عذوبة وهي ماسكه يد ابوها : واللحين يا غلا عذوبه ماقلت لي وين حنا رايحين له ؟؟؟ : هو انا قلت اني بعلمك وين حنا بنروح يالعذوب ؟ عذوبة : ويرضيك ياخالد تذبح عذوبك بالفضول !؟ خالد : ماهو ذابحك بعيد الشر عنك لو بيذبحك ذبحك من زمان عذوبة : كأني احس بنغزات من ورا كلامك؟! خالد : ابد طال عمرك من متى خالد ينغز عذوبته عذوبة بضحكة : هههه يابعد حي عذوبة وكلها خالد : هههههه ماسميتك عذوبة بلاش ما خذه اسمك من عذوبة لسانك عذوبة : وان مادلعت خالد من ادلع ياعرب الحسن والزين كله مجتمع فيه خالد : هههههه ومع ذلك اكثر ما احب فيك عذوبة لسانك يا أم لسان تابعوا طريقهم وعذوبة تنتظر على احر من الجمر عذوبة : ياحبي لك يالاحيمر غلاك عندي مايبدله لا لكازز ولا دداسن خالد : والله بديت اغار من البهباني عليك كأنك تحبينه اكثر مني؟ عذوبة: خالد في القلب متمركز وان كنت احب الاحيمر يروح فدا له خالد : ايه ايييه تميلحي ماني معلمك ماني بمعلمك عذوبة وهي مبوزة : هو انا قلت علمني؟ خالد : بنيتي واعرفك تعطيني من كلامك الحلو لين يطلع الكلام مني وانا ما ادري عذوبة ببسمة وهي ترفع حواجبها وتنزلها : مواهب مواهب خالد بتذمر : مالعب بعقلي غير هالمواهب! عذوبة : ههههههههه وكملو الطريق بين ضحك ومزح وسوالف وشيلات لين بدأو يدخلون لشوارع كلها قصور أفراح وشيليهات لفت على خالد : يبه ما انت بقايل لي ليه دخلنا في ذي الشوارع؟؟ والاغرب انك قايل لي اتكشخ واتزين وسكتت شوي ثم قالت بشهقة: ياربي لاتكون موديني عرسك !! انت كشختك اليوم كشخة عريس ! ماخذني لعرسك بدون لاتعلمني !! لا لا ماهقيتها منك ياخالد ماتوقعتها منك ابداً وكتفت يدينها خالد : ستووووووووووب Stop نوقف شوي عشان نعرف السالفة عذوبة بنت خالد ويمديكم تقولون ان وصف ام ابوها يناسبها بالمرة ماجابها خالد وزوجته الا بعد سنين طويلة من زواجهم حيث انهم رزقو بأول عيالهم في السنة الثانيه من الزواج وبعدها ظلوا 9 سنين ماكتب الله لزوجته بالحمل لين حملت بالتوأم عذوبة وتوأمها وبعد ماصارت عذوبة في ال11 من عمرها توفت امها وفي ذي الفترة وقفت مع توأمها وأبوها واعتنت فيهم وبما ان امها معلمتها اساسيات الطبخ كانت اللي تطبخ لهم وتنتبه لهم رغم عمرها الصغير وخاصة ابوها كانت تموت في الارض اللي يمشي عليها مثل كل بنت مع ابوها وخالد ماهو اقل منها كان يحبها ويدلعها وحاطها في عيونه اللي ماتغلى على عذوبته يحبها من حبه لأمها فهو كان يعشق امها بالحيل ولولا هالحب كان تزوج في الفترة اللي ماحملت فيها زوجته ورضخ للي حوله وهم نفسهم اللي بغو يزوجونه لما توفت زوجته بس كان رده : مادامت عذوبي معي ماعليكم مني انا في احسن حال وبهذا استمر معهم الوضع وهذي هي عذوبة في ال 18 من عمرها بنت ولا كل البنات جمال وذرابه وعطوفة لأخر درجة وأجمعو هالصفات كلها وزيدوا عليها الذكاء والرزانة والمرح يساوي لكم عذوبة . اما خالد هذا ياعرب اب حنووون مرة وخاصة على عذوبة ومع حنانه الا انه مربيهم صح ماله الا ولدين وبنت اللي هي عذوبة بعد ماتحدى الكل عشان زواجه من سلمى عشقه وعلى قولته حبيتها حب لاقبله ولابعده حب خالد في ال55 من عمره شعره اسود مزينه الخصل الفضيه معطيته هيبة وعيونه الكحيلة الحادة ولحيته اللي نفس شعره سودا مزينه بخصل فضيه وخشمه اللي سلة سيف يعطي انطباع للي يشوفه بأنه حاد الطباع وشديد وهذا هو الصدق لايغركم اني وصفته بالحنون هو حنون بس مع اهله واللي يضر عياله ولايجيب سيرة سلمى بالشينة يقلب خالد عليه بقسوة وقوة تبان في عيونه لدرجه ترتجف اوصال اللي قدامه مستواهم المعيشي اعلى من المتوسط بشوي يعني يمديك تقول يعيشون بعض الاوقات بحبوحة العيش *اقتباس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
__________________ السؤال هنا هووو..... هل خالد بيجلس متمسك بكلامه ؟؟ عذوبة وش موقفها اتجاه أخوانها ؟؟؟؟ تتوقعون اطباع عذوبة كيف؟ وخالد وش تتوقعون منه؟
