حب المكابر دايم حظه غابر

أحس ان الصبر مني تعب🕊

بعيد عن اجواء الفرح والاحتفالات كل البعد في جو كله خوف وتوتر وانتظار
بنتين يظمون بعض ويبكون بخوف
الاولى : ياخزاري ابوي بيذبحها والله بيذبحها
خزاري : لاحول ولا قوة الا بالله لا حول ولا قوة الا بالله ابوي وطبع اللي كل ماله يزيد مايقل
البنت الاولى : ياخزاري اسمعي صياحها ماوقف من يوم خذاها المجلس وانا اسمع صياحها وترجياتها
خزاري : يالله يكون بعونها ويهدي ابوي
البنت الاولى ببكاء: هو ليه معتبرنا حنا البنات عاره ؟ وش سوينا له ؟ بدل لايكون سندنا ويعزنا كسرنا وذلنا كل هذا عشان حنا بنات!؟
خزاري : ابوك يا رجاوي مخه موقف في عصر الجاهليه ولا ماكان هذا تفكيره روحي نادي أشهب على الاقل هو اللي بيلتفت للجازي
سراج نسخة ابوك وغادي ماهو فيه ولا الام الام اللي ياحسرتي ممسوحة شخصيتها بالبلاط لا قال ابوي شي : امر وسم انت الصح اللي مايخطي
راحت رجاوي بسرعه ودموعها ماوقفت لأشهب اللي كان يحاول يصلح المصباح ( اللمبه) : أشهب بالله عليك ابوي بيذبح الجازي له ساعه من دخلها المجلس وللحين نسمع صياحها تكفى شف لنا حل
أشهب وهو ينزل من السلم : وهو يقول انا لله وش هي مسويه بعد ؟
رجاوي : التيس اللي قالها ابوي اربطيه انفك رباطه وهرب وابوي عصب وغضب ومسكها من شعرها عالمجلس
أشهب وهو يسرع خطواته : الله يهديه
وعلى وصول أشهب انفتح المجلس أبو سراج بصوت مليان غل : تعال يا أشهب شيل هالمجدورة من عيني لا أذبحها وبستهزاء ان كان ما ماتت للحين دخل اشهب بسرعه للمجلس بعد ما عطى ابوه نظرة خيبة امل وقهر ودخل وهو يقول في نفسه ياليته مادخل شاف اخته الجازي الحنون اللي كانت من الصغر تدافع عنهم مستلقيه بين دمها وقميصها الخفيف اللي كانت تلبسه التصق بجسمها من الدم وشعرها لا صق في وجهها من الدم اللي طاله تنفس نفس ثقيل على قلبه وشالها وبسرعه دخلها لجوى البيت وهو ينادي خزاري الحقيني
دخل لغرفة البنات او نقدر نقول ملحق البيت القديم ومنه للحمام  وهو يقول : خزاري فكي ملابسها وسبحيها (روشيها) (حمميها) من الدم اللي عليها ورجاوي بتجيب لك الاغراض تعالجونها ثم لبسيها ملابسها وناديني اشيلها
وطلع وقال لرجاوي اللي قاله لخزاري
تستغربون ليه ماودوها المستشفى؟ الجواب ببساطة انهم تعودو كيف يعالجون بعض من جروح ابوهم
وراح لقى امه جالسه عالدكة وتبكي تبكي صد عنها وهو يتكلم مع نفسه بستهزاء: تبكين !؟ وش فاد بناتك من البكاء ولا وش فادنا حنا ياعيالك ضعيفة ودوم بتظلين ضعيفه ودي انك مو موجوده ولا يكون هذا وجودك اقلها يقولون  لو امي عايشه ماعشنا هالعيشه
وجلس في الصاله وهو سرحان لين جاه سراج وهو يقول : وش ذا الهدوء اللي في البيت ؟ وين امي و الصعاليك الثلاث ؟
اشهب:  امي عالدكة تبكبك على خواتك
سراج بلا مبالاة : ليه اي وحده انضربت ؟
أشهب بتنهيدة : الجازي
سراج بفضول : وش هي مسويه بعد
أشهب بإنفلات اعصاب : ياخي وش ذا البرود تراهم خواتك اللي نتكلم عنهم ماهم عدوينك
سراج بستهزاء : ادري انهم خواتي مثل ما ابوي يدري انهم بناته
أشهب : اعوذ بالله الله لايبلانا
سراج بستهزاء : قد بلاك وخلص ماقلت لي اختي الحبيبة الجازي وش سوت عشان تنال هالضرب كله
أشهب بتنهيدة : عشان التيس انحاش
سراج : اييه ابوي كلش ولا الفلوس وهي خلت التيس اللي كان بيبيعه ينحاش
أشهب : الشكوى لله ما اشين لاصار الرجال بخيل وفوقها قاسي
عند رجواي وخزاري
خزاري : يا ان ابوي متأثم فيها وش هالجروح اللي مخلفها ضربه
لكان التيس من ذهب
رجاوي : ياقلبي عليك يا اختي متى ابوي بيحس بغلطه
طبعاً كلهم قد جربو اللي جاء في الجازي والحدة والسبب تختلف
خزاري : جعل الضواري تاكلك ياذا التيس كله من ورا راسك
بس اللي ما دروا عنه ان التيس ما فك نفسه فيه من فكه وهو ناوي له على نيه
............................................................................
يتبع🔚