فوات الاوان

(1)

"بسم الله الرحمن الرحيم"

في قصر يقال عنه جزء من الخيال يوجد به حديقه مليئه بكل انواع الزهور الجميله ومناظرها الخلابه التي تخطف الانظار من جمالها ...هناك غرفه جميله باللون الابيض مع مزج اللون الازرق فيها نلاقي بنوته جميله نقول عندما نراها سبحان من خلقك وصورك ايه من الجمال تستيقظ هذه الجميله علي صوت العصافير التي في شرفتها تدل علي الصباح قد حل وذهب الليل تقوم هذه الجميله لتعمل روتينها اليومي من صلاه الصب مع قراءه بعض ايات من الكتاب الحكيم .. هذه الجميله تكون "رنا"
في غرفه الطعام نلاقي كل العيله متجمعه ما عدا شخصين
فايز للاحفاد: صباح الخير يا احلي احفاد

الكل : صباح النور علي احلي جد في الدنيا

فايز لساميه : اخبارك ايه يا بنتي النهارده

ساميه بحب وطيبه :الحمدلله با بابا .. بخير

فايز بيطلع علي احفاده الي بيفطروا لقي الكرسي اللي علي جمبه الشمال فاضي وده يخص حبيبت قلبه "رنا"
فايز:اومال فين رنا وفريد متاخرين علي الفطار ليه

اسر بتوتر : فريد بايت برا البيت ..علشان عنده شغل في المكتب

فايز بسخريه: شغل في المكتب يا حضرت الفنان..يعيني بيتعب اووي في شغل بليل ده .. كمل بجديه : حد يرن عليه الوقتي ضروري

فريد يدخل من باب القصر: و يرنوا ليه يا جدي انا قدامك اهو ... قال للكل:صباح الخير .وباس راس امه وايدين جده وقعد علي الفطار

فايز : كنت فين يا فريد

فريد ببرود: شغل يا جدي في المكتب

فايز بتريقه: ويا تري الشغل بتاع امبارح كان كويس ودخل هواك ولا ايه يا بشمهندس

فريد بغمزه : شغل انما ايه يا جدي طلقه طلقه

فايز بصله باشمئزار ورجع يكمل فطاره : ساميه ابعتي حد من الخدم ينادي ليا رنا مش بعرف افطر غير وهي جمبي

جني : ما احنا اهو يا جدو هو لازم رنا يعني لما تيجي تفطر معاها احنا مش قد المقام

فايز بحنيه وشاور ليها تيجي جمبه علي ايده اليمين هي
وساره : تعالوا با حبايب جدكوا جمبي .. قاموا جمب الجد : لازم تفهموا ان معزتكم واحده عندي وانتو عندي ولادي وكل واحد ليه جوايا حته من قلبي مخصصه ليه وخصوصا انتو يا بنات العيله انتوا حبايب جدو .. وانتو زي رنا بس انا بحاول اعوض رنا الي محرومه منه فاهميني يا قلب جدو

ساره : طب ما احنا كلنا هنا وبنعاملها كويس دي اختنا بس يا جدو مش تفرق بينا

فايز باستغراب : وانا امتي فرقت بينكم يا ساره .. انتو اي حاجه عايزنها بتكون عمدكم قبل ما تطلبوا ولو طلبتوا عيوني مش هتاخر عليكم وانتو عارفين كدا كويس ..امتي فرقت بينكم قولي ليا
ساره بصت في الارض ومقدرتش تتكلم لان جدها معاه جق كل اللي بيطلبوه منه بيكون عندهم و جدهم بيحبهم اووي