رن تليفون مايا
مايا بأستغراب: دا رقم غريب غير الأول
أيهم بتأكيد : اكيد هو افتحي عليه وشغلي الاسبيكر
الشخص بخوف: الحقيني مايا
مايا بفزع : سمر
الخاطف بسخرية : أيوة سمر عليكي نور
مايا وهي بتتظاهر بالقوة عكس ما بداخلها : أنت خطفت سمر ليه
الخاطف بسخريه : متستعبطيش ي مومو كدا ازعل منك
مايا : أنا عملت إيه
الخاطف بضيق: مش قولت تسمعي الكلام ومتزعلنيش شوفتى حصل ايه
مايا بغضب: أنا كنت هاعمل اللي قولت عليه ليه خطفت سمر
الخاطف بسخرية واستهزاء: أنا مش عيل هتضحكي عليه أنا عارف إنك في الشركة وخدت اختك معاك واكيد قولت لمديرك بس اعرفي انه مش هيقدر يحميكى لا انتي ولا حد من اخواتك
ثم قال باستهزاء وأنا عارف أن هو بيسمعني ثم وجه كلامه لايهم وقال بتحدي
أنا بقولك اهو أنا هاكون قدامك بس انت مش هتقدر تعمل ليا حاجه
ايهم بغضب: أنت لو وقفت قدامي صدقني أنا مش هارحمك وكون ان هاحمي مايا اللي طلبت مني المساعدة فدا شئ مفروغ منه واكيد هاحميها والانسة سمر هتكون مع اخواتها النهاردة إن شاءلله
ثم اردف بسخرية
أنت لو كنت راجل مكنتش استخبت و حميته في الستات بس هاقول ايه الرجولة ماتت خلاص
الخاطف باستفزار: مستعجل على ايه يا ايهم باشا احنا أكيد هنقابل بس مش دلوقتي المهم عندي الورقة لو مضيتش عليها ابقي روح أقرأ الفاتحه علي الانسة سمر
ثم أردف بضحك مستفزة وبسخرية
سلام يا ايهم باشا 😂😂
ثم قفل
مايا ببكاء: اعمل ايه ياربي اخون ضميري ومبادئي اللي بابا رباني عليها علشان أنقذ اختي ولا اضحي بيها يعني
أنا تعبت يارب اموت علشان ارتاح بقي
فاطمة بخوف: بعد الشر عليكي متقوليش كده يا مايا احنا ان شاءلله هلاقي حل
مايا: يارب
ايهم وهو بيطمئن: متقلقيش يا مايا يلا بينا نمشي
فاطمة بتساؤل: هنروح فين
ايهم: بيتي هتكونوا هناك لحتي ما ارجع اختكم الانسة سمر
مايا وهي تفكر بهمس: أنا هاروح بيت البشمهندس هو أكيد هيقدر يرجع أختي ويحميني
مايا باستسلام: اوك
أيهم : روحي اغسلي وشك قبل ما ننزل
مايا : تمام
غسلت مايا وشها ثم خرجوا من المكتب
ـــــــــــــــــــــــــــــــــــــــــــــــــــــــــــــــ
نزل أيهم ومايا وفاطمه من المكتب
أيهم بجدية : روحي الجراج ي مايا وأنا هاجي وراكي
مايا بهدوء : ماشي يا بشمهندس
راح أيهم عند الإستقبال
أيهم : نبيلة
نبيلة (موظفه في الاستقبال ) بأدب : نعم يا افندم
أيهم : انهاردة اجازة للكل ابلغي الموظفين
نبيلة باستغراب : إجازة ليه يا افندم
أيهم بجدية : أعمل اللي قولت عليه من غير أسئلة
نبيلة بطاعة : حاضر يا بشمهندس
تركها وغادر إلي الجراج
أيهم : اتفضلوا اركبوا وانطلقوا ناحية بيت مايا
ـــــــــــــــــــــــــــــــــــــــــــــــــــــــــــــــ
بلغت نبيلة الكل أن باقي اليوم إجازة وغادر الكل كانت بتشيل حاجاتها في الشنطة وجاء موظف وسألها
مهاب بتساؤل : هو البشمهندس ادي الموظفين إجازة ليه
نبيلة بجهل: معرفش هو قال النهارده إجازة ومشي
مهاب بابتسامة: طيب كويس والله أنا كنت هاطلب إجازة علشان هاروح أجيب أهل مراتي
نبيلة: طيب كويس حظك حلو
مهاب: مع السلامه
نبيلة: مع السلامه
