سِمْومْ

عزيمة

هاي غاييز👋

رجعت ببارت جديد، اذا تردون نشر دائماً وكل يومين تفاعلو لأن فقط اول ٣ بارتات راح يكونو بهيچ وقت ثابت بس من البارت الرابع راح يعتمد ع التفاعل سو تفاعلو ياقلبي🌚

بوساتي😘

_______________________________________

احياناً اعطاء احدهم فرصة ثانية، مثل اعطائه رصاصه إضافية، لأنهُ لم يصبك في المرةِ الأولى...

____________________________________

واني اصعد الدرج(السلم) المؤدي لشقة سُداد، انتابني القلق والخوف بنفس الوقت، احسني خايف من مواجهة البعض...

قلبي كان ينبض بشدة لذالك تمهلت بالصعود، ومن وصلت للباب اخذت نفس عميق حتى استعد، بالبداية نزعت حذائي قبل لا ادگ(اطرق) الباب، سمعت صوت عمتي مروة قريب من الباب وهي تنطق ناحية سُداد "شنو سُداد انت عازم مهيار هم!"

مسمعت رد سُداد لأن حرفياً خرب كلشي سويته وحاولت بي ان اكون هادء قدامهم! بكلمة وحدة هدموا كلشي كالعادة!

لذا ببرود دقيت الباب وسُداد الي كأنه واقف وراء الباب فتحه بسرعة

ابتسمت بخفة اله ونطقت بهدوء "سلام"

رحب بيه سُداد ترحيب حار ودخلني للشقة، نطقت السلام مرة وحدة وبصوت هادء وصراحتاً منتبهت منو جاوب ومنو لا!

اشر سُداد ع مكان فارغ يم رضا لذا بالاجبار رحت وگعدت يمه واكيد كان لازم ان امد ايدي واسلم مع الاسف طبعاً...

نطقت ببرود "شلونك رضا"

رد علية بنفس البرود "الحمدلله، م كنت ادري انو راح تجي الليلة!"

ابتسمت بتكلف "سُداد، ء قصدي عمو سُداد اتصل علية وبلغني انو اجي"

هو من الاصول ان اگول عمو، لكن اني مااحب هذا الشي و هو هم ممانع من صرت اناديه بأسمه، بس طبعاً گدام بقية العائلة لازم اصيحله عمو هم احتراماً اله وهم هو ميقبل ان اي احد من ابناء الاخوة ان ينادوه بأسمه، عدايه طبعاً

رضا "صدگ! يعني عمو سُداد هو الي عزمك وقال لك ان تجي! اني عبالي بالصدفه اجيت!"

رديت "وشدعوه هلگد اندهشت؟!"

رضا "الموضوع شوي عجيب يعني!"

زفرت وبصوت ناصي بس اعتقد سمعه "اوك استمر بأندهاشك لعد"

رضا باوعلي بطرف عينه ودار وجهه، اخذ تفاحة من ع الميز حتى يتسممها(ياكلها)، استغفر الله هسه اني شگعدني هنا!

صرت اباوع ع الحاضرين، عمة مروة كانت گاعدة هي وبنتها الكبيرة نسرين وياخذن غيبة وعمو محمد ابو رضا كان گاعد بالوسط وماكل البقية بسوالفه او عذراً بهمبلته(كذبه)! اني ماادري هذا البشر ليش هلگد يمسلت(كلام بلا معنى)!  هو من النوع الي يستدل بأدلة واثباتات غلط عن كل المواضيع ومفكر نفسه كلشي يعرف، بس بالحقيقة هو طرن(بلا فهم)! الله يساعد مرته وجهالة علية...