لفت على خالد : يبه ما انت بقايل لي ليه دخلنا في ذي الشوارع؟؟ والاغرب انك قايل لي اتكشخ واتزين وسكتت شوي ثم قالت بشهقة: ياربي لاتكون موديني عرسك !! انت كشختك اليوم كشخة عريس ! ماخذني لعرسك بدون لاتعلمني !! لا لا ماهقيتها منك ياخالد ماتوقعتها منك ابداً وكتفت يدينها خالد ببسمة : مافيه مبروك للعريس ؟! ولا !! عذوبة بصدمة : يعني من جدك عرسك ؟؟ خالد : ليه وش مخليك ماتصدقين ؟؟ توني شباب يا أبوك عذوبة : كلللللللووووش (زغرطة) الف الصلاة والسلام عليك ياحبيب الله محمد الف الف مبروك ياغلاي مابغيت تتزوج قلي قلي من هي اللي داعية لها امها بليلة القدر و كسبت خالد شيخ الرجال خالد وهو يشوف ردة فعلها: ماتوقعت هالرد صراحة ! عذوبة : وش توقعت اجل؟ وسكتت شوي ثم قالت : تصدق اخطأت بردة الفعل بغيرها احم احم : وليه ماقلت لعذوبك عن زواجك ؟؟؟ ترضاها تحضر العذوب لعرس الشيخ خالد بذي الثياب ؟؟؟ حتى مالبست افخم طقوم الذهب ! اكتفيت بشي ناعم على بالي بنروح لجمعة بسيطة لا لا لا ذي قويه بحق عذوبك خالد : صبرك يالعذوب وتشوفينها في القاعة مابقى شي عليها بعدين انا عامد انك ماتتكشخين بقوة بسم الله عليك بدون لاتحطين في وجهك زي هذولا البنات طالعه قمر وش عاد لاحطيتي وكشختي من قلب والله اللي بتروحين مني بيجون الخطاب كل شوي للباب عشانك عذوبة : وهي عذوبة تقدر؟؟ تقدر تخلي خالد مافيه بالاساس من يقدر يجاري غلاي لا بالزين ولا بالغلا ولا كم ولد حسب ونسب قد خطبني بس مالي الا خالد اكيف عليه واستكين سكت خالد وهو يفكر : ياليتني يالعذوب اضمن عمري واني بظل معك او ان جسمي بيجلس بقوته ويبقى لك سند او اني اقدر اضمن الدنيا ماتاخذك مثل ما اخذت غيرك بين حزن وهم وغم الله عليك يا يبه كيف قدرت تربي اخواني وخواتي! انا ثلاثة وشايل همهم وقلقان عليهم وانت يايبه ظليت القوي اللي ما أنكسر عوده ياليتك بس ماكنت قوي لدرجة القساوة يايبه وقفوا عند قصر افراح ولا في الاحلام عذوبة بتسلية : ول ول كل ذا الزين عشان عرسك ما احلا من القصر الا العريس خالد بضحكة: الله يخزي شيطانك ما اطول لسانك دقايق بس بعطي عبد العزيز خبر اني جيت ولف وبعد شوي وبدا يكلم عبد العزيز وبصوت ماتسمعه عذوبه : السلام عليكم والرحمة ، ايه ايه هذا انا وعذوبة برا وبندخل الله الله مثل ما اتفقنا واعطي الحريم خبر ، بشرت بالجنة ورجع لعذوبة ولقاها تنتظره وهي متخصره : لا كذا زعلتني معلم عزيزان بزواجك ولا علمتني ! وهو الخاين هانت عليه توأمه خالد وهو يضحك : افا تزعلين علي بيوم عرسي! عذوبه : لا لا حاشا الله من قال اني زعلت اصلاً! بعدين وين بشتك !؟ مافيه عريس بدون بشت يالغالي لاتقول لي انك نسيته! خالد : لا لا ياعذوبة مانسيته هذاهو مسفط في السياره عذوبة : دقيقة لاهنت وراحت طيران للسيارة وجابت البشت ولبسته وطلعت عطرها اللي كل من يعرفها يميز وجودها به وبدت تعطره: الله يهديك يا يبه كان ودي اطيبك بالمسك والعنبر وابخرك بالعود الازرق
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صراحة عن تجربة اللي يبي ريحة كلها فخامة وبساطه ويبغى اذا مشى كل الناس تدري انه مر من هنا لايفوت هالعطر *نرجع للروايه😂 خالد بحنان : قولي امين عذوبة : امين خالد : ان ربي مايحرمني منك ياعذوب ابوك عذوبة وهي تضمه : ولا منك يالغالي ،ومسكت يده : يالله يامعيريس ماودك تدخل ؟؟ خالد : الا بندخل توكلنا على الله دخلت هي وابوها وأشر خالد على غرفة بجانب المدخل وقال : هذي ياعذوبة مجهزها لك ادخلي وتدللي مثل ماودك واغتري وانا ابوك دخلت عذوبة من هنا وراح خالد من هنا دخلت الغرفة وشهقت من اللي تشوفه كان في الغرفة ...
