تجلس في الغرفة كما هي لم تتغير جلستها لتهبط دموعها وتغمض عيناها شاردة في ما حدث في الماضي....
Flash Back'
_رهف حبيبتي أنا مكنتش عايز أدخلك في المشاكل بس لازم تعرفي
=خوفتني يا محمد في اى
_لا رهف عايزك تتغلبي على خوفك عشان محدش يستغله نقطة ضعفك... امسكي الأوراق دي مكتوب فيها كل أملاكي باسمك عشان أضمنلك حياتك
=انت معايا مش عايزة اي حاجة من دي
_رهف مفيش وقت أشرحلك انت عارفة ان ليا 15في المية من أسهم شركة عمك و الشركة كان بيحصل فيها اختلاسات وتحويل أموال وصفقات غير قانونية و اكتشفت والدك الله يرحمه كان ليه أكتر من نص الأسهم بس عمك استغل حب والدك وطيبته وخلاه يوقع من غير ما يعرف على أوراق تنازله عن نصيبه وخلا الموضوع سر لحد ما سمعتهم بالصدفة ودلوقتي قبل ما امسك عليهم أدلة كافية هيلبسوني قضايا الاختلاس والاقرف بتاعهم والبوليس هيوصل في أي لحظة رهف خلي بالك من نفسك يا حبيبتي وأنا هتصرف وأثبت برائتي وهنرجع تاني سوا
قاطع كلامه دق الباب بقوة ليدخل الشرطة ويتم القبض عليه...
بعدها إنهارت رهف فمحمد ليس زوجها فقط بل كل عائلتها وإستغل عُمها حبها له وجعلها تتنازل عن كل الاملاك والأسهم الباقية بمقابل إطلاق سراحه محمد وتبرئته من كل التهم وبعد تنازلها جاءها خبر وفاته في السجن لتَسود الحياة بوجهها فقد فقدت روحها وحبيبها بموته ماتت هي معه، ماتت وهي على قيد الحياة... ليطردها عمها من بيتها بعد ما أصبح ملكه ولكن قبل مغادرتها سمعته وهو يقول بأنه من قتل محمد وخدعها لتشتعل نيران الحرقة والإنتقام بقلبها....
لتغادر بيتها بلا وجه ولا ملجأ بعدما لم يعد لها أي أحد ف الحياة وأثناء سيرها لم تشعر بنفسها الا وهي فاقدة للوعي.....
تفتح أعينها ببطئ لتجد نفسها في المشفى المحاليل حولها وتعب بجسدها
_حمدلله على سلامتك يا قمر
نظرت لمن يكلما لتجد فتاة بمثل عمرها ترتدي البالطو الأبيض ملامحها طفولية وجمالها فاق الوصف
لتقول بتعب وتشتت
=أنا فين
_انت أغما عليك في الشارع وجيتي هنا والأغماء دا بسبب انك مهملة في الاكل وبقالك فترة مكالتيش ودا غلط على الجنين
=اييييه جنين
_انت متعرفيش انك حامل
هزت رأسها بلا لتضع يدها على بطنها وتسقط دموعها رغمًا عنها
اقتربت منها الطبيبة لتمسح دموعها وتربت على كتفها بحنان
_بتعيطي ليه دلوقت وفين جوزك
=مــ ــا ت قـ ــتـــ ــلوه
_طب اهدي بس عشان دا غلط على صحتك وإحكيلي
بصي أنا إسمي مرام تقدري تعتبرينا اصحاب و تحكيلي وأوعدك لو أقدر أساعدك مش هتأخر
أنت تقرأ
جبروت عُشاق❥︎♫︎ "مكتملة"
Acţiuneهو بارد ومغرور... عصبى وحاد الطباع.. خبيث متملك حد الجنون، جاد لايقبل المزاح، له اسمه وهيبته وجبروته..ولكنه أحبها بل عشقها دوناً عن غيرها، وكان بهواها متيماً، فهل ستقع له؟ يمتلك أكبر الشركات عالمياً، وأخضع أكبر الرجال لسلتطه، ولا يقبل الخطأ، بارد ول...
