احببت مراهقه الجزء الأول - الجزء الثانى"قيد التعديل"

#البارت الثانى

- قربت و قولتله عايزاك فموضوع
- موضوع ايه
- كنت عايزه اشتغل
فضل باصصلى مده لحد ما قالى
- ليه هو انا حارمك من حاجه و بعدين يا حبيبتى انتى لسه صغيره
- لا يحبيبى خلى فلوسك لجمعتك ولنفسك و كمان تحوش حاجه لما تتجوز
- يعنى انتى عايزه رائيي
- اه
- لا يا نغم
- ليه
- انتى لسه صغيره و بعدين ماما و بابا
- روحت قولت بسخريه هه ماما و بابا هما مهتمين بيا اساسا ماما معتبرانى خدامه عندها وبس و بابا مش بيسئل عليا اساسا و مش معتبرنى بنته هو بس بيدفع مصاريف الدروس و بس و كمان انا كلها شهور و هكون فى تالته ثانوى و انا مش عايزه اتقل عليه و اتعبه كملت وانا بعيط ارجوك وافق عشان انا مش حمل زل و اهانه و ضرب فيا مش حمل كده و الا هنتحر
- قام منتفض و وقف و قرب منى و حضنى هششششش خلاص هعملك اللى انتى عايزاه و بعدين انتى بتصلى عايزه تكفرى بربنا وحدى الله
- قولت وانا منهاره تماما لا إله إلا الله و بعد كده فضلت اعيط فحضن محمد  و قولت بصوت واطى و بضعف
-محم...
لحد ما لقيت عينى بتتقفل تتدريجيا واغمى عليا
بعد محمد نغم عن حضنه لقاها مغمى عليها و عنيها منتفخين من كتر العياط راح حطها ع السرير و قال بفزع
- نغم قومى و هعملك اللى انتى عايزاه بعد كده قام جرى راح لدكتور جارهم اسمه محمود و جابه البيت و دخله اوضته و محمد فضل منتظر الدكتور لحد ما طلع قرب منه و قاله مالها راح قاله
- هى عندها انهيار عصبى و كمان ضغطها على
- تمام شكرا يا دكتور محمود مش عارف اقولك ايه
- لا عادى نغم زى اختى و عيب اللى انت بتقوله و بعدين بتشكر ايه مفيش شكر بين اللى اخوات وصله محمد لحد الباب و بعد كده قفله وراح لاوضه امه و ابوه خبط لحد ما ابوه أذن له انه يدخل دخل محمد و قال بعصبيه
- انتو ايه انتوا اب و ام انتوا حد يعمل فى ضناه كده
- ابوه قام انتفض و وقف وقاله بغضب فى ايه بتتكلم ازاى معايا انا و امك كده و بعدين كمل بقلق هى حبيبه حصلها حاجه
- انت مواركش غيري انا و حبيبه بس فى نغم
- رجع قعد على السرير و قال ببرود اه مليش دعوه بنغم و بعدين مالها بت الكل..... دى
- نغم عايزه تشتغل بسببكوا
- ابوه هب وقف و قال بعصبيه لى هو انا مت عشان تشتغل والله لوريها
- اتدخلت امه و قالت بسرعه بعد الشر عليك يا اخويا انشالله عدوينك
مسك ابوه الحزام و راح اوضه نغم مالقهاش راح الحمام ملقهاش راح اوضه محمد لقاها نايمه فى سريره
راح محمد وراه و حاول يبعده عن نغم بس معرفش وابوه زقه وقعه على الارض
- راح قرب و قال بشر بقى نايمه و كمان عايزه تشتغلى و الله ما هخلى فيكى حته سليمه و قعد يضرب بيها بالحزام لحد ما فاقت و قعدت تعيط و تصرخ لحد ما محمد قام بسرعه و حاول يحوش ابوه عن نغم بس مش قادر لحد ما لقا نغم اغمى عليها من الضرب لقى ابوه هيكمل ضرب راح قال بصوت عالى
- خلاص بقى كفايه (طبعا ام نغم و اخته كانوا واقفين ادام الباب بيتفرجوا و مبيعملوش حاجه)
راح وقف ضرب فيها و بص لمحمد و بعد كده خرج من الشقه متعصب قرب منى محمد قعد يفوق فيا و قال
- قومى يا نغم ... نغم قومى لحد ما فوقت و قولت  بألم
- اااااه و بعديها بثوانى افتكرت كل حاجه طلعت جرى على الاوضه و قعدت اعيط و محمد عمال يخبط على الباب و يقول
- نغم .... افتحى يا نغم ....... نغم نغم
قعدت اعيط و مردتش لحد ما حسيت بيه انه مشى فتحت باب الاوضه روحت الحمام و اتوضيت و روحت الاوضه و صليت العشا بصعوبه بسبب الضرب و انا عماله اعيط و استنجد بربنا لحد ما خلصت صلاه حسيت انى هديت و قريت الورد و بعد كده نمت
صحيت تانى يوم بدرى قومت اتوضيت و صليت و قعد اقرا الورد و بعد كده دخلت المطبخ فطرت نفسى و بعد كده عملت ليهم الفطار و حطيت الفطار على السفره و بعد كده دخلت الاوضه تانى قعدت افكر فى موضوع الشغل ده لحد م لقيت خبط الباب قطع تفكيرى لقيت محمد اللى بيخبط سمحتله يخش دخل و قرب قعد على سريرى
- لسه على تفكيرك
- اه
- طب انا رايح الجامعه و اطلعى افطرى الاكل ملوش دعوه بالزعل
- فطرت
- بجد
- اه والله ...... انا هدور انهارده على شغل
- طب انا ادور ..... مكملش الجمله بسبب مقاطعتى ليه
- لا يا محمد سبلى انت بس 200 جنيه
- طيب ي حبيبتى و بيطلع من جيبه 200 جنيه و حطها ف ايدى و قالى خالى بالك من نفسك و لو فى مشكله حصلت اتصلى بيا .... و اااه خدى التليفون بتاعك معاكى
- حاضر متقلقش انت بس
- طيب وباسنى من جبينى و خرج راح الجامعه بعد ما مشى قومت اتوضيت و صليت الظهر و قريت الورد و بعد كده روحت للدولاب طلعت فستان كان جايبهولى محمد لونه روز فأبيض طلعته ولبسته و لبست عليه طرحه بيضاء و لبست كوتشى ابيض و شنطه روز صغيره حطيت فيها المسبح و مصحف صغير و منديل والفلوس وتليفونى طلعت من اوضتى لقيت بابا و ماما و اختى بيفطرو راح بابا قال بستهزاء
- اهلا بالى موتت ابوها و هتشتغل عشان تصرف على البيت
- بعد الشر عليك يا بابا و بعدين انا مقولتش كده
- يعنى انتى لسه مصممه على الشغل
- ايوه
بعصبيه - يبقى انتى لا بنتى ولا اعرفك و انا اساسا من ساعه ما اتولدتى و انا مش بحبك و طايقك و بكرهك واتفضلى من غير مطرود و بعد كده متخطيش باب العماره دى تانى فاهمه لأنك لو جيتى هتطلعى على قبرك
بصيت لبابا بصدمه و مش متخيله و لا مصدقه اللى بابا قاله حسيت بنغزه فى قلبى و دموع بدأت تتجمع فى عينى تماسكت و خرجت من باب البيت نزلت روحت اول حاجه البحر قعدت قدامه اعيط بوجع و بشكيله فهمومى و وجعى بعد كده قولت لنفسي بإصرار و عزيمه
- قومى كده يا نغم و خاليكى صامده كده هو اتبرى منك اساسا و مش عايزاكى ضعيفه كده لقيت نفسى بعيط تانى  على همى لحد ما قومت و خرجت من منطقه البحر و طلبت تاكس و روحت قريه مشهور للاغنياء وقفنا الحارس و قال
- جايين لمين
رد سواق التاكس وبصلى  اتدخلت وقولت
- هو حضرتك فى حد هنا طالب شغل لسه هيرد عليا لقيت تزمير عربيه بصيت ورايا لقيت عربيه سودا و كبيره عماله تزمر لقيت الحارس بيقول بغضب
- اركنوا على جنب كده و نشوف موضوع الزفت الشغل بعدين و ...... انتى بتعملى ايه
انا و الحارس عمال يكلم نزلت من التاكس وقربت على العربيه اللى ورايا قولت للى بيسوقها افتح الشباك كان هيزعق
لقيت شخص طويل وضخم نازل من العربيه و بيقرب منى قالى بهدوء
- فى ايه اللى بيحصل
رد الحارس وقال و هو بيشاور عليا
- البت دى بتسئل فى حد من البشوات جوه عايز يشغل حد عنده رديت على بعصبيه وقولتله
- بت اما تبتك انا ليا اسم مش بت و ايه يشغل هو انا بشحت منك و .... مكملتش كلامى بسبب مقاطعه الشخص ده و قالى
- انا عايز مربيه تشتغل لاطفالى تعالى معايا جوه اوريكى الفيلا و شاور للحارس و انت دخل سواق التاكس
الحارس بإحترام
- حاضر يا باشا
- قالى تعالى خشى العربيه معايا انا اصراحه خوفت قالى كلمه طمنتنى
- انا عندى بنات ماتخفيش انتى زى بنتى دخلت العربيه معاه و التاكسى ورانا عشان لو مشيت متعبش و ادور على تاكس
وقفت العربيه قدام فيلا جميله جدا قالى
- وصلنا ونزل وبعد كده انا نزلت
دخلت الفيلا معاه شوفت منظر ضحكنى الصراحه كتمت الضحكه بصعوبه شوفت بنت ملامحها جميله بتجرى بغيارها الداخلى و تقريبا امها مش عارفه بتجرى وراها ماسكه هدومها ف ايد و الايد التانيه فيه شبشب و شوفت بنت تانيه بتجرى مع مامتها ووشها متبهدل بالاكل
لحد ما الشخص اللى جنبى قال بصوت عالى كله يتجمع فى الصاله وينتظرنى و اخدنى من ايدى على مكتبه وقعدنى على الكرسى اللى قدام مكتبه و هو قعد من واراه قالى
- نسيت اعرفك بنفسى انا سالم شهاب الدين صاحب اكبر شركات للاجهزه الكهربيه قولتله
- اتشرفت بمعرفتك يا استاذ سالم
- انتى بقى اسمك ايه
- قالت انا اسمى نغم .... نغم احمد اخدت نفس و كملت كنت عايزه اشتغل
- طب قوليلى عندك كام سنه بقى اصل شكلك صغير
- انا عارفه انى سنى هيكون صغير و هتصدم بس انا عايزه اى شغل انا عندى16 سنه سنى صغير انا عارفه بس ارجوك انا عايزه الشغل ده راح قال
- ...................
~~~~~~~~~~~~~~~~~
و كده البارت التانى بتعنا خلص عايزه تفاعل كبير عايزه لايكات كتيره و تعليقات حلوه عشان اكمل باى 🤗❤💋