عشك الشيخ جاسر(مكتمله)

بارت 18

ولا تكسروهن فأن المرأه💔💔
عند كسرها يستحيل
أصلاحها كونوا لهن امان 💘
حنيه ملجئ👧😢

نبدي البارت بملاك اليوم

ملاك بيوم اللي جاسر جاب رنا للبيت جنه كلنه ملتمين بالصاله فجأه طب جاسر ووياه مريه مبوشه كام جدي وسأل جاسر
الجد.جاسر منو هاي المره
من جاوب جاسر كلنه نصدمنه بوكتهه اتمنيت شذر يكون عدهه خفر اليوم او تتاخر بالمشفى حته نحل هالموضوع بوكتهه
جاسر.هاي مرتي رنا رفعي البوشيه خ يشوفونج
رفعت البوشيه نصدمت هاي خطيبته القديمه محد يعرف ليش فصخوا الخطوبه وكتهه وليش هسه يله رجعهه بعد ما زوج شذر وبنه حياه جديده ليش راح يهدم حياته هواي افكار اجت ع عقلي فكرت بوكتهه اني وليث راح تستمر علاقتنه لو لا فكرت بشذر شراح يكون حالهه واني اذكر من كعدنه قبل يومين بالحديقه وسألتهن كلهن كل وحده شكد تحب رجلهه جان جواب شذر
شذر.امممم اني احبه لجاسر بكد مياه البحار والأنهار بكد عدد النجوم اللي ب السما بكد الجبال والهضاب احبه اكثر من روحي احسه النور اللي يرشدني لطريقي احبه اكثر من كلشي اعتبره حبيب وصديق واخو وا اب ثاني بعد باباتي اعتبره كل شي بهالوجود اذا هو كان مموجود بحياتي اني مموجوده ايضا
ملاك.هله يابه كون جويسر هنا ويسمع شكد تحبينه ههههه زين اذا اجه يوم وكان لازم تفترقون شلون
شذر.لو اجتمعت قوئ العالم كلها لن تفرقني عنه
ملاك .هلا والله بأم صكر
فزيت من صفنتي واني اذكر حجي شذر عله صوتهه وهيه تعيط بجاسر ليش هيجي سوه جنه كلنه نبجي عله حالهه اني وامي واخواتي كبار وصغار جدتي حته ساره نقهرت عليهه وقتهه وبجت اباوع عمامي دمعه بطرف عينهم يردون يبجون فجأه واكبر صدمه صارت  لمن عرفنه شذر حامل فكرت بوكتهه جاسر راح يطلك رنا ويرجع لشذر وابنه الل ما نولد الهسه بس صدمه ثانيه من تبره جاسر من ابنه وتهم روحه انوا هوه عقيم هذه الشي ما ممكن يصير لين ما كو اي واحد بعشيرتنه كلهه عقيم وما يخلف عرفت هاي جذبه من جاسر حته يضل وي رنا بس لو اعرف شمسويتله رنا حته لو ساحرته مو هيجي بعد ماخلص هاليوم طبعا شذر واهلهه كلهم راحوا لفندق كالوا ما نضل هنا وباجر نلتقي بالمحكمه باليل جنت بغرفتي طب جاسر علي مثل الاعصار غرفتي بالطابق الثاني وهناك بس غرفنه احنه البنات جان يكول جاسر
جاسر.شوفي لج باجر اذا حجه ليث وكال انوا ياخذج وياه بحجه انتي مرته ما اعرف شلون ترفضين ترحين وياه وراح تكولين انتي قبلتي تزوجينه بس حته ما تخرب علاقتنه اني وشذر فاهمه
ملاك.لو تموت مو خربت حياتك وي رنا تريد اخرب حياتي مثلك فاهم لو تموووت
بوقتهه اول مره ارفع صوتي عله جاسر واعيط بي فاجئني لمن ضربني عله كل جسمي ما ضربني بوجهي كال
جاسر.ما اضربج هسه عله وجهج فاهمه ضربتج بس عله جسمج حته مايبين مغصوبه تطلكين بس بعدين اوريج جاسر منو جن شذر ووجودهه يمجن نستجن جاسر منو ياحقيره واذا ميته عالزواج ازوجج واحد من الحراس ال بلباب يدورون عله نسوان يزوجون ماكو اطيج الواحد منهم عود تفل علي وطلع
بجيت وصرخت لطمت عله حبي الضاع حبيت ليث من كلبي اني بس فكره انوا راح اعوفه موتتني لعد الله يساعد شذر شون شافت زوجهه وابو ابنهه وهو ايد بأيد ويه مره ثانيه الليل كله ابجي للفجر ما نايمه توضيت وفرشت سجادتي وكعدت ابجي من كل كلبي دعيت بيومهه الله مايرزق جاسر بفرح ابد وتطلع حوبه شذر بي ومثل ما تبره من ابنه بيومهه الله ما يخليه يحس بطعم الطفل وفرحته بيهم بجيت بكلب محروك وادعي حسيت روحي ما عندي سند بهالحياه بس كلت ما راح اوافق عله حجي جاسر وراح اؤوح وي ليث لو فتح الموضوع من صدك ل9 اني بس اقره قرأن واصلي وادعي الله يبرد نار كلب شذر واذكر كل كلمه هيه تحجيهه وشلون تعبر عن حبهه للجاسر الحقير المايستاهل اي ذره حب من شذر
رحت غسلت وجهي اول ما فتحت الباب طلع بوجهي جاسر وكال
جاسر.لا عبالج تقبلين ترحين وي ليث وتكولين جاسر كل شي مايسوي فاهمه يمكن اموتج واموته وراج والله قسما عضما اذا مارفضتي ادبر واحد اخلي يكتله لو اخرب شغله واصفيهم عالحديده فاهمه لو لا
ملاك.من وين تعرف الله انته ياحقير ياهمجي انته انسان مريض نفسي روح اتعالج احسن لك وراح اعوف ليث مو خوف من حضرتك فاهم لاراح اعوفه حته ما يتأذه وادعي عليك بكلب محروك انشاءالله ما تشوف طعم الراحه بحياتك ولا تشم ريحه الطفل مثل ما تبريت من ابنك يصير شي وياك يقهرك ولا تشوف الطفل
اتقدم وضربني راجدي خله وجهي نار احس اذني صوفرت ويطلع منهه نار
عافني وطلع نزلت لكيت شذر والكل هنا لكيتهه قويه وتباوع باستصغار لجاسر لكاعد كدامهه راحوا اطلكوا اجوا اخذت شذر كل غراضهه فتح ليث الموضوع وحجيت مثل ما كالي جاسر حسيت بالصدم8 البكلبه والنار التحرك بيه راح يضل يفكر هوه ليش عفته اني ماراح تبرد نار كلبه ولا نار كلبي كله من جاسر خرب حياه 3 اشخاص علمود نفسه وحرم جدي وجديتي من ابنهمم الي 29 سنه ماشايفنه جنت كاتبه الشذر والليث رساله كل واحد وحده انطيتهن النيران تطيهن الهم ووصيتهه تطيهن الهم من جيب شذر طفلهه النامعروف اذا جان ولد او بنيه
من راحوا كمت ابجي واعيط ملخت روحي خسرت هواي خسرت اول حب بحياتي خسرت انسان جان يخاف عليه من الهوه يغار عليه نن هدومي الابستهه جان يعشقني ومهووس بيه مو بس يحبني جان يحجي جدي
الجد.ليش هالبجي هااا مو انتي رفضتي تروحين وياه
ملاك.جدي والله جاسر هددني يكتله اذاا ضليت وياه جدي جاسر خرب حياه هواي اشخاص خرب حياه اخته وابن عمه وزوجته الي هيه ام طفله وبت عمه بنفس الوكت جدي والله هددني يخرب كل شغل ليث وعمو وكال اكعدهم عالحديده جدو ما ريده يضل بحياتنه حرمني من ليث الجان يخاف علي من الهوه وحته يكلي ازوجج للحارس البل باب يردون مره جدي حرمك من ابنك ال ماشبعت منه كله علمود وحده حقيره لعبت بعقله اهىى اهى
الجد.يابعد جدج يابويه لا تنقهرين راح اخذلج حقج مت جاسر غلط هوه وغلطه جبيره هم راح يجي يوم ويطيحن دمع عينه من وره غلطه

ملاك.بعد هاليوم كبرت هواي وصرت انسانه قويه مو ذيج ملاك المخبله البس تضحك لا صرت انسانه هادئه قويه من بره بس هشه وضعيفه من جوه كملت دراستي وصلت سادس علمي وطلعت معدل 97 .33 دخلت كليه طب ردت شي يذكرني بشذر
جاسر بهاي ال3 سنين مشاكله هوه ورنا كل مالهه تزيد نص الليل يله يرجع شكله تعبان هزيل الهسه اذكر بيوم اعترف انو هوه مو عقيم بس كال هيج لين ما يصدك اطفل الحامل بيه شذر ابنه رجعت ذاكرتي ل يوم اعترافه

جنت كاعده اقره لامتحانات نصف السنه مال رابع علمي من اجه فرحان وكال
جاسر.باركولي راح اصير اب
ام جاسر.من سنه وانته اب شنو الختلف ها
حاسر.لا مو ابو هالنغ*ل مو ابني هوه لا تلحين رنا حامل
الجد.ههههه خانتك مرتك روح طم روحك بالتراب رنا العار خانتك
جاسر بغضب .ما خانتني رنا ما خانتني
الجد.لعد شلون حامل مو عقيم انته
جاسر. مو عقيم مو عقيم اني  بس شذر خانتني لين تربت عله تربيه الخارج خانتني هيه رنا اشرف من الشرف
الجده.اي بالمبارك انشاءالله تطلع حوبه الطفل لتبريت منه وماشفته صار سنه الله لا ينطيك ولا يوفقك ياجاسر

ملاك.جاسر ضاج واخذ رنا وراح لجناحه تغير كلشي ببيتنه بوكتهه محد يحجي وي جاسر واليحاجيه يغثه بكلمه يله نرتاح صرنه غير ناس هوه بمكان واحنه بمكان ولا تخيلت بيوم راح يصير هيج بوكتهه ساره امتحنت خارجي ثالث متوسط  لين هيه نجحت من سادس وبطلت وهسه هيه اول سنه جامعه علوم فيزياء جدي قبل نرجع ندرس حته المزوجات كال الهن درسن اذا تردن محد سندجن لا اخو ولا ابو ولا رجال سندجن شهادتجن لا يجي يوم واتندم وكتهه جدي قبل نرجع ندرس ساره حبابه ويانه صارت وعادي صارت مثل اخت النه اسرارنه نتشاركهه
وره شهرين من حمل رنا طرحت الطفل وحبلت وراه 3 مرات وطرحت وهسه حامل ومهدد بالاسقاط رب العالمين ما خله جاسر يشم ريحه الطفل بوكتهه كل يوم للفجر يله انام ابجي عله مصلايتي واقره قرأنوما صار تواصل بيناتنه وبين بيت عمي غير وي جدي وجديتي وعمامي ومن نسئلهم محد يجاوب غير زينين بخير مرت السنين وتخرجت من جامعه طب وصرت دكتوره من خلال واسطه جدي كام ما يطوني خفر صار 9 سنين عله اخر يوم شفت ليث بيهه والهسه اذكر اخر يوم جنه البارحه الحب صعب بشكل واتمنى محد ينجرح بالحب لين حيحس وقتهه انوا الموت اهون له

ما حچينه ، بس بچينه
وبقت بس ترجف أدينه
ما نسينه !
بــس تجاهلنه ورضينه

1328 اتمنى تدوسون نجمه