احببت مراهقه الجزء الأول - الجزء الثانى"قيد التعديل"

#البارت الاول

- انتى يا حيوانه تعالى هنا
- ايوه يا ماما فى ايه
( ااه نسيت اعرفكم بنفسى احم احم انا نغم عندى16 سنه محجبه عنيا لونها رمادى و بشرتى بيضه قصيره و مش تخينه جسمى مناسب لطولى و وزنى عيلتى صغيره يعنى انا و بابا و ماما و اخويا الكبير محمد فى كليه هندسه ميكانيكه و اختى الوسطانيه حبيبه فى كليه طب صيدله و انا اصغر واحده فيهم بابا و ماما جبونى بعديهم بكتير لان ماما تعبت و جالها مرض وحش و والحمد لله اتشفت منه و بعد كده جابونى)
- تعالى هنا
- اهو جيت فى ايه
- انزلى هاتى حاجه الغدا عشان ابوكى فى الشغل بقالو يومين و هيجى انهارده عايزه اعملوا اكله تروم عضمه
- و فين محمد و حبيبه
- عند اصحابهم بيذاكروا و هيجوا على الغدا ... و بطلى لماضه بقى و غيري و انزلى هاتى الطلبات
- طيب بس بشرط
بغضب و نفاذ صبر- ايه هو يا مقصوفه الرقبه
- هاخد عشره جنيه
- انا هديكى على القد الحاجه اللى هتجبيها
- يووه بقى
بغضب - قوا لما يقويكى غورى غيرى يالا و انزلى هاتى الحاجه
بحنق- حاضر
روحت اوضتى و غيرت هدومى و نزلت اجيب طلبات البيت رجعت دخلت اوضتى بتاعتى انا و اختى غيرت و صليت العصر و قريت الورد و بعد كده قعدت على التليفون اقرأ فى روايات قريت اول جمله و لقيت ماما بتنادى عليا
- بت يا نغم انتى يا بت
- ايوه
- تعالى ساعدينى
- اساعدك حضرتك فى ايه
- تعالى نضفى الفرخه و انا هعمل الرز
بقرف - اععع ايه انضف فرخه
- تعالى يالا بلاش دلع و تعملى فيها الاميره
- ايه يا ماما انضف فرخه طب هى نضيفه من جوه
- لا انتى مقولتيش للراجل ينضفها من جوه فعشان كده انتى هتنضفيها
بهلع- كمان؟! ، اعععععععع ايه لاااا يا ماما بالله عليكى
بغضب- لو مجتيش و نضفتيها هرنك علقه زى اللى اخدتيها امبارح
- خلاص خلاص دخلت المطبخ و فضلت بصه للفرخه لمده مش طويله لقيت ماما بتزعق انتفضت مكانى و بصتلها تانى و دخلت ايدى فالفرخه و ....
بعد مرور نصف ساعه....
واخيرا نضفت الفرخه بعد عناء قعدت نص ساعه انضف فيها او اكتر روحت جري على الحمام و غسلت ايدى بالصابون قعدت اغسل فيها لحد ما ايدى باشت نشفتها و دخلت اوضتى و قعدت افكر ليه ماما بتعمل معايا كده ليه بتعمل كده المفروض انا الصغيره اللى اتدلع اخويا الوحيد اللى فى البيت اللى فهمنى بابا بيسبها تعمل اللى هى عايزاه و كمان اول ما يجى بابا من الشغل تقعد بتقول فحاجات محصلتش و بابا يدينى علقه بالحزام و اختى اساسا مبتحبنيش مش عارفه ليه مع انى بحبها و كمان ماما مبتدنيش فلوس غير كل فين و فين و محمد الوحيد اللى بيدينى فلوس و كمان هو اللى جيابلى الموبايل و بيعملى كل اللى انا عايزاه
و تقاطعنى ماما من افكارى تانى
- انتى يا حيوانه تعالى هنا
- نعم
- حولى الاكل معايا ابوكى زمانه على وصول هو واخواتك
- حاضر
حولت الاكل و حطيته على السفره لقيت الباب بيخبط روحت لبست الطرحه و فتحت الباب لقيت محمد
بفرحه- محمد و حضنته جامد
- قلب محمد عامله ايه يا حبيبتى
- كويسه انت اتأخرت اوى
- معلش زاكرت عند واحد صحبى عشان امتحناتى قربت
- طيب ربنا ينجحك و القيك اكبر مهندس فى العالم كله
- طب ايه هنفضل واقفين حضنين بعض قدام الباب ولا ايه
- مش هتخش
- ايه ده مش هخش ليه يا ست نغم
- قولتله فى ودنه بصوت واطى جبت الشوكلاته
- نسيت ..... معلش هجيبلك بكره
بحنق و زعل- ده انت رخم انت عارف ان ماما و بابا بيدونى فلوس كل فين و فين ولسه هستنى لبكره و نزلت من حضنه و قولتله اتفضل خش
- انتى زعلتى و راح مطلع شوكلاته كبيره من جيبه متزعليش
- سحبتها بسرعه من ايده و دخلت الاوضه عشان اخبيها و اكلها بعد الاكل
- راح قال بصوت عالى و بهزار ماديه حقيره
- روحت قولت بصوت عالى زيه طول عمرى وراح قعد يضحك و انا كمان
دخل محمد اوضته يغير وانا طلعت من الاوضه و كملت تحويل للاكل و بعد كده الباب خبط تانى روحت و لبست الطرحه و فتحت الباب لقيت بابا و حبيبه قولتلهم
- اتفضلوا
- راحت حبيبه ردت عليا بقرف وسعى انتى كده و زقتنى
- قولت فى سري ربنا يهديها و يهدينا جميعا
- و دخل بابا و معبرنيش اساسا و كأنى هوا قفلت الباب دخلت شربت ميا و بعد كده طلعت لقيتهم كلهم اتجمعوا حوالين السفره روحت قعدت جمب محمد و قعدت اكل بصمت
خلصنا اكل و بعد كده دخلت الاطباق جوه
لسه هدخل الاوضه لقيت ماما بتنادى عليا
- انتى يا بت تعالى هنا
- نعم
- روحى اعمليلى شاى انا و ابوكى
- حاضر عملت الشاى و ودتهلهم مشيت لقيت ماما بتنادى عليا
- بت يا نغم
- نعم
- اعملى المواعين
- حاضر عملت المواعين و عملتلى نسكافيه و دخلت الاوضه اخيرا طلعت الشوكلاته من المكان اللى خبيته فيه و اكلتها و انا مندمجه اوى فيها و بقرأ روايه فى فونى خلصت الشوكلاته لقيت المغرب بيأدن روحت الحمام و اتوضيت و بعد كده دخلت الاوضه و صليت و قعدت ادعى كتير ان ربنا يصبرنى على العيشه اللى انا عايشاها و بعد كده قريت الورد و خلصت قرايه قرآن و سبت المصحف على الكومود و بصيت للفراغ و انا بفكر أن انا خلاص كلها شهور قليله و بعدها هكون فى تالته ثانوى يعنى مصاريف كتيره اوى و بابا شغله بسيط و مش هيقدر على مصاريف الثانوى مش قصدى أن هو عاجز لاء بس قصدى أن هو هيتعب نفسه فى الشغل و انا مش عايزاه يتعب و محمد بيشتغل بجانب جامعته و مصاريفه يعنى برضو مش هيقدر و انا مش هقبل أن انا اخد مرتبه عشان مصلحتى لحد ما جاتلى فكره جت فدماغى قولت لنفسي
- ايوه صح هى دى اللى هتحللى المشكله راحت اختى قالتلى بسخريه
- انتى يا بتاعه عندك مشاكل
- وانتى مالك هو انا وجهتلك كلام اتكلمى معايا بإحترام
راحت قامت و ضربتنى قلم جامد و قالتلى بغضب
- احترمى نفسك مش حته بتاعه زيك هتقولى اعمل ايه و معملش ايه فاهمه واحده مقرفه هوف و رجعت قعدت على سريرها انا طلعت من الاوضه و فضلت واقفه قدام الباب قعدت اعيط كتير لحد ما هديت نفسى و طلعت من الاوضه و روحت اوضه محمد ووقفت مده و انا بفرك ف ايدى و متوتره وشجعت نفسى
- يالا يا نغم فى ايه خليكى جامده كده و خشى قوليلوا يالا خبطت على اوضه محمد لحد ما سمحلى ان ادخل دخلت و انا متوترة و خايفه لقيته قاعد على مكتبه بيذاكر
- م ... محمد كك .... كنت عا .... عايزاك فى موضوع ساب اللى ف ايده و قالى بقلق
- فى ايه تعالى قربى و احكيلى
- قربت و قولتله عايزاك فى موضوع
- موضوع ايه
- كنت عايزه اشتغل
فضل باصصلى مده لحد ما قالى
- ............
~~~~~~~~~~~~~~~~
و بااااس كده خلص اول بارت لينا من الروايه اتمنى تعجبكوا متنسوش لايكات كتيره و تعليقات حلوه وتفاعل عشان اكمل باى باى🤗🤗