فوات الاوان

(7)

بسم الله الرحمن الرحيم.....

في يوم جديد واشراقه جديده واحداث جديده وقبل يوم الفرح بيوم....
يوم الحنه والكل موجود في القصر علي سفره الاكل....
فايز:  ها يا بنات الحنه هتعملوها ازاي.....

ساره:  الصراحه يا جدو عايزين نعملها علي الطريقه الهنديه.. كل حاجه هندي حتي اللبس هنلبس اللبس بتاعهم التقليدي الساري....

جني:  اه يا جدو هتكون حلوه اووي... وكمان مش هنمنع الشباب يكونوا موجودين... عادي احنا هنرسم الحنه ونشغل اغاني...

فايز:  شكلها هتكون حفله مميزه... ربنا يسعدكم يا حبايب جدو.... وبص علي رنا ال كانت بتلعب في طبقها ومش بتاكل وسرحانه... فاقت علي صوت جدها..
فايز بقلق:  مالك يا رنا سرحانه  في ايه يا قلب جدو..

رنا بهدوء: لا ابدا يا جدو هكون سرحانه في ايه... انا كويسه اهو..

فايز:  مش علي جدك انا اعرفك لو زعلانه او مبسوطه... قولي لمالك هتخبي علي جدو حبيبك...

رنا بتتنفس بعمق:  تمام... امبارح جيت لقيت حاجتي منقوله الاوضه بتاعت بابا وماما... ليه عملت كدا انا لما بدخل الاوضه بتعب... وانت امرا ان انا اقعد فيها...

فايز:  ايوا انا عملت كدا... ليه؟... هقولك.. اوضتك صغيره عليكي دي بتاعتك من ايام ما كنتي طفله.. ان الاوان يكون ليكي جناح خاص وملقتش غير حناج باباكي ومامتك يا رنا.... صعب عليكي في الاول بس صدقيني ده الاحسن اومال مين هيقعد في الجناح ده... مع الايام انتي... وانا قدمت بس...

رنا ببرود:  تمام يا جدي... انا راحه المسرح...

ساره:  مش هتقعدي معانا والحنه بتاعتنا مش هتحضريها..

رنا بابتسامه:  لا هحضرها بس هروح شويه وارجع علي قبل المعاد متقلقيش....

جني:  رنا هي فساتين الفرح لسه مخلصتش... احنا مش، شوفناهم خالص...

رنا:  الفساتين جهزت وبكل المستلزمات بتاعتها بس بكرا هتشوفوها دي هديه مني ليكوا وكمان الميكب ارتست عليا كمان النهارده وبكرا وهدوم الحنه ساعه بالضبط وهيكونوا موجودين و بزياده اختاروا ال عايزينوا وكمان علشان ال مش عامل حسابوا.... اطمنوا...

ساره وجني فرحوا جدا بكلام رنا بالعكس قاموا جريوا عليها لدرجه ان من فرحتهم كانوا هيقعوا علي الارض...
فايز بضحك:  براحه عليها يا بنات.....

ساره وجني:  احنا مبسوطين اوووي يا جدو... ربنا يخليك لينا انت ورنا...

اسر:  اعملوا حسابكم انا مش هلبس اللبس الهندي ده بتاع الرجاله بقولكم من الوقتي علشان متعملوش مشاكل...

رائف:  ليا زمايل ليا جايين مقدرش، يشوفوني باللبس ده منعا للمشاكل مش هنلبس اللبس الغريب بتاعهم ده..