حسام: فى اى
ريناد: تعالى بس بسرعة
******************
حسام: اى دة انتى واقفة برا الشقة لى
ريناد: فى صرصار جوا
حسام: دة كله علشان فى صرصار جوا
ريناد: اه طبعا دة اللى بيطير
حسام:يا رب صبرنى طيب كنتى قفلتى عليه الاوضة مش تتطلعى برة الشقة كلها
ريناد: مجاش فى بالى
حسام: ادخلى
ريناد: لا موتوا الاول
حسام: انا معرفش هو فين
ريناد: طيب بص انت ادخل ولما تموتوا ابقى قولى علشان ادخل
**************
ريناد: حبيبى الشاطر
حسام: تعرفى تسكتى شوية
ريناد: اسكت لى دة دة احلى حاجة فيا كلامى
حسام: بقولك اى فى موضوع مهم جدا
ريناد:اى هو
حسام: امك لما كانت حامل فيكى كانت بتتوحم على اى
ريناد: تصدق مسالتهاش ولا مرة
حسام: بس انا عارف
ريناد: بجد انت سالتها
حسام: مش لازم اسالها النتيجة قدامى اهى ....تقريبا كانت بتتوحم على راديو كان فى حد قاعد معاها رغاى أو مجنونة
ريناد: تقصد تقول اى انى مجنونة وانت بقى الشاطر المستحملنى
حسام: ابدا محصلش
ريناد: انت مش بتحبنى
حسام: بدأنا
ريناد: انا بتكلم بجد انت فاكر يوم ما اتقدمتلى
حسام: ماله
ريناد: افتكره الاول
Flash back
ريناد: بص ركز معايا
حسام: انتى محسسانى انى داخل امتحان
ريناد: بلاش لماضة وركز معايا
حسام: حاضر اتفضلى
ريناد: وانت جاى هات بوكية ورد لونه ابيض×لافندر
حسام: ثانية واحدة اى لافندر دة نوع شوكولاتة
ريناد: متعصبنيش دة لون
حسام: طيب كملى
ريناد: طبعا مش محتاجة اقول لبسك هتلبس الطقم البسه الاسبوع الفات فاكره
حسام: اه فاكره اوى تانى
ريناد: البرفان بقى بلاش ترش بتاع الدلوقتى ريحته تقرف
حسام: هو بس سوال صغيرة هو انا لو معملتش دة كله طنط هترفضنى
ريناد: لا يا حبيبى انا اللى هرفضك
حسام: طيب حاضر حاجة تانية
ريناد: اه في
حسام: اى يا بنتى انتى اشترتينى
ريناد: لسه وبعدين خلينى اكمل
حسام: كملى
ريناد: وانت بتتكلم مع ماما خليك لطيف
حسام: حاضر
Back
حسام: مش عملت انتى عايزاه
ريناد: دة انت كسفتنى
حسام: انا
ريناد : اه انت مش فاكر الحصل
حسام: مش جيت وكنت لطيف ولبس انتى قولتى عليه
ريناد : حصل ولكن افتكر عملت اى
Flash back
هبه: قومى يا ريناد هاتى القهوة
ريناد: ماجى تعالى معايا
ريناد: اتفضل
حسام: انتى اللى عاملها
ريناد: اه اشرب وقولى رايك
ماجى: اشربها براحة
ريناد بهمس: اتلمى
هبه: منورين اشربوا القهوة ولا انتو مكسوفين
حسام شربها واتخنق : اى دة
حنان: مالك يا ابنى
حسام: اى دة انتى حطيتى اى
ريناد: ملح
حسام: نعم انتى بتهزرى
ريناد: انت سقطت من الاختبار
حسام: اختبار اى دة بقى
ريناد: انت لو كنت شربتها من غير ما تكح يعنى انك هتستحملنى على الحلوة والمره
حسام: حرام عليكى
ريناد: دى عادة تركيا
حسام: هى عادات مصر اشتكت
Back
ريناد: شوفت بقى أنك عرتنى ازاى
حسام: كل دة وعرتك يا شيخة ارحمينى دة محدش يقدر يستحمل انتى عملتى
ريناد: تقصد تقول انك زهقت منى وانت بقى البطل الشجاع المستحملنى
حسام: افصلى انتى شاربة اى
ريناد: استروكس
حسام: طيب انا هقوم اغير هدومى واجى
ريناد بصوت عالى: استنى عندك
حسام: اى تانى
ريناد: صالحنى
حسام: نعم ياختى عملتلك
ريناد: اتاخرت عليا وانا واقفة قدام الباب
حسام: طيب يا حبيبتي انا اسف
ريناد: بس كدة
حسام: امال عايزة اى
ريناد: نلعب
حسام: يا بنتى ارحمينى
ريناد: هى لعبه صغيره
حسام: اى هى
ريناد: استغماية
حسام: نعم
ريناد: مالها طيب خلاص بلاش اى رايك نلعب كهربا
حسام: لا لا مش معقول
ريناد: طيب خلاص نلعب كوتشينه سهله وبسيطة
حسام: موافق
ريناد: حبيبى الشاطر
حسام: طيب يالا بس بشرط لو انا كسبت مسمعش صوتك لباقى اليوم
ريناد: وانا لو كسبت هتعزمنى بره
حسام: موافق يلا
****************
حسام: بصي ولا حرف
ريناد جابت ورقة وقلم : طيب ممكن اكتب
حسام: لا مش ممكن انا مصدقت انك اتكتمتى
ريناد: انت مفترى
حسام: انا مفترى ؟
ريناد: علشان انا بسليك وانت مش عايز
حسام: مش انا قولت متتكلميش
ريناد: انا هقوم انام
حسام: يبقى احسن برضو
ريناد: صبرك عليا
*****************
حسام: انتى واقفة كدا لى ؟
******************
★رايكم
*توقعاتكم
★لو عجبتكم دوسو على النجمة واعملوا متابعة وكومنت ❤️
