البصره تحديدا بيت الشيخ ساعه 6
جاسر كعدت ساعه 6 سبحت ولبست الزي مال دوام وساعتي وخذت سويجي ومبايلي ونزلت
جاسر .صباح الخير.
الكل.صباح النور
الجد .ها جاسر راح تلتحق
جاسر.اي يبه راح التحق خلصت اجازتي
الجد .تروح وترد بالسلامه وعدي وياك شغيله
جاسر امر جدي كملت ريوكي وبست ايد وراس جدي جديتي وابوي وامي ومرت ابوي لين مثل ما ذكرت هيه حبابه كلش
ودعتهم ورحت اسبوعين دوام ورجعت طبعا دوامي ببغداد قدمت طلب نقل وبعده الامر ما صدر قراره
المهم رجعت للبصره ولكيت عدهم كعده طلب جدي اروح ابدل واجي وياله لين انه يده اليمين لجدي بدلت لبست دشداشه زيتوني و عباه سوده مطعمه بذهبي وجماغ وعكال ابض واسود رشيت عط ومحابسي لبستهن ولبست حزام السلاح ونزلت دخلت للديوان سلمت عليهم ردو السلام جانت القضيه انوا اكو بنيه وحيده اهلهه ابوهه رجال جبير بالعمر وامهه ميته و ابن عمهه يريد يتزوجهه غصب عنهه وهيه وابوهه ماقابله يريد يتزوجهه لين ابوهه عنده بستان عايشين منه يريده اله ومن ما قبل الرجال ومسجله بأسم بته راد يزوجهه
كلش نرفزني واحتقرته كلتلهم
جاسر .الله بالخير
الكل .الله بالخير والعافيه
جاسر .والله اني اشوف انوا احسن شي الرجال يزوج بنته لابن عمهه
الرجال.لا شيخ ع بختك هيه بس هالبنيه واذبهه هالذبه
جاسر .لا مو تطيهه لهذه الولد ما اعدهه ابن عم ثاني رايدهه
الرجال .اي والله با شيخ ابن عمهه الثاني جان رايدهه قبل 7 اشهر
جاسر .هذه هوه زوجهه اله
الرجال .واذا كال ليش مازوجتني بتك
جاسر.كله ثنينكم ردتوهه واني اطيتهه لليستحق
الرجال.بارك الله بيك وليدي
جاسر.ويبارك بيك وينطيك طولت العمر
ضلينه سوالف وكهوه الحد ماراحوا كاعدين انه وجدي وابوي وعمامي واولادهم واخواني واجانه ابن بت عم ابوي اللي رادوا يزوجونهه العمي عمر
انس.ياشيخ ياشيخ
جدي .اخذ نفسك انس وكول شجرالك
انس .جدي امي تلفض انفاسهه الاخيره وتريد تشوفك
الجد وهو يكوم.شلون ومن يمته هالحجي
انس.كعدت الصبح تعبانه وديناهه للطبيب انطاهه علاجات وهسه انتكست كلش وتريد تشوفك وتبريه الذمه
الجد .وانتم شون ما كتولي من الصبح الهسه
جاسر.جدي مو وكت هالحجي خل انروح نشوف عمتي
الجد .يله
جاسر.رحنه شفناهه جانت تعبانه كلش وجهه اصفر وشاحب وشفايفهه بيض كالت لجدي اريد احاجيك عله انفراد
الجد .جاسر طلع عمامك وسد الباب طلعتهم وسديت الباب
الجد.اسمعج بويه احجي
عمتي.قبل 29 سنه من اليوم تذكر من كتلك انوا عمر جان رايد يعتدي عليه
الجد.اي بويه شجاب السالفه عله بالج
عمتي .وهو حته مابرء روحه وضل ساكت
الجد.اي بويه
عمتي.لأن بوكتهه هذه الشي ماصار تحجي وتبجي هو اصلا مادنا لطرف ثوبي بس كتله ليش ماقابل بيه كالي انوا هوه يحب بنيه وياه ورايدهه صعدت عدي الغيره وصرخت سويت روحي راديعتدي علي ومن جبرته يزوجني ما قبل وانته تبريت منه اريدك تبريني الذمه جدي لين جذبت وحرمتك من ضناك29 سنه
جاسر.هيه تحجي وجدي يبجي واني مستغرب شون قلب عدهه واتحمل29 سنه تكذب وتحرم ام من ضناهه واخت من اخوهه وسندهه لو اخ من اخوه لو اعتازه وكت الضيك لو اب من انوا يعتبر ابنه عكازته بكبره
الجد.محالله وموهوبه بنيتي
عمتي .يعني سامحتني
الجد.مسامحج
جاسر.بعد هذه كلامهه ماكو 5 دقايق وماتت صار العياط بفلس والطم سوينه فاتحه ونصبنه جادر ودفناهه رجعنه للبيت تعبانين منتهين رحت ارتاح نمت شي ساعتين واندك الباب
صحت منو
ملاك.هاي اني شيخ اجوا اصدقائك الشيوخ والضباط ويكول جدي انزل بسرعه
جاسر.يله نص ساعه واجي طبيت سبحت ولبست دشداشه سوده وعبايه سوده مطرزه بذهبي وساعه وحزام السلاح وعطر نزلت للديوان سلمت عليهم وعزوني ضلوا للعشه وراحوا
طبيت وصاح عليه جدي رحتله وكتله ها جدي كال اريدك تعرفلي مكان عمك عمر مو كافي 29 سنه بعيد عن بيته واهله وناسه
جاسر.تأمر امر شهر وهوه يمك
الجد .بارك الله بيك وليدي
جاسر.رحت لغرفتي سبحت ولبست برموده وكيمونه ونمت
أنت تقرأ
عشك الشيخ جاسر(مكتمله)
General Fictionاحد شيوخ البصره هو عصبي قوي حاد الطباع يكره الخيانه والغدر لان عش هالشي مره ونتج انسان قوي يكول الحب كذبه مايصدك بأليحبون فجأه من شافهه كلبه كام ينبض حبهه بجنون متملك بين ليله ويوم انكلب كان يحس نفسه مريض نفسي ويتذكر من يكول بثقه بين اخوانه واصدقا...
