حسام: صباح الخير (بصدمة)أي دة
ريناد: يالا بقى اجهز بسرعة علشان هنروح لماما
حسام: مش كنتى عندها امبارح وبعدين بتحضرى الشنط لى
ريناد: لا يا حبيبى هنروح لامك انت
حسام: طيب مقولتيش لى من امبارح
ريناد: لا ما هو دة قرار سريع وبعدين انت اجازة النهاردة وبكرا فقولت نروح
حسام: طيب قايم
ريناد: حبيبى الشاطر
******************
ريناد: احم انت هتفضل ساكت كدة طول الطريق
حسام: عايزة اى
ريناد: هشغل اغانى
حسام: انا مصدع
ريناد: انا من ساعة ما عرفتك وانت مصدع
حسام: ودة مخلكيش تفكرى فى حاجة
ريناد: تقصد تقول انك مصدع بسببى يعنى يعنى انا زنانة تشكر يا باشا
حسام: نامى عقبال ما نوصل
ريناد: فكرة برضو انا هنام بقى
حسام: نامى يا غيبوبة
ريناد: سمعتك على فكرة
****************
حنان: نورتو يا ولاد
ريناد: بنورك يا ماما
حنان: قوليلى بقى الواد دة زعلك فى حاجة
حسام: هو انا بعمل حاجة
حنان: اسكت انا بسالها هى
ريناد حبت تستفزه: هو فى حد غيره بيزعلنى
حسام قعد جنبها وهمس: لمي نفسك وعدي يومك على خير
حنان: بيقولك اى الولد دة
ريناد: لا مكنش بيقول حاجة
حنان: طيب اعملو حسابكم ان فى ضيوف جايين
حسام: مين دول يا ماما
حنان : خالتك وبنتها وجوزها
حسام: اه طيب
ريناد: هى ماجى جوا
حنان: اه جات
ريناد: هقوم اقعد معاها
***************
ريناد: ممكن ادخل
ماجى: ممكن افكر
ريناد: انتى لسه هتفكرى انا دخلت خلاص
ماجى: مش كنتى قولتى انكم جايين
ريناد: محدش كان عارف هى الفكرة جات فى الدماغى اول ما صحيت قولت نيجى وبالمرة ارخم عليكى شوية
ماجى: طيب ياختى
*****************
سماح: انتى بقى عروسه حسام
ريناد: اه ازيك عامله اى
سماح: كويسه اى مش هتسلم علينا يا حسام
حسام: لا ازاى ازيكم عاملين اى
ريناد: انتى بنت خالته صح
نورهان : ومش بس كدة
ريناد: تقصدى اى
نورهان : وخطيبته
ماجى: قصدك كنتى خطيبته والكلام دة ملهوش لازمة
سماح:انتى بقى بتعرفى تتطبخى
حسام حب ينقذ الموقف: احسن طباخة فى العالم
سماح كانت عايزة تحرق دمها: تعرفى أن نورهان حب عمر حسام
(حسام كان لسه هيتكلم بس قطعته ريناد)
ريناد: استنى يا حبيبي انا ليا لسان وبعرف ارد لو كلام حضرتك مظبوط زى ما قلتى مكنش زمانه ضحى بحب عمره زى ما حضرتك قولتى بس نيجى نفكر بقى لو كان بيحب بنتك زى ما قلتى مكنش حبنى ولا اتجوزنى
ماجى: اى يا جماعة يالا نأكل
نورهان: انت طبعا لسه فاكر الايام لما كنت باجى ابات معاكم هنا (وحضنته من ضهره)
(ريناد كنت لسه هجيبها من شعرها)
حسام: احنا بقى نستاذن
ريناد بصوت عالى: انتى ازاى تعملى كدة
حسام بجدية: بس يا ريناد ويلا نمشي
ريناد: لا مش بس
حسام: قولت يلا
*****************
حسام: ممكن نهدا بقى
ريناد بصوت عالى :انا عايزة اعرف ازاى تعمل كدة واكيد كنتو واخدين انكم تعملو كدة وانت كنت خطيبها وكانت بتيجى تبات عندكم
حسام: واطى صوتك واتلمى
ريناد: انت بتبصلى كدة لى خلاص اتلميت بس برضو انت زعقتلى ودة ميدلكش الحق ابدا ومن
حسام: استنى قبل ما تندخلى فى حقوق المرأة بتاعتك دلوقتى
ريناد: مش من حق اى حد أنه يعتدى أو
حسام: يا نهار اسود هى وصلت ليعتدى
ريناد: قصدى اعتداء نفسي يعنى يزعق يعنى
حسام: بالهداوة بس كدا علشان حلقة حقوق المرأة دى تخلص ومتعصبش ،انا زعقتلك امتى ؟
ريناد: احم بعد ما عليت صوتى وكنت هقوم اجيب بنت خالتك من شعرها
حسام: وانا قولت اى
ريناد: مينفعش أعلى صوتى
حسام: وانتى عملتى اى
ريناد: عليت صوتى بس هى المستفزة
حسام: ملناش دعوة بيها
ريناد بصوت عالى:وبعدين بنت خالتك دى مسهوكة كدة مش عارفة انت كنت خاطبها ازاى دى
حسام: اتربى بقى
ريناد: خلاص صالحنى
حسام: صالحنى ؟؟ هو انا كنت زعلتك
ريناد: انا عايزة اتصالح وخلاص
حسام: طيب متزعليش انا اسف حلو كدة
ريناد: متزعليش واسف حاف كدة
حسام: مش فاهم قصدك
ريناد: انت بخيل ولا اى
حسام: اجبلك ورد
ريناد: ورد ؟ بيتاكل دة يا اخ
حسام بصدمة : بيتاكل واخ ؟؟ انتى جعانة مش كلنا عند ماما
ريناد: انت باصصلى فى الاكل وبعدين بنت خالتك سددت نفسي معرفتش اكل وبعدين يالا بقى
حسام: يالا يا اخرة صبرى
*****************
ريناد: انت هتنام
حسام: اه عندك مانع
ريناد: احكيلى حدوتة
حسام بصدمة: نعم !!!!
ريناد: اى مالك بقولك احكيلى حدوتة
حسام: انتى بتهزرى صح
ريناد: لا مش بهزر فيها اى لما تحكيلى حدوتة قبل ما تنام
حسام: نامى يا حبيبتى ربنا يستر على دماغك
ريناد: قوم انت مش هتنام غير لما تحكيلى حدوتة
حسام: من عينى
ريناد: حبيبى قرة عينى القمر
حسام: جاهزة
ريناد: جدا
حسام: كان يا مكان يا سعد يا إكرام ما يحلى الكلام الا بذكر النبى عليه الصلاة والسلام
ريناد: عليه افضل الصلاه والسلام
حسام: كان واحد اتقبض عليه وهما بيحققو معاه سالو انت قتلت مراتك لى قالهم علشان كانت عايزانى احكيلها حدوتة قبل ما تنام .......... ريناد انتى غمضتى عينك كدة لى
ريناد: مين الحيوان القالك احكى حدوتة
حسام: انتى
ريناد: لا محصلش انا اصلا بكره حاجة اسمها حدوتة
حسام: نامى بقى
**********************
ريناد بصوت عالى: حسام اصححححى
حسام بصدمة:........
*****************
★تواقعتكم
★رايكم
★اتمنى لو عجبتكم دوسو على النجمة واعملوا متابعة وكومنت ❤️
