تحت قبضة الأجدع

البارت الاول

الكاتبة::- بلبل

ما هـوه أقوى من قلب الإنسان
‏الذي يتحطم مرارًا وتكرارًا وما زال يعيش

لاتنسون التصويت لطفا

°°°°°°°°°°°°°°°°°°°°°°°°°

نــــور ::-

في أحد البيوت العراقية سـاعـة ٨ صباحاً

::- چان نايمة بأمان اللـه فجأة اجه بابا

كعدني وكال كومي غسلي رايدچ ، كمت عــلى سريع غسلت وطلعت لكيتهم كلهم مجمعين كعدت يمهم التفتت بابا يتفحص كل العائله موجوده واردف

امجد:- باوعوا مادام اليوم ماكو شغل شرايكم نروح الزياره وهم اليوم خميس وهم جـو حلوو وندخل على كربلاء مصادفين الجمعة

امي وبيبي قبلوا وخواني كاموا يتكامزون يردون بس يصعدون سيارة

بـاوعلي بابا يشوف رائيّ بابا بكلشي يشورني لأن الكبيره هـزيت راسي برفض

چان جو بارد وقبل فتره اني رايحة وي بَيـبي زايرين كربلاء والنجف والكاظم عليهم سلام بحمله دار

امجد :- نــور ابوية ليش ماتمشين دكومي نغير جوو ونتونس مامليتي من كعدت البيت
وهـاي شوفت عينچ كلنا رايحين ضلت عليچ

::- انتوا روحوا اني قبل فتره زايره

كريمة:- يمة يا عمري مدشوفين كلنا رايحين شعدچ انتِ باقية واحنا انبات واحتمال نبقى اليوم وباچر همات إذا ابوچ ماعنده شي

::- يوم كتلچ ماروح تعبانة ولطريق بعيد وحتى مـامطلعتلي لبسة ولا غاسلة عباتي لو كايلين من البارحة چان غسلت صخمت

امجد:- هذا هو بوية بكيفچ يله كوموا لبسوا بين ما اعبي بانزين اجي الكاكم جاهزين

كريمة:- إذا ماتروح منو يبات وياها

-عمتها موجوده بعدها ممسافره تجي وتبات يمها بس هل ليلة واحنا باچـر بحيل اللــه الظهر راجعين

هزت راسها اوجها مبين ما راضي

خله وراح بابا وهي راحت تلبس اخواني صاحت جده تريد عصابتها وعباتها

كملوا لبس وبابا اخذلة ربع ساعة ورجع طلعووا بـ ٩ ونص الصبح اني رجعت نمت لحد ما صارت سـاعة بـ ١١ كعدت

سويتلي بيض عيون بس هاي الفالحة بيها وغيرها كلشي ماكو سويت چاي ولفة جبن مثلث كلش احبه

::- هي تسواية وحده بية حيل كل شي اسوي اطبكهن غدا وريوك ، خرب نــور شكد عجوزيه