"ငါ့အစား blind date သွားတွေ့ပေးစမ်းပါ"
"အဟွတ်........"
သူငယ်ချင်းမရဲ့ ခပ်သွက်သွက်ပြောလိုက်သည့် စကားသံကြောင့် လုဟန် သောက်လက်စကော်ဖီ
ပင်သီးထွက်လို့ အကြောင်သားဖြစ်သွားရသည်။
မယ်မင်းကြီးမ က လက်ဖက်ရည်တဖူးဖူးမှုတ်သောက်လို့ အပြုံးမပျက်ပဲ လုဟန် အမူအရာများကို ကြည့်လေ၏။
"ရူးနေလား ဂန်မီနာ ? နင့်ဘာနင် ဘဲနဲ့စိတ် ကောက်ပြီး blind date စာရင်းသွားပေးတာလေ အခုပြန်အဆင်ပြေမှ ဘာသောက်ချိုးကြီးတုန်း"
"အို.....ကိုကိုစောစောလာပြန်ချော့ရင် ဖြစ်မလားလို့ ။ နင့်အကိုကိုပြောလေ ဘာလို့စောစောပြန်
မချော့လဲ ?"
နှုတ်ခမ်းတလန်ပန်းတလန်ပြောပုံအရ လုဟန် ကပင် ဒီသူငယ်ချင်းမရည်းစား သူ့အကိုကို စောစောပြန်မချော့သည့်အတွက် ပြဿနာရှာပေးရမည့်ပုံပေါက်နေသည်။
သူ့အကို ဒီသူငယ်ချင်းမကို ကြိုက်သည်ဆိုတုန်းက အောင်သွယ်မပေးလိုက်သင့်။ ဒီသူငယ်ချင်းမ
မမူပဲ အတင်းပင် ခေါင်းငြိမ့်လိုက်တုန်းက ဒီအတွဲ date ကြဖို့ သူ မစီစဉ်ပေးခဲ့သင့်။ သောက်ပြဿနာတွေ တက်ကြတိုင်း ဝင်မဖြေရှင်းပေးခဲ့သင့်။ သင်းတို့အချစ်ရေးကြီး သာယာဖြောင့်ဖြူးအောင် မကြံဆပေးခဲ့သင့်။ မဟုတ် ! ဂန်မီနာနှင့် သူငယ်ချင်းမဖြစ်ခဲ့သင့်။ မဟုတ်သေးဘူး.....
သူ့အကိုနဲ့ပါ ညီအစ်ကိုမတော်ခဲ့သင့်ချေ။
Blind date တဲ့ ။ မဖြစ်နိုင် ! လုဟန် ခေါင်းအခါခါယမ်းလို့ ဂန်မီနာ့ကို ငြင်းဆန်ချေသည်။
"နင့်အစားသွားတွေ့ပေးဖို့ မပြောနဲ့။ ငါ့ဟာနဲ့ငါတောင် အဲ့လိုနေရာတွေတခါမှမသွားခဲ့ဖူးဘူး"
"အိုက်ရားး တခါလေးပါပဲ လုဟန် ရာ ။ stop ! ငြင်းလိုက်လို့မပြောနဲ့ ဝမ်နှစ်သိန်းတန် package ယူထားမိလို့ဟ နေရာက Hotel Restaurant မှာ တွေ့ရမဲ့သူကလဲ အလန်းစားပါကွာ"
"အဲ့ဒါဆို နင့်ဘာသာသွားတွေ့ပါလား"
"ဟာ ကိုကို ငါ့ကိုသတ်မှာပေါ့။ ရှောင်လု ရာ
ငါနင့်ကို အရင်းတောင်ပြန်မတောင်းပဲ အလကားတွေ့ခွင့်ပေးနေတာကို"
