- طب تمام ..... على فكره انتى ليكى لحد اسبوع تقدرى تاخدى اجازه لكن اكتر من كده لا
نغم :- تمام
سالم :- اما موضوع المرتب بقى موافق و هحطلك عليهم 500 جنيه
نغم :- لا ي فندم انا عايزه الالف جنيه بس
سالم :- اعتبريهم مكافأه منى ليكى يستى و طلع من درج المكتب الالف و نص ... اتفضلى
نغم :- شكرا ي استاذ سالم و اخدت الفلوس و حطيتهم فالشنطه و طلعت من برا الفيلا و طبعا كان كل اللى فالفيلا كانوا مستغربين هدوئى ده طلعت من بوابه القريه و مشيت شويه و طلبت تاكس و انا فالتاكس اتصلت باحمد جرنا
نغم :- السلام عليكم
احمد :- و عليكم السلام
نغم :- احمد ممكن تقولى عنوان المستشفى اللى فيها محمد
احمد :- اه ... اه طبعا خدى *******
نغم :- تمام شكرا و بعد كده قفلت معاه و قولت لسواق التاكس
نغم :- اطلع على مستشفى ********
سواق التاكس :- تمام
وصلت قدام المستشفى كنت هعيط بس تمالكت نفسى و دخلت للريسبشين
نغم :- لوسمحتى ..... فى حد اسمه هنا محمد احمد جه هنا
الموظفه :- اه ي فندم
نغم :- جه ف اى
الموظفه :- حادثه عربيه
نغم :- طب ممكن توصلينى ليه
الموظفه بأسف :- للاسف ي فندم مينفعش هو اتوفى ..... البقاء لله
نغم :- ممكن توصلينى لمكان جثته
الموظفه :- حضرتك تقربيله ايي؟؟!!
نغم بتماسك عشان متعيطش : ااا ... اخته
الموظفه بشك :- ازاااى ولسه اهله واصلين
نغم :- م اصل انا كنت فالشغل ولسه عارفه
الموظفه :- تمام .... فالطابق التانى تالت اوضه على الشمال ده مكان تلاجات المتوفين تمام
و صلت للطابق التانى لقيت ممرضه جايه
نغم :- لو سمحتى
الممرضه :- اؤمرينى
نغم :- عايزه اروح الاوضه دى و شاورتلها على المكان اللى بيحطه فيه الجثث و يحفظوها
الممرضه باسف :- مينفعش
نغم :- عشر دقايق بس و طلعت من شنطتى 100 جنيه و اديتهملها
الممرضه :- طيب بس بسرعه قبل م الدكتور يجى
نغم :- حاضر و روحت جرى على الاوضه لقيت ماما و بابا و اختى بيعيطوا قربت على التلاجه اللى واقفين قدامها لقيت جثه محمد قعدت اهز فيها
نغم بعياط :- محمد ..... محمد فوق يالا ي محمد فوق لقيت بابا بيزوقنى و يقولى بغضب
والد نغم بغضب :- انتى السبب ف موته انتى السبب
نغم بدموع :- لا مش انا السبب راح قرب منى و قعد يضربنى على وشى لحد م نزف من منخيرى و شفايفى دم و دوخت لقيت ماما بتقول بعياط و غضب
والده نغم بغضب وعياط :- روحى منك لله .... منك لله ي بعيده ي ريته كان خدك انتى و مايخدهوش انتى لا بنتى ولا اعرفك اساسا لما اجوزت ابوكى كنتى لسه بيبى و هو متجوزنى وانا معايا محمد و حبيبه و كنت عايزه ارميكى فالزباله بس الجيران منعونى روحى منك لله ..... منك لله
انا كل الكلام اللى سمعته صدمنى و بابا عمال يضرب وانا مش قادره لحد م اغمى عليا صحيت لقيت نفسى فاوضه من اوض المستشفى شيلت الكانيولا من ايدى و قمت كنت هقع مسكت فالسرير و طلعت لقيت الدكتور بيقول
الدكتور :- اى اللى طلعك ي بنتى
نغم بتعب :- لا انا عايزه امشى
الدكتور :- طيب
وخرجت من المستشفى روحت البحر و قعدت اعيط بحرقه و اصرخ
نغم بعياط و صراخ :- لي بيتعمل معايا كده لى انا بنى آدمه و عندى قلب حرام عليكوا كلوكو و قعدت اعيط لحد م هديت نفسى
روحت الفيلا اول ما ميساء هانم و استاذ سالم شافونى بمنظرى اتخضوا وقربوا منى و قالتلى ميساء هانم
ميساء :- مين اللى عمل فيكى كده قربت منى و حضنتنى اول م حضنتنى انا قعدت اعيط بحرقه و طبطبت عاليا
ميساء :- طب تعالى معايا و نادت على الداده
ميساء :- مدام ناديه
ناديه :- ايوه ي ميساء هانم
ميساء :- اطلعى هاتى بيجامه من عندى
ناديه- حاضر
دخلتنى ميساء هانم اوضتى وقعدتنى على السرير و حضنتى
ميساء :- باااس ي حبيبتى اهدي الباب خبط راحت ميساء هانم و فتحت واخدت من الخدامه البيجامه و قربت منى
ميساء :- خشى دلوقتى استحمى و انا هروح اجيبلك حاجه للزرقان اللى ف وشك ده و حطت البيجامه جنبى و طلعت من الاوضه انا اخدت البيجامه و دخلت الحمام اللى فالاوضه و استحميت و لبست البيجامه طلعت لقيت ميساء هانم قاعده على السرير و معاها كريم قربت و قعدت جانبها
ميساء :- هحطلك الكريم
نغم :- لا متتعبيش نفسك ي ميساء هانم بماشكلى و هاتيه حضرتك وانا احطه ..... وانا اسفه لانى ازعجتكوا قالتلى بزعل
ميساء :- انا هحطهولك و بعد كده تاكلى و تحكيلى كل اللى حصل
نغم باعتراض :- بس .....
ميساء بحزم :- مفيش بس اعتبرينى زى صاحبتك .... اختك اى حاجه بص هتقوليلى قولت باستسلام
نغم باستسلام :- حاضر حطتلى الكريم على وشى برقه و بعد كده سابته و راحت الحمام تغسل ايديها وجت تانى مسكت الصنيه اللى فيها الاكل و حطتها على رجلها وبدأت تأكلنى بايدها
نغم :- خلاص والله م قادره اكل
ميساء :- لا كلى
نغم :- انا لما حد يأكلنى غصب برجع
ميساء :- خلاص ماشى و سابت الصنيه على الكومود و قالتلى
ميساء :- مددى على السرير
نغم بدهشه :- ايه
ميساء :- ياله بقولك
نغم :- حاضر مددت على السرير زى م قالت اتفجأت ان هى كمان بتمدد على السرير و حطت راسى على صدرها وبدات تمسد على شعرى
ميساء :- احكيلى يالا كل حاجه جواكى ي حبيبتى و متقلقيش
نغم :- حاضر و بدأت احكيلها عن كل حاجه و بدأت اعيط و قولتلها على اللى حصلى فالمستشفى
نغم بعياط :- كك ... كانو عايزين يرر .... يرمونى فف .... فالزباله ب ... بس الجيران منعوهم هى عيطت معايا و ضمتنى لحضنها جامد جدا و قالتلى بعياط
ميساء :- ي حبيبتى عانيتى و استحملتى كل ده وفالآخر بيتمنوا ليكى الموت وقفت عياط و قالتلى بحزم
ميساء بحزم :- انتى من النهارده مش هتشتغلى و هتكونى من العيله و انا يشرفنى ده طبعا بعدت عن حضنها و قولت
نغم بتعب :- لا
ميساء :- لا ليه
نغم :- انا محتاجه ابنى نفسى بمجهودى انا
ميساء :- ب ....
نغم :- لا و لو انتى حضرتك مصممه على كده انا هكمل الشهر بتاعى و همشى و اشوف شغله تانيه قالت باستسلام
ميساء باستسلام :- خلاص اعملى اللى يريحك
رجعت قعدت تانى اخدتنى فحضنها تانى قولتلها
نغم :- ممكن اطلب منك طلب
ميساء :- اتفضلى
نغم بحرج :- ممكن يعنى تجيبوا ليا طقمين تلاته بالالف جنيه اللى معايا
ميساء :- ممكن تجيبى من الموقع
نغم :- انا محتجاهم عشان اغير فيهم
نغم :- تمام ي حبيبتى
فضلت معايا لحد م نمت قامت ميساء من جنب نغم و غطتها كويس و باستها من جبهتها و طفت النور وطلعت على اوضتها لقت جوزها قاعد بيشتغل فالاب
قربت منه و قالتله
ميساء بشفقه :- نغم صعبت عليا اويي الله يكون فعونها و يصبرها
سالم :- ليه هى حكتلك حاجه
ميساء :- اه و ....... بدأت تحكى ليه و خلصت من اللى قالته نغم بعياط
ميساء :- صعبانه عليا اوى سالم اخدها فحضنه سالم :-اهدى يحبيبتى هشششش
باليل كانت نغم قاعده هى و ميساء بينقوا فالبس
و جه الطلب كان 3 فساتين و 2 جيب و 4 تشيرتات
قالت ميساء هانم
ميساء :- خشى قيسيهم
نغم :- حاضر دخلت قيستهم كانوا مظبوطين عليا قالتلى ميساء هانم
ميساء :- مشاء الله عليكى كل حاجه حلوه عليكى
نغم بكسوف :- شكرا ده من ذوق حضرتك ي ميساء هانم
ميساء :- لااا بقولك اى ارفعى الالقاب دى خالص ميساء او ميسو بس احنا من النهارده اصحاب و اخوات ..... احيه
نغم :- فى اي
ميساء :- نسينا نجيب كام بيجامه من الموقع
نغم :- خضتينى وقعتى قلبى والله
ميساء :- مش مشكله ..... انا عندى بيجامات و كاشات مايوه صغروا عليا هديهملك
نغم :- بس ......
ميساء :- احنا قولنا ان احنا اخوات و اصحاب و الاصحاب بيشاركوا حاجتهم نقول تمام و بس قولتلها بإبتسامه
نغم بابتسامه خفيفه :- تمام
ميساء :- ايوه اضحكى كده
نغم :- ميساء
ميساء :- اممم
نغم :- ممكن تيجى معاياه بكره
ميساء :- هنروح فين
نغم بحزن :- الشقه عشان احضر الدفنه و الجنازه
ميساء :- طبعا ي حبيبتى طبعا
قربت منى و حضنتى قعدت اعيط فحضنها لحد مهدتنى و خلاص و قالت مغيره الموضوع
ميساء :- انا هطلع اجيبلك البيجامات تمام ..... واهدى و ادعيلو بالرحمه
نغم :- ربنا يرحمه و يجعل مثواه الجنه
ميساء : - امين ي حبيبتى انا طالعه بقى
نغم :- اتفضلى مشيت ميساء هانم و انا دخلت الحمام اتوضيت و طلعت صليت وانا بدعى لمحمد بالرحمه و انا بعيط خلصت صلاه و قريت الورد و بعد كده استنيت ميساء هانم لحد ما جابت البيجامات و قعدنا نكلم شويه و بعد كده طلعت و انا نمت
صحيت تانى يوم على الساعه 10 الصبح كده قومت اتوضيت وصليت و لبست فستان كحلى و فالوسط حزام من الخيش و لبست طرحه بيضه و كوتشى ابيض اتصلت بميساء هانم عشان هى كانت عطيانى رقمها عشان لو حصلت مشكله مع تالين و تالا اتصل بيها المهم اتصلت بيها وردت عليا
نغم :- الو .... صباح الخير ي ميساء هانم قالتلى
ميساء بطيبه :- صباح الخير ي حبيبتى انا جاهزه نروح
نغم :-طيب انا هستناكى فين
ميساء :- استنينى تحت عند السلم
نغم :- تمام .... باى
ميساء :- باى
طلعت استنيت ميساء هانم ادام السلم لقيتها بتنزل و بتقول
ميساء :- يالا
نغم :- يالا
ركبنا العربيه و روحنا البيت عندى لقيت الشارع مليان رجاله و نزلت لقيت الناس بتبصلى باحتقار و فى اللى بيبصلى بغضب لقيت عمى بيقول لبابا و بيبصلى باحتقار
عمى بغضب واحتقار :- اهى اللى جابتلك العار و هربت جايه تحضر عزا اخوها الفاجره قولت بصدمه
نغم بصدمه :- ااااايه
~~~~~~~~~~~~~~~~~~
خلص البارت اتمنى يعجبكم متنسوش تعملوا تصويت و تتابعوا صفحتى و باى باى🤗🤗
#احببت_مراهقه ♥
#بقلم_ساره_حجاج 🖎❤
#يتبع ....
SaraHgag112
انا حسيت انى مش هقدر انزل بكره فقولت انزل البارت ده