سِمْومْ

بداية

هاي غاييز🙂👋

احسني متفشلة مااگدر احچي وياكم😂💔

طبعاً من شهرين اني مو منزلة اي بارت من اي رواية 🌚

مو عبالكم بهل شهرين گاعدة لا شغلة ولا عملة لا طبعاً اختكم بالله كتبت اكثر من ١٠ بارتات من رواية جديدة وراح اوصل للنهاية واختمها هم😅

سو تفاعلوا وي هاي الرواية لان تنزيلها يعتمد ع تفاعلكم والبارتات جاهزة عندي يعني اشوف تفاعل انزل البارت الي بعدة ع طول😁

احسني شريرة😂😂😂 يلا بلا لغوة زايدة اخليكم مع البارت🌚

صدگ نسيت اگول راجعت نص البارت وتعاجزت اكملة سو اذا شفتوا اي خطأ املائي منا منا تغاضوا عنه😁

بوساتي😘😘😘

________________________________

_ لم يعد في وسعي التحمل، اعطيني البندقية.
_مااللذي ستفعله؟ الانتحار خطيئة!
_أي انتحار أيها الأبله، سوف اقتل الجميع!

_________________________________

متمدد وسط الغرفة واباوع ع البنكة(مروحه)، لما كنت طفل دائماً كان عندي خوف ان البنكة توگع(تقع) ع راسي وتگطمة( تقطعة)! الله يرحم ذيچ( تلك) الايام، هسه من اگعد وافكر بيها، اكتشف ان شگد چنت( كنت) مطي!( حمار)

كنت انتظر سوران عود حتى ندرس سوه مثلاً، نضحك ع نفسنه! هو اصلاً قريب العيد منو يدرس!؟ الصراحه احنه من نلتقي اخر شي نفكر بي هي الدراسة!

بهل اثناء سمعت صوت الجرس، گمت بسرعة وفتحت الباب "هلاو!"

جاوب "هلاوات، شلونك؟"

نطقت "زين، ليش هلگد تأخرت؟"

ابتسم ابتسامة طلعت صف اسنانه البيضاء "م كان الي خلگ، اخذت فره بالسيارة واجيتك"

باوعت عليه بطرف عيني، ورحت للمطبخ حتى اسوي چاي

لحقني سوران للمطبخ "هسه من كنت افتر بالمنطقة،  شفت فاتحين محل جديد مال العاب وكل لعبه عليها اسم!"

نطقت واني اخلي ملعقتين چاي بالقوري "شگد فارغ انت! مضيع وقتك ع شلون شغلات!"

ضحك سوران وكمل "هسه د اسمع، احزر اسم يا لعابه ع اسمك!؟"

نطقت بتفكير "شمدريني... اكيد المطي؟"

ضحك سوران مره ثانيه "اصلاً مچان اكو لعابه ع اسمك!"

تنهدت واني اهز راسي للجهتين، ذيل الچلب عمره مراح يتعّدل! كما هو الحال وي هذا البغل!

بعد ماكمل ضحك نطق "اوك اخر مره، احزر اسم يا لعبه بان؟"

تنهدت "هنا بالذات مااريد احزر!"

نطق "اوك اني راح اگول، الدب.." ضحك بخفه...