عشك الشيخ جاسر(مكتمله)

بارت 43 والاخير

ليث.واكفين بباب صاله العمليات والخوف على ملاكي راح يقتلني واني اسمع صوت صراخها وهو يكسر القلب تصرخ بألم للحضه كرهت طفلي اللي بعدني مشايفه بس لين اذاهاا مرت ساعتين وطلعت ممرضه
ليث .ملاك ملاكي وين
الممرضه .مبروك اجتكم ولد والمريضه جوا د ينضوفها لشوي ومطلعها لغرفه
ليث.اريد غرفه خاصه
الممرضه.تامر بس ادفع الحساب
ليث.كنان روح شوف شكد الحساب ودفعه
كنان .اوك رايح
ليث.نصف ساعه وطلعوها لغرفه خاصه شفت شكلها شون تعبانه ووجها اصفر متحول من الم الولاده
بستها برأسها
ليث.حمدالله ع سلامه ملاكي
ملاك بتعب .الله يسلمك ابني وين
ليث.هسه تجيبوا الممرضه
ملاك.شنو اسمه
ليث.ماسميته انتي تعبتي بولاده انتي سمي
ملاك.حبيبي انت ابو لازم تسمي
ليث.انتي سميه وانتهى النقاش
ملاك.هذه هو اسميه اريد علي رضأ
جاسر مبروك خويه ابو علي حلو الاسم
الكل.مبروك
ليث وملاك.الله يبارك بيكم
جابوا الطفل وكبروا بأذنه وسموا علي رضأ اسم مركب
مر اربعين يوم وطلعت ملاك من اربعينها
ومرت الايام واجه يوم ولاده شذر وولدت طفلين مثل القمر سموهم
الولد الاول ايليا اختارته شذر
والطفلة الثاني سماه جاسر رسلان

بعد مرور خمس سنوات
وصاروا اطفال شذر وجاسر ٤ولد وبنوته وحده
اما اطفال ليث ولدين  وبنوته علي رضأ الجبير ومحمد رضأ الصغير وبنوته سموها هنادي
اما اطفال كيان صاروا ٣عسل الكبيره وسجاد الوسطاني وسليل الصغيره ونيران حامل بولد
اما كنان تزوج هو وخطيبته سوزي وصار عندهم طفل واحد سموا ع اسم جده عمر

جاسر.جنت كاعد بديوان وولدي يمي عدنا اليوم حفل ختان عمر الصغير اشوف ولدي واخواني و اطفال خواتي ملتمين حواليي واحس بنفسي فخور بيهم واشوف ولدي لابسين الزي العربي وافتخر بيهم صكر ونسر كبروا وصاروا ولد ال١٤ سنه وبنتي شيختي ملوك كبرت وصارت مره وشاطرين بدراستهم
شاكر ربي وحامده على نعمته النعمان علي بأطفالي وعائلتي ووجودهم من حولي
وحبيبه قلبي شذرتي الرغم لكل اخطائي السويتهن بحياتي
رجعت ذاكرتي بيه للخمس سنين المضت عليه بصعوبه بسبب الصار وياي من طلعت من البيت وشون واجهت صعوبات حتئ اتخطئ الصار بس بفضل اهلي وشذرتي واطفالي تخطيت كل شيء صاار وياي
نرجع بالزمن
جاسر،طلعت من البيت للدوام رصلت للمقر ساعه عشره صبح كملت شغلي وبليل رحت احاجي شذرتي واني احاجيهه كالتل لو طلعت حامل شلون مجرد تفكير طرت من فرح لو حقيقه شلون بيه فكرت واني احاجي بيهه صار اشتباك بينه وبين العدو مجان عددنا هواي بينا ب50جندي وهمه بيهم اكثر من 200واحد فبصعوبه جاي نواجههم ماحسيت اله علئ شيء حار اخترق معدتي اباوع بس دم يجري من معدتي ماضل ببالي غير شذرتي وجهالي العفتهم بالبيت وحدهم الصبح وطلعت بعد ماحسيت علئ شيء. غير دوار براسي وعيوني غوشن
ماحسيت غير بشخص يجر برجلي وبعد فقدت
كعدت علئ مي بارد ينذب بوجهي فززني من فقداني للوعي اول مافتحت عيوني طكت بيهن شمس غمضتهن بسرعه ولحد ماتعودت ع ضوا فتحت عيوني اباوع اكو 5كبالي شكلهم يوحي انوا هم اشرار وليكول مداخلين حمام الهم سنين من ريحتهم الجايفه اللي ترست المكان اللي ما يتعده ل5امتار نقلت نضري بالغرفه وشفت 3من جنود الوياي بالوحده يعني احنه 4هنا من عدنا وهمه 5 يمي باوعتلهم وشفت واحد بيده سراحيه مي عرفت هاي المي الذبه علي سئلته
جاسر،انتم منو وشرايدين من عدنا
الرجال،يا خطيه ماعرفتنا احنه الودينالكم تهديد للوحده قبل كم يوم وكنالكم اطلعون ابو حيدر الانباري من سجن
جاسر،استغربت مواصلني تهديد حتئ اخليهم ياخذون حذر تعرض للهجوم كتله
جاسر،لو جنت اعرف جان طلعته بس مكالولي
الرجال،اها يعني اطلعه مو تضحك عليه شنو مو طفل كدامك اني
جاسر،لا ما اجذب عليك ولا اضحك لو اعرف جان طلعته بس ما اعرف ومحد كاللي
الرجال وهو يمسح علئ لحيته،اااام اكول للسلطان علئ حجيك افكر نضمك ويانا بالمنضمه
جاسر،اي خوش حجي انت حاجيه واتي راح اساعدكم بالتردونه
احد الجنود،تفووو عليك ياعار بعت بلدك وناسك بس علمود نفسك
جندي ثاني، اووش لتحاجيه وتنكس السانك وي هالحثاله عود شيخ واله اسمه شوف شون باع وطنه
جندي ثالث،حرامات والله حرامات انت ويانا ودافع لوطنك ولو متت تتسمئ شهيد بس انت عباره عن نذاله
جاسر،ههههههه اهم شيء حياتي قابل اموت علمود وطن مامحصل منه شيء
الرجال،شوف انت خوش تفكر وذوله الحثاله ماعليك بيهم
جاسر،شعلي طبعم مرض
طلعوا من غرفه جان اكلهم
جاسر،كووواــويد شو شو ماعولتوا فرصه تطلعون حركتكم بيه طايــــحيــــن الحض
الجندي،اسف سيدي بس دخلت للدور زايد
جندي، اعذرنا سيدي مثل مكال دخلنا للدور
جاسر،شوفوا راح اطلع منا واشوفلي خطه ومن اعرف المكان راح اكتب المخطط بورقه واشمره حتئ تشوفونه ودرسون المكان
الجنود،حاضر سيدي
جاسر،مر اليوم ولليل يلا اجه الدخل اول مره جان يكول للوياه يلا فكوه واخذوا لغرفه التعذيب هو والوياه بسرعه
جاسر،شبيك اني غير وياك
الرجال،ههههههه صدكتك مو تعرف انت منو انت الشيخ جاسر البصره مكلوبه عليك والمقدم جاسر المراكز مكلوبه عليك جاي تضحك علي شو اخذوه
جاسر،تــــفو عليك طــــايح الحض شعبالك اني اعلمك اطلع لو ما اطلع اله اوديك اعدام اوكفلي
لرجال،هههههه اذا طلعتوا عود يلا اخذوهم
جاسر،اخذونا من الغرفه كل اثنين كاضين واحد بينه مشوا بينه كل المقر حفضت اقل تفاصيله واأشر للجنود من اماكن النطلعها لو ردنا نهرب منهم اخذونا لغرفه اصغر من ذيج بهواي. جانن وحده بصف الثانيه حطونا كل واحد بغرقه وبدوا بتعذيبنا جانوا يضربونا بألسوط جان جلده قوي وجانوا كل يوم يغيرون السوط خاف يتعب جلده وبعد ميوجع جنت بكل لحضه اموت لفراك اهلي واطفالي والأهم حبيبتي وطفلتي شذري
من يخلصون من السوط يجيبون مي حار يغلونه كدامنه حتئ يخوفونا ونحجيلهم الاسرار النعرفها واماكن المراكز المخفيه من يحمــــئ المي ويفور كلش يذبون علئ جسمنه وهو مجرح من ضرب السوط ودم يجري جان هذه عذاب يومي من غير كطعهم للاكل والمي عنا جانوا لو عطفوا علينا يجيبون طماطه معفنه والعفونيه ماليتها وخبز يابس ولو جابوا وماكليناه يجبرونا ناكله غصب عنا لين نطلب اكل والمي يجيبوا فاير يعني يسخنوا ويجيبوا النا نشربه يحرك السانا حرك
جانوا يعالجونا وتختفي اثار تعذيب ويرجعون للتعذيب من جديد بيوم ابتكروا بينا عذاب جديد يعلكونا بالسكف من رجلينا وراسنا للكاع يتلولح ويجيبون اسياخ الشوي يحمونهن يصيرن حمر وثنين كاضينهن واحد يخلوه علئ ضهرنا وواخد علئ بطنا ومن يشيلون السيخ ينشال اللحم وياه العذاب والالم ماوصفه بوكتها لو اموت واصعب شيء بعد عذاب اربع اشهر واحنا يمهم موت واحد من جنود بين ادينا واحنا مو كادرين ننقذه توسلنا بيهم توسل وهمه مايقبلون يعالجوه جانوا واكفين يضحكون كدامنا ويشوفون قهرنا علئ صديقنا
مات بيدنا واحنا نشوفه شون يصارع من عذاب النفسي والجسدي مر اسبوع علئ وفاته واجه واخد منهم فد مايع جان يحاجي بصاحبته ويريد ينطينا مي وهو حار جريته من ايده عود اخذخن وذبيته علئ وجهه كله حركه وطاح موبايله اشرت لواحد من جنود ياخخذ الموبايل اخذه وضمه بسرعه من عدهم دخلوا علئ صريخ صاحبهم جان يشوفوا محترك اجوا سءلوا منو حركه ماحجينا اخذوا وتوعدولنا لين مايكدرون يعوفوه هيج يموت من التهاب الحرك البوجهه والاغليه طاح علئ جسمه جان رأستن اخذ الموبايل واتصل علئ المقر ووصفتلهم المكان وواحد من جنود جان كاعد وصفلهم الطريق لين جنت فاقد للوعي وكتها جان يطبون والموبايل شمرنا راستن جان يكول
الرجتل، وين موبايل صاحب
جاسر،مو عدنا
الرجال،طلعوه بسرعه
جاسر،كلت مو عدنا لاتخليني اكتلك هنا
الرجال،اني اعلمك تكتلني مو انتضروني
طلع وقفل الباب رحت مسحت الرقم والمكالمه بعد ماوديت رساله مضمونها لا دكون ع الرقم راح ياخذون موبايل واتيعوا الطريق علئ الرقم اذا تكدرون
ماكو مر ايام واسابيع عذاب اخر يومين بشهر الرابع من بقاءنا يمهم ماسمعت غير صوت طلق علك بالجو عرفت المساعده اجت جان نكوم وندفع الباب ونكسر لين بنيتنا قويه بسبب تدريب المعسكر ومن عذابهم هماتين وهو باب مصدي وتعبان مو باب زين طلعنا صاروا كبالنا جنود ثنين طمنوا علينا وانطونا اسلحه وبدينا نحاربهم 3ساعات متواصله من الرمي بيناتنا يلا كدرنا نطلع من المكان اخذونا للمستشفئ ضلينا اسبوع يلا التئمت جروحنا وخاصه باخر ايام عذابهم جان نفسي اكثر من ما جسدي يحبسونا بغرفه اقل من متر وجان بيهه بوري مي قديم ينكط مي شوي شوي جنا نضل يومين بيهه بس نسمع صوت خرير المي المزعج لو يحطونا بغرفه بارده ثــــــلج من بروده وبدون ملابس بس بشورت جان العذاب النفسي اكثر شيء متعب وجانوا يحرمونا من نروح للحمامات يومين نسويها ع نفسنا يلا يطلعونا عذاب موحش بمعنئ الكلمه
لمن تعالجنا رجعونا لبيوتنا وشكد تعذبت واني اشوف اهلي شون متعذبين بغيابي واني اشوف شذرتي للمره الثانيه تمر بفتره وحامها واني مويمها جان متت من القهر لو والده واني مو يمها مره ثانيه مرت فتره واني متأثر من الصار الي بسبب العذاب بحيث كلامي واكلي كـــلــــش قليل بسبب تعلم علئ اكلهم القليل اهلي معجبهم وضعي اخذوني اطباؤ وساده بس اني نفسيتي مدمره كل ضنهم عندي جفاف او مرض بس بيوم اجت شذر وكالت
شذر،هيا حبيبي انهض لنذهب
جاسر،وين نروح
شذر،لاتقلق مكان جميل هيا انهض 🥺وباوعتلي هيج
كمت ولبست بنطرون اسود وقميص ماروني
وبوت ابيض ومناضر وساعتي وسبحتي بايدي نزلنا وركبنا السياره وانطلقنا انشي وين متوصفلي الطريق وصلنا لمكان اباوع احنه جوه عياده طبيب نفسي باوعتلهه بغضب وتعجب وكلت
جاسر،شنو هاي عبالج اني مجنون شنو
شذر،كلا عزيزي لست مريض لكن كل شخص يحتاج ليفرغ همومه لشخص ما وليس المجانين من يأتون هنا بل من اثقلت الدنيا عليهم العذاب لهذه سوف تفرغ همومك وطاقتك السلبيه ونذهب للمنزل صدك وضليت اجي كل شهر مرتين لحد ما مريت من هألأزمه النفسيه خلص وقت مراجعتي بس ماتركت الطبيب كل ما اكو شيء يتعبني ما اعرف اتصرف وياه اجي للدكتور افرغ همومي وطاقتي النفسيه علئ كولت شذر واطلع

صحيت من ذكرياتي علئ صوت بجي عمر لين خايف من الختان
جاسر،لاا لااا حبيبي ليش هالبجي عمر الشجاع مايبجي شو اهدء حبيبي يلا ادا ييمه فدوه الئ ان هدء واخذوه طهروه سوينا احتفال اله ومر اسبوع علا ختانه لعمر

مرت ايامنا بسعاده رجعت من ديوان شفت شذرتي طلعت من حمام تقربت لهه وبستها برأسها
جاسر،اشتاقيتلج
شذر،اني اكثر حبيبي تعبان روح اتحمم
جاسر،ماشي حبيبتي

😍😍😍😍😍😍😍😍😍
لهنا واختم قصه عشك الشيخ جاسر بعد مكان البارت ال43البارت النهائي خلصت قصه ابطالنا بس اكيد الحياه مراح تنتهي
+خبروني اي قصه تردون انشرها اريد رأيكم نزلت مشاهد من3قصص اختاروا التعجبكم
ودوسوا ع نجمه ترا هذه اخر بارت 🥰🥰