ألــوان
الحلقه4
،
،
عصام طلب من الممرضه انه تجيبله التحاليل وجابتهم وبدر ع اعصابه.
عصام وجهه تغير بدي ألــــوان ألـــوان ومصدوم شبح لي بدر من دون مايحكي وهوا الصدمه باينه عليه.
بدر: زي ماكنا متوقعين صح؟.
عصام: للأسف اي.
بدر: الله الله مش مستوعب فهمني اكتر .
عصام: بنقررلك ع العمليه الانه الكيماوي توا معش ينفع ف المرحله هادي.
بدر: اشرله بي ايده👋🏻 وطلع مخنوووق بكل مش قاادر يستوعب كبر الصدمه ركب السياره تنفس بي القوه وشغلها وطلع قعد يتفرج علي الناس والشوارع يبي يبكي يبي يعيط مش قادر ف حاجه خانقاته... اتصل بي عصام.
عصام: الو بدر الله غالب قدر الله وماشاء فعل ارجع نبي نحكي معاك.
بدر: كم مزلي يوم يومين شهر شهرين قلي كم يوم مزال.
عصام: عيب الي تقول فيه الاعمار بي يد الله لكن مطلوب منك انك متستسلمش لي مرض يابدر ارجع خلي نديرو كم صوره وتحاليل باش تدخل لي العمليات.
بدر: مش حندير عمليه وماتقول لي حد علي الي صار مانبي حد يعرف.
عصام: كيف هك ضروري نقول لي اهلك.
بدر: سألتك بالله خليهم يحبوني كيف ما انا حب الشفقه مانبيشي في كم يوم الي قاعديلي.
عصام: غلط الي ادير فيه يابدر.
بدر: معش مزلي هلبا ولاا.
عصام: بدر بنديرلك العمليه سوا رضيت او لا ها قتلك.
بدر: شكرا يادكتور عصام ماتبي شي.
عصام: اصبر بس وربي ماينسى حد.
بدر: ههههه ان شاءلله متخافش💔.
سكر بدر من عصام وهني نفجر بكي لما استوعب فكرة انه مريض بسرطان مخ .
" اصعب انواع الخيانه هي ان تخونك صحتك"💔.
~
~~~~~~~~~~~~~~
~
ارتال: ماما انا ماراح اروح معاك عند عمتي.
امها: ليش.
ارتال: ماودي.
امها: مايصير اخليك بي البيت يلا قومي البسي بلا دلع.
ارتال: حاظر😩💔.
ناضت ارتال لبست وتبي تتطمن علي بدر بعتت مسج لي غاده وبعدين اتصلت بيها.
ارتال: الو غاده.
غاده: اهلين ارتال.
ارتال: كيف حالك.
غاده: تمام الحمدلله شنجوك انتي.
ارتال: الحمدلله..غاده شن صار مع بدر نبي نطمن عليه ماعنديش رقمه.
غاده: تعرفي حت مراد بكري كلمني قالي مختفي الفرخ نتصلو مقفل ومش في الحوش.
ارتال: حيي وين مشي عادي تبعتيلي رقمه.
غاده: ااه باه توا نشوفهولك عند مسره .
ارتال: اوك.
~
~~~~~~~~~~~~~~
~
علي: هي مراد روحنا.
خالد: خليكم نسكر المحل ونطلعو مع بعض.
علي: والله مافيها كيف بنرقد خلاص🤦🏼♂.
مراد: ديما وهوا بيرقد.
علي: خير من الي ديما وهوا يتسكع.
خالد: باه اسمعو شن منو بدر قاعد مفتحش هاتفه.
علي: روح مريض توا تلقاه ف الحوش راقد وقلهم الي يجي قلوله مش موجود غابي فيه انت يعني.
مراد: مفييك ويديرهاا😂.
خالد: لا ياودي غيبته هادي غريبه من الصبح للمغرب راه مجاش حت طق.
مراد: تي مافي شي توا شويه تانيه ويفتح تليفونه.
علي: اي.
طلعو مراد وعلي ومشو للحوش وخالد سكر المحل ومشي للحوش وبدر روح للحوش.
بدر: سمعليكوم.
امه: وعليكم السلااام طييب فيك وين كنت.
بدر: كنت ف المستشفى.
امه: خيير شن فيي😱.
بدر: صاحبي مداير حادث مشيتله.
امه: منو علي ولا مراد ولا خالد😳.
بدر: مش هادم صاحبي واحد تاني.
امه: كيف حاله قاعد ف المستشفى ولا روح.
بدر: الحمدلله روح مافيه شي.
امه: الحمدلله.
بدر: يُما.
امه: نعم.
بدر: مسامحتني💔.
امه: شن تقول انت اكيد مسمحاتك.
بدر: دنيا واخره.
امه: دنيا واخره.
بدر ناض باس راسها: ربي يطول ف عمرك.
امه: بدر شن في.
بدر: هههه مافي شي بوي وين.
امه: قاعد مروحش.
بدر: وبيسو مجتش اليوم.
امه: لا جت دخلت تكلم ف صاحبتها ف الدار.
بدر: بيسااااان.
امه: خليها توا تكمل تجي.
بدر: انا بنوض بنهدرز معاها وندوش ونرقد ماتبي شي.
امه: ماتبيش تتعشا.
بدر: ماعنديش نيه.
دخل بي الشويه لي بيسان ف الدار
