عشك الشيخ جاسر(مكتمله)

بارت33

ملاك.اتصل بيه علاء وانطاني تعليمات اساويهن كاله عليهن السيد منهن اشعل قرآن بغرفه جاسر ونحرك كل الملابس مال جاسر والفرشات والجراجف وندور الجربايه والكنتور والحمامات خاف بيهن السحر جاي ندور بس محد يدري غير اني وامي وخاله ام علاء اللي هيه مرت بابا مرات ناديهه خاله ومرات يمه وملك وعلا كعدنه ندور كلنه جان تصيح ملك
ملك.ولج يمه تعاي شوفي اسم الله دخيل الرحمن شنو هاي
رحنه نشوف لكيناه
لعابه ومزرفه وبيهه دم يابس مبين صاله هواي وشعر ملفوف بألعابه واكو كلمات ممفهومات واحرف كالت عنهن بيبي ذني طلاسم يسونهن السحارات لأنوا مره لكوا هماتين سحر بغرفه اختهه لبيبي حان يكطعن قسمتهه وبعمر ال30 يلا عرفوا وراهه تزوجت اول مفتح العمل بشهرين تزوجت
واكو ذيل مال ابو بريص لعبت نفسي من اللي شفته والريحه تكتل ليكول جيفه ضلن ماما وبيبي وخاله ام علاء يقرن سور وادعيه اخذناهن ولفيناه بعلاكه وحطيناه بوصله وكلنه من يجون الولد نطي الهم يصرفون بيه معلينه بعد وراهه حركنه كل غراض جاسر حتى الاخشاب كسروهن الولد لانوا حرام ننطيهم لناس يمكن يصير بيهم شيء واحنه نكون مسؤلين هيج كال جدي بس جبنه نفس اثاث مال جاسر حتى رنيوه متشك وتعيد العمل من جديد يومين ورجعنه جناح جاسر مثل مجان قبل حتى متشك

علاء.حضرنه نفسنه ورجعنه للبيت وصلنه للبصره 5 العصر استقبلونه بالباب وجاسر اول مشاف جدي كام يبجي مجان موجود احد غير عمامي وولدهم ماكو غربه جان يكول جدي
الجد.مو انه حفيدي الشيخ جاسر يبجي تعال يابعد جدك اشتاقيتلك
جاسر.اهىء اسف جدي اسف والله مجنت اعرف شسوي من كلولي الولد حسيت بنفسي بدوامه معرفت اله منهم
الجد.لا تعتذر ابني كل الصار من وره العمل لا تهتم روح طب ارتاح وروح لمك وشوف ابوك اشتاقولك
جاسر.بويه
دنكت اريد ابوس ايده جراهه وكال
الاب.تعال يابعد ابوك خل اشبكنك صالي اسنين ماشابكك ولا مسولف عدل وياك
بعد ماخلص اللقاء بين جاسر وابوا وجده وعمامه الاعتذر منهم كلهم على الصار طبوا للبيت جانت امه منتضرته بألباب اول مطب طشت عليه جكليت وهلهلت وهيه تبجي
ام جاسر .ياروح امك وعمرهه يمه جاسر شتاقيتلك يابعد هلي
جاسر.يمه اروحلج.فدوه لا تبجين حبيبه
ام جاسر.اهىء دموع الفرح يمه روح سلم على جدتك وامك وروح لغرفتك ارتاح

جاسر.جده شونج
الجده.هلا بيك جويسر ولك يابعد جدتك شلاعبه بحالك الحقيره رنيوه الله لا يوفقهه اهىء شتتك وشتت عائلتك اهىء يايمه
جاسر.ا تخافين حده راح انتقم منهه اشد انتقام والله راح اضوكهه المر وكولي جاسر ماكال
الجده.روح ارتاح وروح لمليكه تره شايله خاطرهه عليك تدري بيهه كلبهه طيب وراح تسامحك يمه روح
جاسر.اي جده على بالي والله بس ارتاح اروحلهه
جاسر.رحت سبحت ولبست تراك نوم ونمت ماكعدت اله على دك مبايلي فتحته شفتهه رنا اجيت اعيط بيهه واكلهه عرفت كل شيء واله انتقم منج بس كضيت روحي
جاسر.الو ها رنا
رنا.حبي تعال اخذني ماخلصت اجازتي شنو
جاسر.اي انشاءالله جايج بس يومين لين جنت بالأنبار عندي كعده وتعبت
رنا .لا تعا باجر علي
جاسر.هذه هو يله اريد انام
جاسر.سديت المبايل وبدلت لزي خليجي ونزلت جوه رحت على ملاك
جاسر.دكيت اباب وكلت
اكدر افوت
ملاك.تفضل
رحت كعدت يمهه عالجربايه وكلتلهه
جاسر.اسمعيني ملوكه حيبتي انتي عرفتي بالصار لي والله ماكان قصدي كل لصار من وره رنا واوعدج مثل مافرقتج من ليث بس اخلص من رنا راح ازوجكم بيدي واسويلكم اخلى عرس وعد وتعرفين جاسر مايخلف بوعده ها سامحتيني ملوكتي وشتردين اسويلج هسه اذا تكوليلي اكتل روحك اكتلهه علمودج والله جنت احس روحي بدوامه مو فاهم كل شيء هسه يله تفتحت عيوني ياروح اخوح سامحتيني
شفتهه ماحجت كلمه وجانت دايره وجهه على غير جهه كلت اكيد ماتريد تسامحني بعد السويته بيهه عفتهه ردت اطلع جان تكول
ملاك بدلع.جا هيجي بهألسهوله تروح غير اريد ادلع عليك جسوره حبيبي وها ما ارضى اله اذا تاخذني للألعاب وللمول يعني اسبوع كامل راح تشبعني طلعات ها شرايك
جاسر.تأمرين امر ياروح جسوره بس ها هأللقب لا تكولينه بس بيناتنه مثل من جنتي طفله ماشي
ملاك.ههههه ماشي جسوره بس اكيد انته تريد ترجع شذرتك الك
جاسر.اكيد بس اريد بألأول اخلص من رنا
ملاك.امممم اسهلك سالفه اسمع شذر مزوجه وعدهه 3 اطفال
جاسر بغضب .شتكوولين ملاك شهألحجي هيه ماراح تعوفني للأبد هيه هيجي كالت
ملاك.اااف حبي جسوره دتعال اشرحلك وبعدين عصب وحجيتله كلشيء وطبعا هذه الشيء بعلم ليث وعمو عمر كالوا لازم يحلون مشاكلهم لأنوا عدهم 3 اطفال مو طفل وكلولي افاتح جاسر بالموضوع حتى مايغار على شذر من ادوارد ويكلبهه علينه قيامه
جاسر بفرح.يعني هيه مامزوجه ولا عافتني كل هألسنين وهم عندي 3 اطفال شيء حللوووو والله الحمدالله والشكر يارب على نعمتك هاي الحمدالله
ملاك.هههه يارب يوم التنجمعووون سوه بس لازم تسيطر على اعصابك وما تفضحنه كدام شذر وانوا انت تعرف انوا شذر ممزوجه والاطفال اطفالك ماشي
جاسر.ماشي لا تهتمين بالموضوع ضل يمي
ملاك خوش
جاسر.اني اروح ليجوه باي ملوكه
ملتك.بايات اني راح انام وكلهم ليكعدوني للعشه
جاسر.صار مثل متردين بس مجوعانه
ملاك.لا والله اكلت قبل اشوي اندومي
جاسر هذه هو يلا تصبحين على خير
ملاك.وانت بخير
جاسر.نزلت حوه وشفت شذر كاعده جوه وبصفهه ادوراد الزكه لازك ثل العلج بيهه وشفت الاطفال ال3 اطفالي ذوله قطعه من كلبي سنين محروم من اشوفهم اشوف شون مشوا شون اكلوا شنو اول كلمه حجوهه جانت ماما لو بابا كله من وره رنا وزاد انتقامي  منهه الحقيره خربت حياتي الهادئه

-----------------------------------------------------------
شذر.راحوا ليث وجاسر والولد لكربلاء كالوا عدهم شغل بس مكلولي شنو استغربت جاسر وليث شون انجمعوا سوه وليث جان يموت لو سمع بطاري جاسر مو يروح وياه من البصره لكربلاء مهتميت زايد من كالي جدو رحوا لين علاء طايح بمشكله وراهه مرت الايام روتينيه يوم اللي يجون جاسر والولد كعدت من صبح وبدلت لبست بنطرون ابيض وفانيله سوده طالعه صرتي منهه شوي فوك الصره صايره وفوكاه قمصله صيفيه زيتوني وبوت ابيض
للعصر اجوا مجنت ادري بيهم من جوا لين كنت ماخذه الأولاد جوله في البستان وراهه رجعت سبحت ولبست تشيرت للركبه اصفر وجواريب بيض ومخططات بأصفر على شكل دوائر للركبه ولبست شبشب ونزلت كعدت اباوع تلفزيون وحطيت رجل ع رجل واباوع مسلسل تركي كوميدي مر الوقت وصار الليل تعشينه بس ملاك مموجوده بعدين عرفت رايده تضل نايمه المهم صعدت سبحت الاولاد او الأصح سبحوا وحدهم بس نشفت شعرهم لين ميقبلون اسبحهم يكولون كبرنا ما عدنا اطفال بس بنضري هم اطفالي الصغار وشكد مكبروا ماراح يكبروا بعيني حبايبي ❤😙

--------------------------------
رنا .هالايام جاسر متغير عليه يراد اعيد العمل شلون بس يحتاج هواي فلوس منين اجيب وهاي ام سمير السحاره تلفط ملايين وترجع ليوره شلون ادبرهن  اله ابيع الذهبات اليطينياه جاسر باجر اخذ امي وابيع منه وانطيه لأم سمير تكررلي العمل واكل لجاسر ياخذني للمكابر عود ازور الجهال الماتولي وادفن العمل هناك مثل كل مره
-------------------------------
ام جاسر.يمه جاسر تعال اريدك بشغله وليوثي تعال انته همين
جاسر وليث.اي جايين
جاسر.شتريد امي
ليث.حالي حالك معرف شو رايده عمتي نادتلي كدامك
جتسر.امشي نشوف شرايده
طبعا ليث وجاسر تصافوا وتصافه وي اخوان شذر كلهم
ام جاسر.شوف ماما جاسر وليوثي احنه من دورنه غرفه جاسر لكينه هألعلاكه وفتحناهه طلعت بيه اشياء تلعب النفس اريدكم تاخذوهه لاسيد حته يحل تلعمل منك كله يا يمه
جتسر.انشاءالله يمه بس السيد كال العمل بالمكابر شجابه لبيتنه
ليث.اتصل عالشيخ واسئه
جاسر.شتسئله الساعه 9.32 بليل
ليث .عادي اكيد مانايم هسه
جاسر.اتصل يلا
اتصلنه ع السيد رنتين وفتح خط
السيد.هلا ابني اشونك
ليث.هلا بيك شيخ والله جايك بشغله
الشيخ امر بويه شنو
ليث.ميأمر عليك ضالم بس بناتنه من نضفن غرفه جاسر لكن بيهه كيس وبيه اشياء محلوه بيهه ابر ولعابه وشعر ودم وذيل ابو بريص شنو هذولي شيخ
السيد.اي ابني هذني هنه عملين واحد ينحط بغرفه المسحور وواحد يندفن بألمكابر اذا اجتكم جيه لكربله جيبولي العمل حتى افكه وكلما سرعت احسن تره راح يأثر عليه هألعمل
ليث.ماشي شيخ راح اوديلكياهن باجر بيد السايق
السيد.انشاءالله ابني
ليث.اخذ راحتك شيخ تصبح على خير
الشيخ.وانت بخير ابني الله وياك

بعد مافصل ليث المكالمه كاللهم على كل شيء ووراهه راحوا كل واحد بجهه يسوي اللي يريده

❤❤❤❤❤❤❤❤❤❤
1223 كلمه دوسوا نجمه اللي جوا 🌟❤