عشك الشيخ جاسر(مكتمله)

بارت 34

شذر.كعدت ثاني يوم من الصبح سبحت ولبست بنطرون جينز ممزق من الركبه وبدي ابيض وبوت ابيض وفعت شعري ذيل حصان ونزلت ليجوا كانوا كلهم جالسين على المائده صبحت عليهم ورحت اساوي فطور الأطفال بعدهم ما صحيوا ساويتلهم اومليت بالجبن وعصير برتقال ورحت حتى افيقهم

شذر.يلا يحلوين انهضوا صار وقت الفطور
ملاك.ااام اي ماما اخذيهم واني اريد انام
شذر.اول واحد ينهض ويغير ثيابه راح انطيه مفاجأه اله
ملاك وتيم وجيم.هههههي اي ماما هلا نحضر حالنا
شذر.الكم ربع ساعه يلا بدا الوقت جلست عالسرير بعد مارتبتوا وانتضرت الاطفال يخلصون بعد ماسبحوا ومشطوا شعرهم نزلت ماسكه ايد ملوك بأيدي اليمين وجيم باليسار وتيم يمشي قدامنا ميقبل احد يمسك ايدوا يقول انا مو طفل ههههههه
الاطفال.صباح الخير
الكل.صباح النور
ملاك.صباح الخير خالو ليث صباح الخير خالو كيان صباح الخير خالو كنان صباح الخير بيبي صباح الخير جدو صباح الخير لألكم كلكم
ليث وكنان وكيان.صباح النور اميره
ثمان.لهنا وكافي وانا مالي صباح الخير
ماك.خالو ليث منو حجه مسمعت
ليث.ملوك حبيبتي هذه مجرد كلب د ينبح
ملاك.ااااه صح حجيك
عثمان. صرت كلب اشوف منو ينطيكي الايباد اللي شتريتوا الكي
ملاك بكذب.اهىء اهىء جدو تعرف عثمان ليش معاركتوا
عثمان.اااااش اخذي الايباد بغرفتي
عمر.حيبتي ملوك احجي ليش معاركج والايباد الج
ملاك.اممم ماشي جدو خليني اشاورك
عثمان.انهجم بيتي ياربي
ملاك.جدو رحتله بيوم الثلاثاء ثاني يوم راحوا بي خالو ليث وكنان وكيان بأليل قلتلوا اريد حلويات جوعانه عليهن تعرف هو شكلي
عثمان.ملوك مبيه حيل هلا روحي ومن يجون خوالج يجيبولج

وحتى غلط على خالو ليث وكيان وكنان
كنت احجي بأذن جدو بس بصوت عالي هههه
ليث.غلطت علي لكان
عثمان .والله جذب ماغلطت عليكم اخواني الكبار شون اغلط عليكم
ملاك.لا خالو غلط عليكم كال خوالج المعفنين ذوله ليش تحاكينهم بعد لتوصلين يمهم ليعدونج عفونيه واني كتله لا خالو عيب تحجي هألشكل على خوالي وهم اخوانك الكبار
كيان.الوصخ القذر الجايف ع كوله جده شنو تغلط علي بس عقابك حيكون قوي
عثمان .شبيكم والله مغلطت هاي ملوك تكذب
ملاك.اهى يايوم كذبت
تبجي بجذب
الجد.كافي بويه شهألعرك من الصبح وها عثمان انت كالت ملوك معاركهه هيه راح تعاقبك يلا ملوك عاقبيه انتي
ملاك.ااااام جدو اكو منطقه هنا اسمها اربيل اريده ياخذني الههه وكل شيء اريده يجيبلياه من هناك
عثمان .شلوووون ومنين عرفتي عن اربيل اولا وثانيا اعرف كلمه كل شيء علي يعني خلص الراتب يايمه الحكيلي
ناي.معلي انا حفيدتي شاريد تساويلهه فاهم عثمان ومحد طكك على ايدك وكلك عارك الاميره ملوكتي يا خبيث ليش تعاركهه كان لازم تجيبلهه حلويات لو كانوا اخوانك موجودين كان راحوا بدالك
شذر.على كيفج يا امي متعرفين عركاتهم مثل توم جيري هلا شوي ويتصالحو
ليث.اي هذه هو راح نروح لاربيل كلنا شرايكم
الجد.بس يابوي روحوا انتم الشباب احنه كبار منكدر عالطريق الطويل
ايث.جدو نروح بطياره وهم اذا كلنا نروح نتونس هواي ترا
الحد.اذا هيج هايهيه بس منو يبقه بالديوان
العم رضأ .بويه اني ماكدر اروح وياكم عندي شغل هنا روحوا وعوفوا الديوان علي ها شتكولين ام حسين
ام حسين .اي والله عمي مانكدر نروح نضل هنا
طبعا ام حسين زوجه العم رضأ
العم فلاح.واحنا هم منروح غير مره انشاءالله اضل يم ابو حسين
الجد.خوش لازم يضل يمكم واحد من الولد خاف تحتاجون شيء
العم رضأ.لا بويه يمنا الحرس خلي الولد يتونسون
عماد.لا عمي اني اضل يمكم ترا ماصالي هواي من اجيت من بغداد طلعت وتونست هناك اني اضل يمكم اذا تحتاجون شيء تضلون عالحرس ميصير
شيرين.واني هم مريد اروح تعبانه والله
الجد.هذه هو بويه انتم تضلون واحنه نروح خلصوا ريوكم وروحوا حضروا جنطكم حتى بأليل نطلع
ليث.الحمدالله اروح احجز التذاكر واجي يلا باي
الكل.الله وياك