بعد ما اغمي علي مايا
فاطمة بجدية مصطنعة : هو قفل السكة خلاص قومي يلا
فتحت مايا عيونها وقامت وقالت بغرور مصطنع:ايه رأيك في تمثيلي
ياسمين وهي تصفق لها : يخربيت تمثيلك أنا كنت شوية كمان واعيط
مايا بغرور مصطنع : اصلا انا كنت شاطرة في التمثيل جداا واخده جوايز كتيررر مفيش حد قدي
ياسمين بحماس : أنت فظيعة برفكت والله أنا صدقت
فاطمه بتمني : أنا هاموت واشوف شكله لما يعرف
مايا بتمني : وأنا الصراحة
فاطمة بغرور : لولالي مكنتوش عرفتوا هي فين
مايا بغيظ: خلاص ياستي متشكرين
(اكيد الكل عايز يعرف طبعا عرفوا مكان سمر إزاي )
شردت مايا كيف عرفوا مكان سمر
فلاش باك
كانت فاطمة علي السرير ما زالت نايمة من وقت ما كانت مغمي عليها وكانت تتحرك علي السرير بعنف وكانت في كابوس
سعاد بقلق: اصحي ي فاطمة فوقي ي فاطمه
وقامت فاطمه بفزع ونظرت حولها ثم تذكرت ما حصل قبل ما يغمي عليها
فاطمة بخوف : هو هو خطف سمر وهياذيها
ثم اخذت تبكي بشده وانهارت و ظلت تبكي لحتي ما هدأت وبقيت أحسن ثم خرجت ليهم
أيهم: مين اللي كلمك
فاطمه بخوف: اللي خاطف سمر
مايا بلهفه : مين اللي خطفها ي فاطمة
فاطمة بخوف : هيثم
مايا بصدمه :هيثم اللي خطفها إزاي
أيهم بتساؤل واستغراب : مين هيثم دا
مايا بارتباك : دا حاجه شخصية ي بشمهندس ثم وجهت كلامها لفاطمة المهم قالك إيه
فاطمة بخوف :أنا مستحملش واغمي عليا محلقش اكلمه أصلا
أيهم بجدية : ممكن الرقم طيب
فاطمة بتذكر : هو رن عليا من تليفون سمر أصلا ثم صمتت وتذكرت شىء ثم قالت بسرعه و لهفه
سمر معاها تليفونها كدا هقدر اعرف هي فين
أيهم بتساؤل :إزاي
فاطمة بذكاء :في تطبيق في تليفون سمر هقدر اعرفها مكانها من خلاله
أيهم : تمام شغليه
شغلت فاطمة التطبيق وعرفت مكان سمر من خلاله بسهوله لان تليفون سمر لم يكن مغلق فعرفت مكانها بسرعة
زين بجدية : يلا نروح نجيبها
باك
فاطمة بقلق : هما اتاخروا كدا ليه المفروض يكونوا في الطريق
مايا بقلق هي الاخري: إيوة صح المفروض يكونوا وصلوا خلاص
ياسمين: هدوا ي جماعة زمانهم في الطريق
فاطمه بقلق : أنا خايفه اووي وقلبي مقبوض يارب ميحصلش حاجة وترجع بخير
ـــــــــــــــــــــــــــــــــــــ
في المكان اللي مخطوفه فيه سمر في الصحرا
دخل أيهم وزين وهجموا علي المكان وقبضوا علي هيثم وكانت سمر في غرفة مقفوله فتحوا بابها ودخلوا وأول ما دخلوا صدموا بشده
ايهم بصدمه:.........
ــــــــــــــــــــــــــــــــــــــــــــ
سعاد بقلق : أنا قلبي مقبوض حاسه ان سمر فيها حاجة
نادية:مقولتش كدا أكيد هي بخير
سعاد بخوف و قلق علي بنتها : يارب يارب
ناديه:أهدي كدا وروحي اتوضي وصلي وان شاء الله هي هتكون بخير
ـــــــــــــــــــــــــــــــــــــــــــ
أيهم بصدمه : قنبلة
سمر ببكاء وكانت القنبلة ملفوفه حولها:ابعدوا من هنا أبوس ايديكم ابعدوا
أيهم بقلق :دي في قنبله
زين بارتباك :احنا معرفش أنه هيركب قنبلة ومعملتش حسابي علي كدا
أيهم بجدية : رن علي فرقة متخصصة طيب
زين بعقلانية: منه ما يجوا تكون القنبله انفجرت ي أيهم
أيهم بقلق : هنعمل ايه طيب احنا مش هنقدر نفككها لازم متخصصين
فكر زين في شىء ثم قال
زين بشجاعة: أنا هوقفها
أيهم بتساؤل : إزاي ي زين بس
زين بذكاء : القنبلة الكل عارف بتفك إزاي
أيهم : خلاص حاول يلا
زين:ماشي
اتقرب زين من سمر
سمر ببكاء : متقربش ابعد لو سمحت أبعد القنبلة ثلاثة دقائق وهتفجر
زين بحدة وصوت عالي ارعبها: أهدي علشان متوترتش واعرف أفك القنبلة
زين بتفكير : القنبلة سلكين بس اكيد هو الاحمر مش محتاج ذكاء
شد زين السلك الاحمر فزادت سرعة القنبلة
زين في نفسه بصدمة : نهار أبيض
أيهم بقلق :زين سرعة القنبلة زادت ليه أنت سحبت السلك الغلط
زين بهدوء عكس ما بداخله : أهدي ي أيهم
أيهم بعصبية : أهدي إزاي والقنبلة فاضل دقيقة ونص وتنفجر
زين بجدية :أنا هشيل السلك التاني وهتبطل
شال أيهم السلك ووقفت القنبلة عند الثلاثة ثوان وتحولت ملامحه من القلق الي السعادة
أيهم بشكر وامتنان : الحمدلله شكرا ي زين
زين : مفيش شكر ماشي بينا ي أيهم
شال زين القنبلة من حول سمر وطلعها
زين باسف: آسف أن زعقت فيك
سمر بشكر : أنا متشكره جدااا معرفش لولاك كان حصلي إيه
أيهم بتعب : يلا نروح يلا اليوم كان طويل
خرج الجميع وكان حازم ماسك هيثم
حازم بسخرية : خطف وقتل وفي الاخر طلع عيل سيكي ميكي يلا ي حيلتها
أيهم بجدية وتساؤل : انت جيت امتي
حازم بمزاح : جيت مع القوات ي عمنا في حاجه
ايهم بتوعد : حسابك معايا بعدين يلا بينا
في لحظة خاطفة خطف هيثم المسدس من زين ومسك سمر وصوب المسدس في رأسها
هيثم بتهديد :لو ما مطلعش من هنا هاقتلها
زين بعقلانية : متزودش الحكم عليك خلي الحكم يبقي خفيف
هيثم بتهديد : الكل يرمي مسدسه
رمي الجميع مسدسه ووانحني حازم وهو يضع مسدسه في الأرض وضرب النار علي سمر فوقعت من بين يدي هيثم وضرب هيثم النار علي حازم فى بطنه وحازم ايضا ضرب عليه النار قريب من قلبه
حازم باسف : أنا آسف ي أستاذة
سمر بالم : اسف علي أي أنت ضربتني بالقلم دا أنت ضربتني بالنار كان قدامك حلول تانيه غير كدا اوعي من وشي
زين بعملية : خدهم علي المستشفى ي أيهم واناا هشوف اللي هنا
أيهم : ماشي
قطع حازم جزء من القميص الخاص بيه
حازم بألم : خدي اربطي الجرح إللي في إيدك علشان متزيفش كتيرر
سمر بكره : مش عاوزة حاجة منك أنت بالذات
أيهم بحدة : سمر حازم عنده حق خدي اربطي جرحك ومش عاوز كلام كتيررر
سمر بأدب: بشمهندس أنا بحترمك لانك زي اخويا الكبيرر بس اعذرني مش هسمع كلامك
أيهم بهدوء : مش لسه قايلي ان أنا اخوك المفروض تسمعي الكلام خدي يلا واربطي جرحك
سمر بعند:لاء مش هعمل
حازم بجدية : وقف العربيه ي أيهم
نزل حازم وركب وراه وربط جرح سمر
حازم بحدة ووغضب: أنا ربطتها ليكي لأنك مكنتش هتعرفها تربطيها دا لو فكرت تفكيها هضربك بالنار واخلص منك واطلع زي شعرة من العجين دا اولا ثانيآ بقي لو اتكلمت هضربك برضوا وهخرج بسهولة متكلمش كتيرر علشان طالع من العملية تعبان واحدة غيرك كان زمانها بتبوس ايديها وش وضهر لانها طلعت عايشة بعد اللي حصل النهارده وياريت مسمعتش صوتك مفهوم
لم ترد سمر
حازم بحدة: قولت مفهوم
سمر بلا مبالاه رغم خوفها من صوته : مفهوم مفهوم ممكن تفضل قدام بقي مينفعش حضرتك تقعد جنبي أصلا
حازم باستفزاز : قعدت جنب السفيرة عزيزة وأنا معرفش
سمر بغيظ : هههه دمك ثقيل
أيهم بصداع منهم : بس خلاص كفاية صدعت منكم يلا ي حازم احنا وصلنا خلاص
نزلت سمر وأيهم ونزل حازم وكاد أن يتحرك لكنه اغمي عليه لأنه فقد دم كتيررر
سمر بفزع : يالهوي دا اغمي عليه
أيهم بخوف : تقريبآ نزف كتيررر ممكن لو تنادي حد من جوه
جرت سمر للداخل
سمر وهي تنادي الممرض بعجلة: لوسمحت معلش في راجل مصاب بره وعاوزين دكتور ضروري
خرجت سمر مع الممرض الذي جلب الترولي وضعوا عليه حازم ودخلوا به العنايه المركزة
أيهم بجدية : تعالي نروح لدكتور نشوف جرحك ي آنسة سمر
سمر وهي تهون عنه : هو هيكون بخير متقلقيش
أيهم بهدوء : اكيد هيكون بخير أنا متاكد حازم جامد وهيبقي قووي أن شاء الله
دخلت سمر للدكتور وخيطت جرحها ولم يكن جرح سمر خطير بل كان سطحي ولم تنزف كثيرآ مثل حازم
ـــــــــــــــــــــــــــــــــــــــــ
وذهبوا مرة اخري عند العمليات وبعد قليل خرجت الممرضة
الممريضة : المريض محتاج دم لانه نزف كتيرر وفصيلة دمه نادره ومش موجودة في المستشفي
أيهم بغضب : إزاي فصيلة دمه مش موجودة في مستشفي كبيره زي دي أنتوا أكيد مجانين
سمر بتساؤل : فصيلته إيه
الممرضة بعملية: او سلبي
سمر بشجاعة : نفس فصيلتي أنا هتبرع ليه
أيهم بقلق : بس أنت متصابة مش هينفع طبعا
سمر بطمانيئة : ي بشمهندس هي قالتلك فصيلته نادرة علي ما ندور يكون حالته بقيت صعبه وأنا بخير متخافيش عليا
ثم وجهت كلامها الممرضة : لو سمحت أنت جاهزة يلا بينا
دخلت سمر واخذوا منها الدم ثم خرجت
أيهم وهو يعطي العصير لها : خدي اشربي علشان تعوضي عن الدم
سمر بابتسامة وهي تاخذ العصير : شكرا
أيهم : العفو وشكرا ليك ي سمر
سمر باستغراب : بتشكرني ليه
أيهم : لانك انقذت حازم رغم انه
سمر : ي بشمهندس أنا عملت كدا علشان انسانيتي ولو حد تاني كنت اتبرعت برضو
ـــــــــــــــــــــــــــــــــــــــــــ
رن آسر علي أيهم
آسر: السلام عليكم
أيهم : وعليكم السلام
آسر بقلق : فينك ي أيهم المفروض تكون وصلت من بدرى
أيهم : أنا في المستشفي لان حازم اتصاب
آسر بقلق : طيب هو بخير دلوقتي ولا إيه
أيهم بجدية : لسه في اوضة العمليات
آسر بخوف : أنا هاجي ليك طيب
أيهم : لاء خليك أنا هطمن علي حازم وبعدين هاجي المهم قول لمايا وأهلها أكيد قلقانين علي سمر
آسر : ماشي
خرج الدكتور من العمليات
أيهم بلهفة : هاقفل معاك لان الدكتور خرج مع السلامه
آسر : مع السلامه أبقي طمني وقولي الدكتور قال إيه
أيهم بجدية : ماشي مع السلامة
ـــــــــــــــــــــــــــــــــــــــــــــــ
أيهم : خير ي دكتور حازم بقي كويس
الدكتور بابتسامة وعملية : الحمدلله بقي بخير وعدي مرحلة الخطر الفضل كله يرجع للمدام وأشار علي سمر
وبعد شوية هنقله علي أوضة تانية وبعد ساعة أو نص ساعة هيفوق
أيهم بأمتنان : متشكر ي دكتور متشكر جدا
الدكتور : أنا معملتش حاجه ي بشمهندس بعد اذنكم
أيهم : يلا اوصلك وبعدين ارجع يكون حازم فاق
سمر بهدوء : تمام
ذهب أيهم وسمر الي العربية وركبوا ثم انطلقوا إلي البيت وبعد دقائق قليله وصلوا البيت
سمر باستغراب وهي تنظر إلي فيلا أيهم ثم ادرت وجهها إلي أيهم : بيت مين دا وحضرتك جبت هنا ليه
أيهم : اهدي ي آنسة سمر أولا دا بيتي ثانياً أنا جبتك هنا علشان عيلتك جوه
سمر بفهم : تمام ومتشكرة لحضرتك ي افندم إنك انقذت حياتي
أيهم بابتسامه : المفروض أنا اللي اشكرك مش العكس
سمر وهي تهم بالنزول : بعد اذنك
ايهم : إذنك معاكي
نزلت سمر وانطلق أيهم بعربيته
دخلت سمر وخبطت علي الباب وفتحت لها الدادة
الدادة سميرة : نعم مين حضرتك
سمر باحراج : أنا سمر اخت الانسة مايا سكرتيره
الدادة بترحيب : اتفضلي اخوات حضرتك جوه
دخلت سمر الفيلا وكانوا البنات قاعدين في الصالة عند الباب
فاطمة بفرحة : سمر
وركضت مايا وفاطمة ناحية سمر وحضنت مايا سمر وكانت فاطمة تحاول تبعد مايا لكي تحضن سمر أيضا
فاطمة بغيظ : أوعي ي مايا أنا كمان عاوزه اشوف سمر
وعندما وجدت أنها لم تتحرك رفعت حاجبها وقالت بغيظ : طيب ي مايا
ثم لفت يديها وحضنت سمر ومايا معا
مايا ببكاء : الحمدلله إنك بخير
سمر بحب : خلاص متعيطيش ثم اضافت بمرح دا أنا انهاردة عيشت في جو أكشن وخطف ولا كأني في فيلم أكشن
فاطمة : الحمدلله انك بخير ثم قالت بهمس
عمل معاكي حاجة او اذاك
سمر : هقولك بعدين
أتت سعاد بعد ما صليت وحضنت سمر
سعاد بحنان : حمدلله على سلامتك
سمر : الله يسلمك ي ماما
مايا وهي تشير إلي والدة أيهم واخته : دول ياسمين وام البشمهندس أيهم
نادية : حمدالله على سلامتك
سمر : الله يسلمك
ياسمين : حمدلله على السلامة
ــــــــــــــــــــــــــــــــــــــ
مرت ساعة واستيقظ حازم وكانت الممرضة تشيل لها المحلول وتضع اخر
حازم بألم : أنا فين
الممرضة بابتسامة : حمدلله بالسلامه ي افندم حضرتك كنت متصاب واخو حضرتك ومراتك هم اللي جابوك ومرات حضرتك اتبرعت بالدم ليك واضح انها بتحبك اووي
حازم بدهشة : مرات حضرتي هي تقصد مين
خرجت الممرضة وبلغت أيهم ودخل أيهم سريعاً
أيهم بلهفة وهو يحضنه بشده : حمدلله انك فوقت وقعت قلبي
حازم بالم : هتخنق ي أيهم فابتعد أيهم سريعاً وأكمل حازم بمرح : مكنتش اعرف انك بتحبني قووي كدا ي روحي
أيهم بغيظ : دا أنا هعملك جروح جديدة غير اللي فيك لما جروحك دي تخف
حازم ببراءة طفل الذي كشفته والده خطوه: أنا عملت ايه بس
أيهم بسخرية : برئ ي بيه هصبرك عليك لما تخف شوية
حازم وهو يسأل علي شئ وهو عارف اجابه سوأله : مين اللي اتبرع ليا بالدم
أيهم بخبث : بزمتك مش عارف يعني
حازم وهو عارف أن هو مكشوف لاخيه : هو انت هتخسر حاجة لو قولت مين
أيهم بتهكم : أنا فصيلتي دمي غير دمك فأكيد مش أنا اللي اتبرعت ومش هقول اكتر من كدا
حازم بدهشة : هي اللي اتبرعت بس إزاي
أيهم : إزاي إيه
حازم : إزاي اتبرعت ليا وهي كانت مضايقه خالص وهتولع فيا
أيهم : عادي ي بني
حازم بغموض : أيهم
فهم أيهم ماذا يريد حازم
أيهم بحدة : متفكرش ي حازم
حازم : أنت تعرف أنا مش بحب أقعد هنا حاسس إني مخنوق ي أيهم
أيهم بخبث : اوك بس بشرط
حازم بغيظ : شرط إيه
أيهم بخبث : هقولك عليه بس موافق الاول
حازم : موافق المهم أخرج من هنا
أيهم : البس علي ما اروح أقنع الدكتور
راح أيهم الدكتور
أيهم : ممكن ادخل
الدكتور : اتفضل ي بشمهندس
أيهم : هو ممكن حازم يخرج دلوقتي
الدكتور بدهشة : دلوقتي إزاي وهو لسه طالع من العملية
أيهم بحنق : هو عنيد ي دكتور وعاوز يخرج
الدكتور بابتسامة : خلاص ماشي بس ميعرضيش لأي ضغط او يبذل مجهود علشان الجرح ميفتحش هاروح اشوفه علي حضرتك تفتح حساب المستشفي
راح أيهم يدفع الحساب وشافته الدكتورة التي عالجت جرح سمر
الدكتوره : بشمهندس
أيهم : نعم
الدكتورة بعملية : دا أدوية المدام سمر وهي حرارتها ممكن ترتفع فأحسن تعملوا ليها كمادات لو ارتفعت
أيهم : تمام متشكر
راح عند حازم لقي الدكتور خلص
الدكتور بعملية : دا تعهد مدام هو عاوز يطلع
أيهم : تعهد إيه
الدكتور : دا تعهد لو جري ليه حاجه المستشفى مش مسئوله
حازم : تمام ي دكتور امضي ي أيهم
أيهم بغيظ: ماشي ي حازم دا أنا هفرقع من برودك دا
حازم بمرح : بعد الشر عليك من الفرقعة
ضربه أيهم علي كتفه
حازم بألم : ايدك ثقيلة ي عم ايدك دي ولا مطرقة
أيهم : هزر ي حازم تاني وانا هعملك جرح جديد
حازم بخوف مصطنع : لاء خلاص حرمت
أيهم بغضب مصطنع : مش بتيجي غير بالعين الحمرا
حازم : خلاص ي عم ولا علشان أنت الكبير يعني
نظر له أيهم نظره ارعبه فسكت أخيرا
وكان هذا يحدث والدكتور يقف ويتابعهم
أيهم : اسفين ي دكتور بس نعمل إيه في الأستاذ عنيد
دكتور : ربنا يحفظكم لبعضوو عادي ي بشمهندس ولا يهمك المهم زي ما قولت بلاش مجهود ويرتاح
أيهم : متخافيش ي دكتور أنا هيخليه راقد علي السرير لاسبوعين قدام
خرج الطبيب وبعد قليل خرج أيهم وحازم
ركبوا العربية وانطلقوا ولاحظ حازم أن الطريق الذي يسير فيه أيهم غير الطريق المودي إلي بيته
حازم : رايحين فين ي أيهم
أيهم : الفيلا
حازم بضيق : وديني علي شقتي ي أيهم
أيهم : طبعا لاء انت متصاب ولازم حد يعتني بيك ودا مش هينفع وأنت قاعد لوحدك طبعا
حازم : وديني البيت ي أيهم أنا مش عاوز ماما تشوفني وأنا متصاب أكيد هتقلق وتخاف اكتر ما هي خايفة
أيهم : مش أنت وافقت علي شرطي بتراجع ليه اها
حازم بغيظ : ما أنت مردتيش تقولي الشرط
أيهم بهدوء : حازم اسمع الكلام لو فضلت لوحدك مين هياخد باله منك غير ان
قاطعته حازم : خلاص ي أيهم قبل ما تبدأ محاضرة عن مين اللي ياخد باله وديني البيت ي سيدي
ضربه أيهم علي كتفه وقال بغيظ : ايه محاضرة دي غير مش أنت اللي فتحت الموضوع استحمل بقي
حازم بالم وهو يضع يديه علي كتفه : كل شوية هتضربني إيدك ثقيلة علي فكرة لاحظ إني تعبان
أيهم بغيظ : أنت تعبان أنت......أنت ثعبان 🐍مش تعبان
حازم : خلاص آسف
أيهم : أنا مش هكلمك في حاجه ي حازم دلوقتى لما تروق هنتكلم وقتها
حازم بضيق : ماشي
ظلوا صامتين حتى وصلوا البيت وسند ايهم حازم ودخلوا البيت
ــــــــــــــــــــــــــــــــ
في نفس الوقت
كانوا البنات قاعدين في الصالة الخارجية وكانوا بيهزورا ويضحكوا مع بعض وبقوا اصدقاء مع ياسمين
فاطمة بقلق:اتصابت إزاي ي سمر
سمر:متجيبش سيرة الموضوع دا....دا بيفور دمي والله
ياسمين بحماس : ليه حصل إيه
أصبحت ياسمين كصديقه لهم واخذوا ارقام بعض ويتحدثوا
سمر بغيظ : حصل مصايب أو تقولوا مصيبه كبيره
سمر : هحكي ليكم بعد ما الضابط فك القنبله وطلعت معرفش إزاي بس فجأه هيثم
ياسمين : هيثم مين
سمر بضيق : اللي كان خاطفني
ياسمين بفضول : عرفت اسمه ازاي
ظهر الضيق علي وجه فاطمة وقالت سمر : مش المهم منين أكمل
ياسمين بحماس: كملي
سمر: المهم مسك وخد مسدس يمكن خده من الضابط مسكني وكان موجه المسدس ناحيه رأسي وبيهدد يضربني وبعدين ضابط معرفش أسمه إيه هو طويل وعيونه سوداء غير الضابط اللي فك القنبله قام ضرب عليا النار وأنا وقعت وبعدين ضرب علي هيثم وجه ناحيتي وقعد ياسفني المهم أنا شتمته
مايا بغيظ: الضابط انقذك وأنت شتمت
سمر بسخرية : هو ضربنى بالنار عاوز اعمله تعظيم سلام......... وشكله أساسا فاشل معرفش يضرب لو شاطر كان ضرب الشخص اللي ورايا في رأسه بس هو اختار إني يضربني........ معرفش إزاي هو ضابط أصلا شكله داخل الشرطة بوسطة أبويا يمكن يكون وزير ودخل بوسطة هو ميعرفش ينشن...... لاء والبجج بعد ما ضربني زعق فيا في العربيه واحد قليل الأدب أصلا
أنا قليل الأدب وفاشل
ـــــــــــــــــــــــــــــــــــــــ
رأيكم بليز
تصويت وتعليق
