အပိုင်း(၈၇)
လင်ရှန်း အနည်းငယ်ရှော့ရသွားခဲ့သည်. လိန်ဖန် သူမအတိတ်အကြောင်းကို ဒီလိုကြီးကောက်မေးလိုက်တာက ပထမဆုံးအကြိမ်ဖြစ်လို့ပါပဲ. ပုံမှန်ဆိုရင် သူက နားထောင်တဲ့သူဖြစ်ပြီးတော့ သူမကသာ မနားတမ်းတရစပ်ပြောတတ်တဲ့သူပင် ဖြစ်ပေသည်။
လင်ရှန်းက သူမမွေးရပ်မြေအကြောင်းကို တွေးဆလိုက်ကာ- " ကျွန်မမွေးရပ်မြေက...အမ်း၊ ကျွန်မရှင့်ကို ပြောပြလို့ရပေမယ့် ရှင်က အဲဒီအကြောင်းကို ယုံမှာမဟုတ်လောက်ဘူး......." သူမက သူမရဲ့ခေါတ်မှာနေတုန်းက ဖြစ်ပျက်ခဲ့တဲ့ အကြောင်းအရာတွေအကုန်လုံးကို စတင်ပြောပြလိုက်ခဲ့သည်. သူမရှင်းပြနေစဉ်တော့ သူမက သူမရဲ့လက်ဟန်ခြေဟန်နဲ့ နှိုင်းယှဉ်မှုတွေအများကြီး ဖြင့် အားရပါးရပြောပြနေခဲ့သည်. သူ နားမလည်မှာကို သူမ တွေးပူနေခဲ့တာပင် ဖြစ်သည်။
" ကျွန်မလုပ်နိုင်တယ်လို့ ရှင်ထင်လားဟင်။ ကျွန်မဒီနေရာမှာနေလာတာလဲ အကြာကြီးရှိနေပြီဆိုတော့ ကျွန်မအတွက်တော့ အဲလိုတစ်နေရာနဲ့တစ်နေရာပြောင်းတယ်ဆိုတာကလေ နည်းနည်းတော့ ကြားဖူးနားဝဘဲရှိခဲ့တာ" လင်ရှန်းက တီးတိုးရေရွတ်လိုက်ခဲ့သည်. သူမထင်တာက လိန်ဖန်က သူမပြောတာကို တကယ်အလေးအနက်မယူဘူးလို့ ထင်နေခဲ့တယ်။
အဲဒီအစား လိန်ဖန်က သူမအားအလွန်အာရုံစူးစိုက်စွာနဲ့ ကြည့်လိုက်ကာ- "မင်းပြောတာသာဆိုရင် ကိုယ်ယုံတယ်"
စကားခြောက်လုံးသာလျှင်ဖြစ်ပေမယ့်လဲ ရင်ထဲတွင်လှိုက်ခနဲဖြစ်သွားတဲ့ နွေးထွေးမှုတစ်ခုကို လင်ရှန်းရုတ်ချည်းခံစားလိုက်ရပါတယ်. အဲဒါက ကိုယ့်ကို ယုံကြည်ခြင်းခံရလို့များ ဖြစ်လာတဲ့ ခံစားချက်ပဲလား? ဒီကမ္ဘာထဲမှာတော့ အရမ်းအဓိပ္ပာယ်မရှိဘူးလို့ ထင်ရတာတောင်မှ သူက သူမကိုယုံကြည်ဖို့ပဲ ရွေးချယ်နေဆဲပင်..... ဒီလိုတွေးလိုက်ပြီးတော့ သူမနှာခေါင်းက စတင်တင်းဆို့လာခဲ့သည်. သူမက သူ့အား ငေးစိုက်ကြည့်လိုက်ကာ သူတို့နှစ်ဦးသား တစ်ယောက်နဲ့တစ်ယောက် အကြည့်ချင်းဆုံဆိုက်လိုက်ကြတယ်. လိန်ဖန်ရဲ့နှုတ်ခမ်းသားတွေက တစ်လက်မချင်းတစ်လက်မချင်း စတင်နီးကပ်လာခဲ့ပါတယ်။
YOU ARE READING
အရှင့်သား ကျွန်တော်မျိုး မှားမှန်းသိပါပြီ [Myanmar translation](Completed)
Historical FictionStory Name- Your Highness, I Know My Wrongs Chapter- 95 Chapters(Completed) Not my story I just translation English to Myanmar Language All rights goes to the original owner Author: Hao Ren Ka English Translator :gchan7127 ---------------------- #PD...