الفصل الرابع
زين بحب : هتسيبني واقف على الباب يا صحبي
أيهم بفرحة : طبعا لاء
ثم حضنه حضن اخوي وأردف : وحشتني جدااا
زين بحب : وانت كمان والله
أيهم بعتاب : احنا مبقاش نشوفك يا زين
زين بتفسير : غصب عني والله اديني نقلت لهنا اهو وهاقرفك كل يوم
أيهم بمرح : تعال هنا واحنا اللي هنقرفك كل يوم
زين بضحك : خلاص ماشي
أيهم بسعادة : تعال ادخل يلا
زين : مرة تانية للوقت اتأخر خد دي شنطة اختك نسيتها في العربية
أيهم بتساؤل: انت اللي وصلت ياسمين
زين : ايوة
أيهم : تعال ادخل طيب حازم جوه وآسر كمان يلا ندخل
دخل زين مع أيهم
حازم بسعادة : زين وحشاني جدا حمدا لله على سلامتك
زين : الله يسلمك وانت كمان كنت وحشاني علشان كدا نزلت بسرعة
آسر بمرح : أهلا يا زين عاش من شافك
زين : ازيك يا آسر حمدالله على السلامه
آسر : الله يسلمك
ياسمين بدهشه : انت تعرفه يا أيهم
أيهم بجديه : اه اعرفه هو كان صحبي في الثانوية بس دخل شرطة وأنا دخلت إدارة أعمال وهو صاحب حازم كمان
زين وهو يمد يديه بالشنطة : اتفضلي شنطة حضرتك
ياسمين بشكر : شكرا خالص ليك يا استاذ زين
حازم باستغراب : رابط ايدك ليه كدا يا زين
ياسمين بندم : هو اتجرح بسببي علشان كان في اولاد حاولت تهجم عليا بس الاستاذ ساعدني
أيهم بصدمة : ايه اولاد حاولت تهجم عليكي لاء انتي تحكي اللي حصل معاك من أول ما خرجت من العيادة
سردت ياسمين كل اللي حصلها
نادية : متشكرة جدا يا بني اللي عملته مع ياسمين
أيهم : شكرا بجد يا زين
زين : اي حد مكاني كان عمل كدا يا أيهم وكلكم هتقعدوا تشكروني يعني هاروح امشي خلاص
حازم : لاء خليك خلاص هنقعد كلنا مع بعض
نادية : خليكم انتوا هنا وانا وياسمين هنكون بره
أيهم : ماشي يا ماما
نادية : اكيد جائعة انا هاروح احضر ليكي العشاء
ياسمين : ماشي يا ماما انا هاروح اصلي واغير هدومي وهاجى
نادية : طيب
ـــــــــــــــــــــــــــــــــــــــــــــــــــــــــــــــ
في عروسة البحر المتوسط الاسكندرية المحروسة أشرقت الشمس في بداية يوم جميل وفي منزل من منازل الموجودة في المدينة الرائعة كان الكل نائما ما عدا فتاة ظلت مستيقظة طوال الليل تفكر في ما حدث معها أنها بطلتنا مايا
مايا بشرود : اعمل ايه ياربي أنا مستحيل أوافق على اللي طلب منه هو ممكن يإذي حد من أخواتي انا اقوله ولا مقولش انا لاء مش ممكن اعمل كدا انا هقوله وهو يصرف ويبلغ الحكومة بس هو هياذي اخويا كدا واكيد هيبقى مراقبني وانا اروح اقوله تاني يوم لاء خلاص مش هقوله خلاص هابعت اختي سمر وهي هتقوله ايوة كدا صح أنا مستحيل اخليه يإذي حد من عيلتي
دخلت سمر الاوضة ووجدت مايا شاردة
سمر : مايا مايا
لم ترد مايا
سمر وهي تهز في كتفها
:-يامايا
مايا : ايه في ايه
سمر : انتي اللي في ايه بنادي عليكي بقالي ساعة يلا عشان تفطري
مايا : حاضر جاية اهو
فطرت مايا مع عيلتها ثم قامت
:- حمزة باص المدرسة وصل يلا بينا
حمزة : أنا مكنتش هاروح بس علشان خاطر انت هانزل
مايا بضحك
:- بكاش بس روح قلبي برضو
ونزلت مع اخوها عشان تركبه باص المدرسة ثم طلعت تاني
ماما : فاطمة وسمر انا عاوزة اخد رايكم في موضوع
فاطمة : خير يا مايا في ايه
سمر : مايا انا بدأت اقلق غير أن شكلك مش بيطمئن
فاطمة بقلق :
:-احكي ايوة بسرعة من غير مقدمات
مايا بتروي : تعالوا الاوضة طيب
سمر وفاطمة : ماشي
دخلت مايا وسمر وفاطمة الاوضة وخرجت سعاد من المطبخ لأنها سعاد كانت في المطبخ بتجيب حاجة
سعاد : البنات راحوا فين
فجأة سمعت صوتهم من الداخل فلسه هتفتح الباب سمعت مايا بتقول
في الداخل
مايا : أنا امبارح اتأخرت علشان كنت مخطوفة
شقهت فاطمة وسمر بصدمة
مايا : اهدوا علشان ماما ما تسمعيش
سمر بتأنيب : مخطوفة ولسه فاكرة تقول يا مايا
مايا بحزن : لما تعرفي يا سمر هتعذريني ثم وجهت نظرها لفاطمة : مش هتقولي حاجة
فاطمة : لما أسمعك للآخر
فتحت سعاد الباب قالت بقلق
:- مخطوفة مين اللي خطفك وليه وليه مقولتش يا مايا
مايا : اهدي ياماما وانا هقولك
ثم بدأت بسرد ما حدث معها بتفصيل
سعاد بحزن : وعشان كدا قلبي كان مقبوض امبارح كنت حاسة انكي في مصيبه وليه مقولتش من الصبح انك كنت مخطوفة
مايا بضيق : غصب عني يا ماما دا مهددني
سمر بتساؤل: طيب هتعملي ايه هتبلغي الحكومة ولا ايه
فاطمة بحذر : انتي غبية يا سمر مقدرش طبعا تبلغ الحكومة ولا ناسية هو هددها بايه
سمر بتبرير : بس ممكن يكون تهويش منه كلام يعني يخوفك بيه
مايا بضيق : دا خطفني مش هيقدر يخطف عيل عنده 51 غير هو مصور فيديو لحمزة وهو خارج من المدرسة اكيد هيقدر يوصله
سمر : وانتي ياماما رايك ايه
سعاد : مش هقدر نبلغ طبعا احسن حل تقولي لمديرك وهو يتصرف يا مايا
فاطمة بجدية : ماما عندها حق تروحي تبلغي مديرك علشان هو اكيد مراقبك لو روحت تبلغي هيعرف غير لازم يكون معاك دليل مش هتبلغي فراغ كدا
سمر بذهشة : ايه الذكاء دا يا بت يا فاطمة مكنتش أعرف أنك ذكية كدا
فاطمة : لو مكنتش ذكية مكنتش متخرجة من كلية تجارة
مايا : متطلعوش بره الموضوع
سمر باقتراح : مش هو مراقبك ما ترني على البشمهندس بالتلفون
سعاد : احنا منقدرش نرن اكيد مراقب التلفون
فاطمة : ومراقب التلفون جبتها منين دي ياسوسو
سعاد باستنكار : ابوك الله يرحمه كان ضابظ يا آخرة صبري
فاطمة بمرح : ابويا ضابط مش امي اللي ضابط
مايا : سيبك منها اكملي ياماما
سعاد : المهم انتي تقولي لرئيسك في الشغل
مايا بنفي : بس انا مقدرش اكيد مراقبني زيادة وخصوصا اللي بابقي مع المدير دايما
سمر باقتراح : خلاص اروح انا أو فاطمة
مايا باتفاق : تروح فاطمة احسن كأنها بتسأل على شغل اتفقنا
فاطمة : اتفقنا اروح امتى
مايا : انا خدت النهاردة اجازة وهاروح بكره احسن
رن الفون بتاعت مايا
مايا : الوووو
الخاطف : تيك توك تيك توك الوقت بيعدي
مايا : مين معايا
الخاطف بسخرية : نسيت صوتي دا صوتي مألوف حتى
مايا : انتي اللي خطفني
الخاطف بتصفيق :، عليكي نور ذاكرتك قوية
مايا بقرف : دا كان يوم اسود يوم ما قابلتك يا أخ
الخاطف بمرح : كان يوم حبك أجمل صدفة لما قابلت مرة في صدفة
مايا بقرف : اخلص يازفت
الخاطف بتحذير : طيب ليه الغلط انتي مش عاوزة اخوك يرجع البيت ولا ايه
مايا ببرود : انا مغلتطش ومش كل شوية هتهددني بخويا هات واحدة غيري احسن اشمعني انا
الخاطف بضحك : انا قولت ان أيهم باشا بيثق فيكي يا حلوة
مايا : اخلص عاوزة ايه
الخاطف بجدية : المهمة بعد ثلاثة أيام
مايا بضحك : المهمة بتكلم زي المخابرات كدا ليه هم المخابرات قبضوا عليك ولا ايه وبقيت تكلم زيهم هههههههه
الخاطف بتهديد : بت ماتسبعطي انا ممكن اخطف طمطم أو سمر اهو الواحد يتسلى شوية هههههه
مايا بغضب : افكر تعملها ساعتها أبلغ عليكي
الخاطف بسخرية وضحك : انا ممكن اعملها ومش هتقدري تبلغي حتى
مايا بغضب : دا عشم ابليس في الجنة
الخاطف بحذر : المهم الورقة هتيجي عندك آخر النهار سلام يا حلوة
مايا : سلام إلهي ياكلك قطر يااخي
سمر بخوف : يانهاري اسود انا بدأت اخاف
مايا بقوة : انا تصميمي زاد أكثر عشان سبيبين اولا بابا توفي وهو بيدافع عن بلده وانا فاكرة انهم كانوا تاجر أسلحة وثانيا انا مش هافرح غير لما يدخل السجن عشان يخطف مايا يحيى تاني
سعاد : ربنا يستر
مايا : يارب يا ماما ثم وجهت كلامها لفاطمه قومي البسي يلا نروح النهاردة خلاص
فاطمة : حاضر
سعاد : خدوا بالكم من نفسكوا
حاضر : ياست الكل
قامت فاطمة ومايا عشان يلبسوا ثم خرجوا
مايا : مع السلامه يا ماما
سعاد : مع السلامه يابنتي
سعاد وهي تدعو :
:- ربنا يستر يارب ويرجعوا سالمين غانمين
سمر :متقلقش مايا ب100 راجل
سعاد :انا واثقة فيها بس برضو خايفه عليها
سمر : هتبقى كويسة انا واثقة فيها
