فجأة زجاج الشباك اتكسر ودخل الشاب ايديه وفتح الباب ومسك ياسمين من يديها ونزلها من العربية
ياسمين بخوف وصراخ وهي تحاول أزاح يد الشاب اللي ماسك يديها : بعدوا ابوس أيديكم
ياسمين وهي تبكي : سيبوني.... ابعد عني.....
وطلعت من وراءها ضهرها رشاش الفلفل ورشت على الشاب اللي ماسك يديها
الشاب بصراخ : اه.... عيني ثم صرخ لأصدقاءه : امسكوها يلا
جروا الولدين وراء ياسمين وهي كانت بتجري بكعب عالي قلعت الجزمة علشان تعرف تجري بسرعة وفجأة
ـــــــــــــــــــــــــــــــــــــــــــــــــــــــــــــــ
في بيت مايا يحيى
كان والدة مايا قلقانة على مايا و كانت خايفة عليها
سعاد بقلق : مايا اتاخرت اوي يا سمر انا خايفة عليها اوي
سمر وهي تطمن مامتها: متقلقش ياماما اكيد في الطريق
سعاد بنفي : اختك بتطلع الساعة 8 والساعة دلوقتي 11
3 ساعات في الطريق ليه هي في بلدنا اللي جنبنا يعني ما في نفس البلد
فاطمة بتفكير : يمكن في زحمة مواصلات يا ماما
سمر بتأكيد : يمكن ايوة
سمر وهي تفتكر : انا معايا رقم البشمهندس أيهم هارن عليه ممكن يكون طلب شغل منها ولسه متخلصش
فاطمة : بسرعة يا سمر
سعاد بتأكيد : رني ايوة شوفيه
رنت سمر على أيهم واعطاها جرس ومفيش حد بيرد
سعاد : رد
سمر : لسه ياماما
ـــــــــــــــــــــــــــــــــــــــــــــــــــــــــــــــ
في بيت أيهم الجناوي
كان أيهم جالس مع عائلته وبيضحكوا مع بعض
أيهم بصوت رجولي : الوووو
سمر بهدوء : السلام عليكم ورحمة الله وبركاته
أيهم : وعليكم السلام ورحمة الله مين معايا
سمر وهي تعرف على نفسها : انا سمر يا بشمهندس أيهم اخت مايا سكرتيرتك
استغرب أيهم ليه اخت مايا بتتصل عليه فتوقع يكون حصل لمايا حاجة
أيهم بقلق : ايوة خير في حاجة مايا فيها حاجة
سمر بخوف : الصراحة الوقت اتأخر ومايا لسه مجيتش البيت فأنا فكرت ان ممكن تكون حضرتك طلبت منها شغل كتير وهي اتاخرت يعني
أيهم بنفي : انا مطلبش اي شغل منها غير أن مايا ماشية من المكتب في الميعاد بالضبط
سمر بفزع: طلعت في الميعاد ولسه موصلش احنا قلقانين والله هي اتاخرت خالص دي مايا عمرها ما اتأخرت كدا
أيهم وهو يقترح اقتراح : طيب متروحي تقدمي بلاغ في الشرطة
سمر : انا لو روحت هيقولوا لازم يعدي 42 ساعة ومش هيدورا وانا واختي نطلع ندور عليها في المستشفيات والأقسام ممكن يكون حصل ليها حاجة وراحت المستشفى
أيهم بتساول : تطلعي انتي ليه مفيش راجل معاكوا يطلع يدور هو
سمر بنفي : لاء ابدا اخويا لسه صغير 51 سنة
أيهم بجدية : خلاص انا هانزل ادور عليها وخليكي انتي في البيت وارني عليا لو وصلت ماشي
سمر بامتنان : ماشي شكرا لحضرتك خالص
أيهم بجدية : العفو مايا بتكون زي اختي بالضبط
حط أيهم التلفون على الترابيزه وكاد يتحرك علشان يطلع فوق نادية كلمته
نادية بقلق : خير يا أيهم في ايه
أيهم بابتسامة : مفيش يا ماما هاروح مشوار بسرعة واجي أن شاء الله
نادية بخوف : هتطلع في الوقت دا دا الوقت اتأخر مش كفاية اختك اللي تأخرت دي ولسه مجاتش
أيهم : ايوة يا ماما وبالمرة اطلع على الطريق يمكن تكون عربية ياسمين
عطلت يلا بعد اذنكم
طلع أيهم علشان يلبس ورن تلفونه مرة تانية
آسر : أيهم ساب تليفونه انا هاروح اوديه ليه
