ألــوان
الحلقه5
،
،
في الاستراحه.
علي: هس منال.
منال: نعم.
علي: الي قتلك عليه بكري تمام توا هيا اكيد بتوقف يا مع بدر يا اسراء كان بدر شوري نا وكان اسراء ولا البنات شورك انتي.
منال: 😂😂👌خلاص تم.
علي: اس.
منال: نعم.
علي: عنب ولا كوكتيل.
منال: متوصيش حريص😉.
علي: ماشي😂.
علي مشي ومنال ملقيتش لا عنب لا كويكتيل خدت ميرندا وفطور ولحقاته القتهم كلهم واقفين مع بعضهم.
بدر متنح ف ارتال هيا شفتله وابتسمت نتع خيرك هوا ضحك وهزلها راسه نتع ولا شئ.
مسره : غريبه منال بتشربي مشروب ع صبح معجزه هادي😂.
منال: غصب عني الانه مهناش غيره بس😅.
جت قعمزت بجنب ارتاال وقعدو يهدرزو لين علي اشر لي منال متع توا ديرها الانه ارتال كانت تهدرز ع اسراء ومش منتبها.
منال: يييييي حشره حشره وناضت تنفض ع اساس وخايفه .
وبزعت المشروب علي ارتاال بطريقه عفويه وهوا لا هناك حشره لا سو كله كذب.
ارتال: هييييييي بزعتيها عليا يابنتي... ناضت تمسح لكن واضح هلباا.
اسراء: تعال نمشو للحمام تعالي.
ارتال رفعت راسها فوق وجت عينها في عين علي القاته رافع حاجبه ومبتسم "متشمت" نزلت عيونها ومشت للحمام.
والي ناقص عقل ضحك عليها والي بعقله كبر راسه وسكت.
ارتال: بدي يعني.
اسراء: شنو الي بدي.
ارتال: علي.
اسراء: شن دخل علي هادي منال.
ارتال: نقطع ايدي يا اسراء كان مش هوا الي قايللها.
اسراء: زعماا.
ارتال: تعرفي مانبيش ننزل لي مستواهم وحركات المفرخ الي يديرو فيها لكن شكله بيجبروني.
اسراء: فوتيهم توا يتعودو يبدا جوهم مليح.
ارتال: باه شن الحل تواا.
اسراء: مافيش حل الا انه ينش في الشمس.
ارتال: ووواك نا زدته بي الميا.
اسراء: باه تبي تركبي ينش الفوق.
ارتال: لالا مش هما يسحابوني بنتحشم وبيحرجوني فاأنا راح نطلع وراسي فوق ومش حندرقه وخلي الي بيضحك يضحك.
اسراء: انتي وراحتك مقوا قلبك لكن😳❤.
ارتال: هيا نطلعو شن منظري.
اسراء: كله تمام غير الكره الارضيه المرسومه في بطنك😂💔.
ارتال: ههههه خزي يلا نديرو جوله حول العالم 😂💔.
اسراء: هيا ننقانك الا صقع يابنت.
ارتال: عليهم صقع لكن انتم وبدر لا ياودي😻 حت غاده ومراد ومسره موصلوش فيا الا بالخير الحق.
اسراء: ههههه يعني تعترفي انك حبيتيني.
ارتال: عههههه نفس الشئ اكيد.
اسراء: ههههه والله انك تتحبي يافرخه.
ارتال: حت انتي 😘.
اسراء: قريب اتم الاستراحه ياهم وحني نلكلكو هني.
ارتال: شن هيا نلكلكو؟.
اسراء: هههههه يعني نهدرزو اعذريني ع بعض الكلامات الانه عايشه مع جداي ونص كلامها واخداته .
ارتال: لا عادي ولا يهمك نحب نتعرف ع حاجات الغريبه😂💔.
اسراء: ههههه باه.
ارتال: وكأن قارة اسيا اختفيت وله.
اسراء: ههههههههههههههه العقبه لي الباقي.
طلعت وكلهم يشوفولها ومستغربين وفي الي يوشوشو وهيا مش هامها حد ولا كأنه في حاجه صايره رجعت قعمزت معاهم وتفكر كيف بتردها.
منال: سوري ارتال مش قصدي سامحيني.
ارتال: لا عادي حصل خير😉.
بدر: شكلني مش حنفهمك😕.
ارتال: هههه علاش ع اساس انت مفهوم.
بدر: وربي شكله نصي التاني بيطلع انتي😂💔.
ارتال: ههههه يجوز عاد من كيفك لو انا طلعت نصك☺.
خالد كان معاهم ع خط.
خالد: اشببح الثقه 😂💔.
ارتال: شافتله وابتسمت الانه تتحشم منه😁.
خالد: اي صح من زيك 😉😂💔.
بدر: شوف التافه ينفخ فيهاا اكتر ما هيا منتفخه🌚.
اسراء: جايبه معايا خلال شن نفشها😂💔.
بدر: اديري فيا معروف بلله خير ماتزيد من الغرور.
ارتال: ماعندكش نيه شكلك😂💔
علي: خيير ياعيله.
بدر: هههههه شرف منبع الغرور الكبير.
ارتال: وشوشتة لي بدر...وحايس في روحه ومتعقد فوقها.
علي: 😒.
اسراء: وماحاسب في روحه.
مسره: يناري ع علي تلاقو عليه.
علي: خليهم خليهم.
مراد وغاده يهدرزو ومش معاهم ع الخط نهائي.
رن الجرس وبدو يركبو.
بدر: والله ماعندي نيه نركب ياعيله.
اسراء: حت ناا.
مراد: احنا ركبنا.
بدر: هوا انتم هني قصدك.
غاده: ههههه اي.
منال: هيا مسره.
خالد: ياودي معنديش نيه نحصل هزيبه حت نا بنركب.
قعدو اسراء وعلي وارتال وبدر لبدو ورا العرصه باش الاستاذ الي يدور مايشوفهمش.
ارتال: ياحليلنا كان يشدونا اسمعو فكونا خلي نركبو.
علي: وبري من شدك وقالك اقعدي😒.
ارتال: محدش كلمك انت.
علي: ماشي ماشي.
اسراء: تي اسكت انت وياها زي الفار والقطوس.
بدر: خلاص اطلعو شرشبيل مشى.
ارتال: قصدكم بيسجلونا غياب وله.
بدر: لالا بيكتبو حضور غير طلعت تاخد في هوا وراجعه.
ارتال: ها ها ها غير جديات نحكي يابدر.
اسراء: اي بيكتبو غياب ياهمي 😂💔.
علي: هذا كان ماحدش فيهم قالهم انهم لوطه ونمشو للأداره بدل الفصل.
ارتال: انا راكبه ياعيله😳.
اسراء: اشبح الخوافه قلها الادراه طول بتركب😂💔.
