Kaash ek sahar aisa ho
Jahan koi kisi ka na paraya ho
Na pura karne ki koi khwahish ho
Na sapne tutne ki gunjaaish ho
Kaash ek sahar aisa ho....
Jo bilkul swarg jaisa ho
Jahan na kabhi jhagda ho
Na kahin kisi pe pehra ho
Jahan na koi chaukidaar ho
Na koi pehredaar ho
Kaash ek sahar aisa ho...
Jahan sab kuch apna ho
Andhere me jaise roshni ka sapna ho
Behti hawa sa sukoon ho
Maano har koi apna khoon ho
baarish me mitti ki khushbu ho
Suraj ki roshni sa noor ho
Kaash ek sahar aisa ho....
Jahan koi madad naa maangta ho
Musibat me bin puche saath milta ho
Koi mehnat se naa bhaagta ho
Koi kisi se naa darta ho
Kaash ek sahar aisa ho....
Jahan aanshuo ka naam na ho
Jahan hasna ek kaam na ho
Jahan baato ko na chipana ho
Jahan khud ko na samjhana ho
Kaash ek sahar aisa ho....
Jahan bhoot jaisa kuch na ho
Darr ka na koi naam ho
Jahan pyaar na badnaam ho
Jahan sabki jindagi me aaram ho
Kaash ek sahar aisa ho....
Jahan timtimaate hue Kai taare ho
Jahan koi kisi ko na haare ho
Jahan har jagah chaand ho
Jahan andhere me na jaam ho
Kaash ek sahar aisa ho....
Jahan naa koi bimaari ho
Jahan naa koi bhikhari ho
Jahan har koi ameer ko
Jahan koi kbhi naa gareeb ho
Kaash ek sahar aisa ho...
Jahan na koi confusion ho
Jahan naa koi termination ho
Jahan naa koi pollution ho
Jahan naa koi discrimination ho
Kaash ek sahar aisa ho...
Jahan hmesa jashn ho
Jahan har koi husn ho
Jahan naa koi kaala ho
Jahan naa koi gora ho
Jahan naa koi jhuta ho
Jahan har koi ek baccha ho
Kaash ek sahar aisa ho....
Jahan har din tyohaar ho
Hmesha khushiyo ki bouchaar ho
Jahan kbhi toofan aata ho
To sabko saath dekh darta ho
Kaash ek sahar aisa ho....
Jahan agar mahamaari ho
To naa koi ahankaari ho
Har koi bas madadgaar ho
Dawai me jahan pyaar ho
Kaash ek sahar aisa ho...
Jisko mera sahar sab kehta ho
Jahan ek dusre me sabki jaan ho
Jahan har koi mahaan ho
Jahan har kisi ka maan ho
Kaash ek sahar aisa ho...
Bilkul mere sapne jaisa ho
Inn saharo se sabse alag ho
Wohi bas sabki duniya ho
Sabki jindagi me bas khusiya ho
Kaash ek sahar iss sapne jaisa ho....
