فوات الاوان

(3)

بعد يومين من الاجتماع والاوضاع مستقره في المول والبنات مع بعضها بتجهز علشان الفرح كمان شهر..
رنا بتعب : والله حررام عليكم انا تعبت اووي ... وانتو مش بتخلصوا ابدا

ساره : معلش يا رينو والنبي اخر محل خلاص ونخلص النهارده ونكمل بكرا

رنا بصوت عالي : ايه كل ده ولسه مخلصتوش .. والله حررام بجد .. بعد كدا اخرجوا ولحدكم انا بقالي يومين تعبانه معاكوا ...

جني بتعب : والله احنا كمان تعبنا بس خلاص معتش غير ايام علي الفرح ولازم نخلص ...

رنا : طيب يلا بينا خلينا ندخل المحل ده نجيب الناقص ... علشان لسه هنجيب الاكسسوارات بتاعتكم والميكب

البنات : تمام يلا بينا....

وبعد مده .. رنا : بنات انا هدخل المحل الي في وشكم ده هجيب حاجه وارجع تكونوا خلصتوا ..

البنات : ماشي مش تتاخري..

رنا : لا حاجه سريعه واجي فورا ...

رنا دخلت محل اكسسوارات شافت تاج فيه عايزاه ليها وهي خارجه سمعت حد بينا ي عليها لفت لقت قدامها هشام البحيري..

هشام بابتسامه وعيونه بتلمع لمعه غريبه : ازيك برنسيس رنا..

رنا باستغراب : هشام بيه...

هشام : مالك مستغربه ليه كدا..

رنا : لا ابدا مش مستغربه حضرتك بتعمل ايه هنا ..

هشام بابتسامه جانبيه : ايه حررام اعمل شوبنج...

رنا : مش قصدي والله بس استغربت مش اكتر انك هنا ... فرصه سعيده بعد ازنك...

هشام وقفها قبل ما تمشي: بما انك هنا ايه رايك اعزمك علي فنجان قهوه .. او بالاصح انتي تعزميني انا في بلدك...

رنا باسف وترفض بادب: اسفه بجد بس معايا البنات فرصه تانيه ان شاء الله بس حقيقي لازم امشي...

هشام : بس ملحقتش اشبع منك ...

رنا بصدمه: افندم ... بتقول حاجه يا هشام بيه...

هشام : لا ابدا ... بس اكيد هشوفك في الحفله بكرا صح .

رنا : اه ان شاء الله ... لازم امشي اشوفك مره تانيه .. باي...

هشام : مع السلامه يا ملكه قلبي ...

رنا مشيت عند البنات لقت ساره وجني بيبصوا ليها بخبث : ايه النظام...

رنا : في ايه ...

ساره بخبث : لا والنبي ايه الحكايه مع هشام البحيري...

رنا بعدم فهم: حكايه ايه ..

جني : اممم عزومه علي فنجان قهوه .. وغيره في ايه..