حب المكابر دايم حظه غابر

‏جعله يسقّى يوم ليالينا فرح وسّرور.

وصلنا ⬇️
دخلت
عذوبة من هنا وراح خالد من هنا
دخلت الغرفة وشهقت من اللي تشوفه كان في الغرفة ...

دخلت الغرفة وشهقت من اللي تشوفه كان في الغرفة فستان احمر وصفه فوق الخيال ضيق من فوق ثم يتسع من عند خصرها المحيف وكتوفه نازله
حركت عيونها شوي لقت طاوله وقدامها مراية وعلى الطاولة ميك أب وعلبه سودا كبيره
مشت بخطوات سريعه من الفرحة ومسكت العلبة وفتحتها لقت طقم ذهب على بساطته الا انه فخم ذوقها بالتمام تمتمت بدهشة وفرح :الله يخليك لي ياذخري هذا وانت العريس مفروض الهديه لك
شكثر اقدارك يارب تفاجئنا من توقع ان ابوي وبعد الرفض والعناد اللي قضا السنين اللي راحت فيه ان اليوم عرسه
ورفعت راسها لفوق وقالت بصوت يغلبه الحزن : وجاء يايمه اليوم اللي بتتطمنين فيه على ابوي يالله يجعل مثواك جنات النعيم
وهزت راسها ومع راسها اهتز شعرها اللاسود الطويييل حولها : اليوم يوم فرح فرح وبس
بدت تتزين وتعدل في زينتها ولبست ثوبها الاحمر ومسكت طقم الذهب وبدت تلبسه حلق خاتم قلادة وبالاخير الخلخال اللي كأنه ما انصنع الا لرجول العذوب
وأخذت عطرها وبدت ترش من عطرها وتوزعه على اماكن النبض
شافت نفسها بالمراية وقالت : جتكم عذوبة زينة البنات جتكم بنت خالد وحسنكم بات وارسلت لإنعكاسها بوسة عالسريع وعدلت شعرها وطلعت تلفت مالقت الا باب واحد دخلت منه استغربت الدنيا ظلام ؟!
فجأة اشتغلت انوار بيضاء على طريق مستقيم من الجانبين وأنوار خفيفة على كل القاعة وبانت أجسام الناس على كل الطرفين اللي جنب الانوار وصدح في أرجاء القاعة :

مبروك لك يا نبض قلبي والاحسـاس يا ملهـمـة شـاعـر هــداك القـصـيـده
حـقٍ لِبـوك الـيـوم يـرفـع بــك الــراس ويضحك حجـاجـه بابتسـامـه فـريـده
حلمـه تحقـق واصبـح الحلـم نـبـراس يجيني حصيده مـا غَـرَسْ طيْـب بِيْـده
لبّسْـك مـن طيبـه وم الحكـمـه ألـمـاس عقد عـلـيـه تْــبــات عـيـنــه سـهـيــده
العِلْـم يـا بنـت العَـرَبْ يـطـرد الـيـاس ومن جَـدّ مثلِـكْ صـار عالـي رصيـده
هذا الوطـن مِعْطَـاءْ مـن دون مقيـاس الشيـوخ أهـل العـقـول الرشـيـده
فـي حبهـم يـا بنـت نشـعـر بنـوم ماسهم نـورنـا فــي المظلـمـات الشـديـده
لْهـم نسـوم الـروح مـن شِـدّة الـبـاس فدوى لهـم فــي وجــه أهــل المكـيـده
والـيـوم يـومِـكْ مِـيْـدي بـعـود مَـيــاسْ وابدي مَــعَ الأيّــام صفـحـه جـديـده
عيشي سنين العمر في زحمة الناس مرفوعة الـهـامــه بــــروحٍ سـعـيــده
مبروك لِكْ مليـار مـن نبـض الانفـاس وعسى مقـامـك بالـصـروح المجـيـده
​مسكت فمها بتعجب ودهشة وقالت بهمس : ياربي
لقت ابوها جاي لجهتها والبسمة شاقة حلقه قرب منها ولبسها قبعة التخرج ضمها له بحنان وقال بفخر : مبروك ياطير سعد ابوك عقبال ما أضمك في تخرج الجامعة
بادلته الحضن وهي تضحك بغير تصديق : الله يبارك فيك ولايحرمني منك يافرحة عذوبة
خالد : ولا منك
بعدت عنه وبدت تمشي في الزفة وابوها معها رفعت راسها له وهي تبتسم ابتسامه ماكرة : وين العروس يامعيريس
ضحك خالد بملئ مافيه : وش اسويبك !؟ انتي اللي زوجتيني وانا ماتزوجت😂 ولا كان ودي اخرب المفاجأة فخليتك على ماتبين
عذوبة : وانا اللي كنت متحمسة واقول ايش اللي غير رايك طلع السالفة كلها مالها اساس
خالد : مابقى يا ابوك اكثر من ما مضى وانا قلبي ملكه حب سلمى اللي ماعرفت لا قبله ولابعده حب
سكتت عذوبة وهي تدري بالعشق اللي يكنه ابوها لأمها حتى وهي تحت التراب ما فكر في غيرها قاطع افكارها اللي ضمها وقال : الف الف مبروك يانصفي الثاني وأعطاها علبة صغيرة وقال : بعد الحفل تعرفين وغمز لها
ضحكت بفرح وقالت : تدري اني متحمسه للهديه انت دايم تعرف اللي ابيه وبالأساس وجودك لحاله اكبر هديه
تلفتت حولها وذبلت ملامح الفرح وهمست بخيبة : ناصر وين؟
عبد العزيز : كان هنا ينتظرك بس جاه ظرف مستعجل واضطر يطلع وبيرجع ان شاء الله
عذوبة بسخريه : انا وانت كلنا نعرف الظرف بس حسبي الله على كل خبيث
عبد العزيز : فكرت فيها انا بعد بس ماعليك منها اليوم يومك استانسي جلس ابوها وعبد العزيز معها شوي ورقصو معها وبعدها طلعو عشان يفتشون صديقاتها والاستاذات والجيران ما خلا ابوها احد الا عزمه جاها اليوم كمية هدايا ماهي قليلة
جتها ورد وهي تقول : الف مبروك التخرج ياعذوبة
عذوبة : يبارك فيك وين سجى وضحى ما اشوفهم؟
ورد : تدرين باخوهم جني ماقدرو يجون والله ودي انهم معنا يالله ان الله يحنن قلب طلال عليهم فيه شدادة ماهي طبيعيه ماعليك منه الغثة
الا وش ذا الحفل اللي لاصار ولا استوى ولا اقول وش ذا الزين نلقاها من الوجه ولا من الشعر ولا الفستان ولا الكلام قمر قمر
عذوبة : انتي شوفي نفسك بالاول تهبلين بسم الله عليك بس السبب اللي مخليك تتزينين معرووف ياعروس
ورد بخجل : على ذا الطاري قربي بعطيك خبر
قربت عذوبه : هذا انا قربت بسرعه بسرعه تحمست
قربت ورد  منها وهمست: .......
شهقت عذوبه بدهشة : احلفيييي
هزت ورد راسها وقالت : والله
شقت البسمه وجهها وضمتها سريع وهي تقول : الف الف الف مبروك احلى خبر والله الله يتمم عليك ياحبيبتي تستاهلين كل خير
ورد : تسلمين ياعذوبة ما تصدقين شقد انا فرحانه
عذوبه : بشريني بالله في اي شهر؟
ورد بفرح : الثالث
عذوبه : ماشاء الله حملتي به بدايه زواجك الله يتممه لك يارب ويسهل عليك وابد بنت خالد في يمينك ماهي تاركتك الله يعينك
ورد : ههههههه مالي الا انتي اصلا 😂
فجأة دخلت عليهم شابة في بدايات العشرين واضح عليها العجرفة والخبث قربت من عذوبه وسلمت عليها بأطراف اصابعها اللي يشوفها يقول متقرفة وقالت بنبرة يشوبها بعض الحسد : مبروك ياعذروبة اسفة زليت ياعذوبة وأخوك ناصر ينتظرك في الغرفة اللي عاليمين
ماعطتها عذوبه بال ولفت على ورد وهي تقول عن اذنك ياورد البنات دقايق وارجع لك بروح لنصوري
وراحت وتركت نجد تغلي وتحرق نفسها
شافتها ورد وعطتها ضحكة استهزاء وراحت هي الثانيه
عذوبه : وييييع ياربي ما انزقها لا وتقول زليييت اننن ياربي من هالنجد مدري ليه تعاملني كذا على اني ماقد سويت لها شي
قالت الغرفة اللي عاليسار صح ؟ او اليمين!؟ اتوقع انها اليسار ودخلت الغرفة واستغربت المجلس باااااارد بس لمحت بياض ثوب المنسدح عالكنب والغترة على راسه قربت منه وهزت كتفه برقه وهمست : ناصر نصوري ورفعت الغتره عن وجهه وهي تقول : اوووه نويصر ماتر..د صارت تتأتئ لما شافت الوجه ماهو وجه اخوها هنا جتها ام الركب واللي يزيد الطين بله ان الرجال كان فاتح عيونه السود الوساع وهي فوقه فجأة تحركت يدها اللي بها الغتره وهي تقول يممه وضغطت الغتره على عيونه وهي تقول : بالله عليك غمض عيونك  لاتفتحها والله بالغلط والله وراحت ركض لبرى الغرفة مالمحت للعيون اللي تراقبها من يوم دخلت الغرفة وشافت كل شي بنظرات كلها خبث
عند عذوبة وهي تعاتب نفسها : اللحين ليه راسك فاضي ؟؟ علميني وش نفعه اذا ماعرف يمين من يسار هي قالت يمين خلاص روح يمين ليييييه تروح يسار ؟؟ لييه؟؟! ياربي والله الموقف موحلو ابد لا واضح ان الرجال منخرش وخاصة يوم شلت الشماغ عن وجهه كان يشوفني بعيون وساع ومنصدمه بس عيونه فخمة بقوه يوووه ولك وجه تتغزلين بعد ودخلت عند اخوها و .....
اما عند اللي للحين وهو ماسك الشماغ بيده ويشوف مكانها بذهول وعدم تصديق وإعجاب : هو اللي شفته حلم ولا علم ياعرب؟
لا وتناديني نويصر ياحظك فيها يانويصر بس هي من ؟؟
هز راسه كأنه ينفض افكاره اعوذ بالله ماهي بمحرم لك طلعها من تفكيرك
..............................................................................
يتبع🔚